ಭಾನುವಾರ, ಫೆಬ್ರವರಿ 28, 2021
23 °C

₹ 20ಕ್ಕೆ ಮುಖಕ್ಕೆ ಧರಿಸುವ 3ಡಿ ಟೆಕ್ನಾಲಜಿಯ ರಕ್ಷಣಾ ಕವಚ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಬೆಂಗಳೂರು: ಕೊರೊನಾ ಸೋಂಕು ಹರಡದಂತೆ ತಡೆಯಲು ಕೇವಲ ₹20 ವೆಚ್ಚದಲ್ಲಿ ಮುಖಕ್ಕೆ ಧರಿಸುವ ರಕ್ಷಣಾ ಕವಚವನ್ನು (ಫೇಸ್ ಶೀಲ್ಡ್) ಆಂಧ್ರಪ್ರದೇಶದ ಎಸ್‍ಆರ್‌ಎಂ ಇನ್‍ಸ್ಟಿಟ್ಯೂಟ್ ಆಫ್ ಸೈನ್ಸ್ ಆಂಡ್ ಟೆಕ್ನಾಲಜಿ ಸಂಸ್ಥೆ ಅಭಿವೃದ್ಧಿಪಡಿಸಿದೆ.

3ಡಿ ಪ್ರಿಂಟಿಂಗ್ ಟೆಕ್ನಾಲಜಿಯಿಂದ ತಯಾರಾಗಿರುವ ಈ ರಕ್ಷಣಾ ಕವಚವನ್ನು ಮೆಕಾನಿಕಲ್ ಎಂಜಿನಿಯರಿಂಗ್ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಪಂಚಗುನುಲ ಜಯಪ್ರಕಾಶ್ ವಿನ್ಯಾಸ ಮಾಡಿದ್ದಾರೆ.

‘ಇದನ್ನು ಧರಿಸುವುದರಿಂದ ಕಿವಿ, ಕಣ್ಣು, ಮೂಗು, ಬಾಯಿ ಒಟ್ಟಾರೆ ಮುಖಕ್ಕೆ ಸೋಂಕು ಹರಡದಂತೆ ಹಾಗೂ ಗಾಳಿ, ಧೂಳಿನಿಂದಲೂ ತಡೆಯಬಲ್ಲದು. ಸೋಂಕು ತಡೆಗೆ ಹೋರಾಡುತ್ತಿರುವ ವೈದ್ಯರು, ಪತ್ರಕರ್ತರು ಹಾಗೂ ಪೊಲೀಸ್ ಸಿಬ್ಬಂದಿ ಸಾಮಾನ್ಯ ಮಾಸ್ಕ್ ಬದಲಿಗೆ ಈ ಕವಚಗಳನ್ನು ಬಳಸಬಹುದು. ಈ ಉಪಕರಣ ತಯಾರಿಗೆ ಸರ್ಕಾರ ಅನುಮೋದನೆ ನೀಡಿದರೆ, ಕೊರೊನಾದಿಂದ ಪಾರಾಗಲು ಸಾರ್ವಜನಿಕರಿಗೂ ಅನುಕೂಲವಾಗಲಿದೆ’ ಎಂದರು.

ಈ ಕುರಿತು ವಿಶ್ವವಿದ್ಯಾಲಯದ ಕುಲಪತಿ ಪ್ರೊ.ನಾರಾಯಣ್ ರಾವ್ ಅವರು ಆಂಧ್ರಪ್ರದೇಶ ಸರ್ಕಾರಕ್ಕೆ ಮನವಿ ಮಾಡಿದ್ದು, ಶೈಕ್ಷಣಿಕ ಸಂಸ್ಥೆಗಳು ಕಾರ್ಯಾರಂಭ ಮಾಡಿದ ಬಳಿಕ ಲಕ್ಷಾಂತರ ವಿದ್ಯಾರ್ಥಿಗಳು ತರಗತಿಗಳಲ್ಲಿ ಈ ಮುಖ ಕವಚ ಧರಿಸಿ ಪಾಠ ಕಲಿಕೆ ಮುಂದುವರಿಸಲು ನೆರವಾಗಲಿದೆ ಎಂದು ಸಲಹೆ ನೀಡಿದ್ದಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು