<p><strong>ಬೆಂಗಳೂರು</strong>: ‘ರಾಷ್ಟ್ರೀಯ ಸ್ವಯಂ ಸೇವಕ ಸಂಘ (ಆರ್ಎಸ್ಎಸ್) ಎಂಬುದು ಪ್ರತ್ಯೇಕ ಸಂಘಟನೆಯಲ್ಲ. ಅದು ದೇಶ ಕಟ್ಟುವ ಜನರ ಗುಂಪು. ಸದೃಢ ಭಾರತವನ್ನು ಕಟ್ಟಲು ನೋಂದಣಿ ಯಾಕೆ ಬೇಕು’ ಎಂದು ಲೇಖಕ ರಾಮ್ ಮಾಧವ್ ಪ್ರಶ್ನಿಸಿದರು.</p>.<p>ಥಿಂಕರ್ಸ್ ಫೋರಂ ವತಿಯಿಂದ ನಡೆದ ಅವರ ‘ಶಾಖಾ ಟು ನೇಷನ್’ ಕೃತಿ ಜನಾರ್ಪಣೆ ಕಾರ್ಯಕ್ರಮದಲ್ಲಿ ಮಾತನಾಡಿದರು.</p>.<p>‘ಆರ್ಎಸ್ಎಸ್ ಯಾಕೆ ನೋಂದಣಿ ಮಾಡಿಕೊಂಡಿಲ್ಲ ಎಂದು ಕರ್ನಾಟಕದ ಕೆಲವು ನಾಯಕರು ಕೇಳಿದ್ದರು. ಭಾರತವು ನೋಂದಣಿಯಾಗಿದೆಯೇ? ಏಕೀಕೃತ ಭಾರತವನ್ನು ಕಟ್ಟುವ ಕ್ರಿಯೆಯು ಹೇಗೆ ಒಂದು ಸಂಘಟನೆಯಾಗುತ್ತದೆ? ಭಾರತೀಯರಾದ ನಾವು ಎಂಬುದು ನಮ್ಮ ಸಂವಿಧಾನದ ಪೀಠಿಕೆಯಲ್ಲೇ ಇದೆ. ಅಲ್ಲಿಗೆ ಮುಗಿಯಿತು. ಆರ್ಎಸ್ಎಸ್ ತನಗಾಗಿ ಪ್ರತ್ಯೇಕ ಗುರುತು ಬೇಕು ಎಂದು ಬಯಸಿಲ್ಲ’ ಎಂದು ಹೇಳಿದರು.</p>.<p>ಆರ್ಎಸ್ಎಸ್ ಜನರ ಸಂಘಟನೆ ಆಗಿರುವುದರಿಂದ ಇಲ್ಲಿ ಯಾರು ಬೇಕಾದರೂ ಬರಬಹುದು. ಯಾರು ಬೇಕಾದರೂ ಹೊರ ಹೋಗಬಹುದು. ಅಷ್ಟು ಮಾತ್ರವಲ್ಲ. ಸಂಘಟನೆಯಿಂದ ಹೊರ ಹೋದವರು ಒಂದೆರಡು ವರ್ಷ ಬಿಟ್ಟು ಮತ್ತೆ ಒಳಗೆ ಬಂದರೂ ಯಾಕೆ ಬಿಟ್ಟು ಹೋದ್ರಿ? ಯಾಕೆ ಮತ್ತೆ ಬಂದ್ರಿ ಎಂದು ಕೇಳದೇ ಸೇರಿಸಿಕೊಳ್ಳುತ್ತದೆ ಎಂದು ವಿವರಿಸಿದರು.</p>.<p>ಆರ್ಎಸ್ಎಸ್ ಗುಪ್ತ ಸಂಘಟನೆ ಎಂದು ಕೆಲವರು ಆರೋಪಿಸುತ್ತಾರೆ. ಆರ್ಎಸ್ಎಸ್ನಲ್ಲಿ ರಹಸ್ಯ ಏನಿದೆ. ಎಲ್ಲವೂ ತೆರೆದಿದೆ ಎಂದು ಹೇಳಿದರು.</p>.<p>‘ಶಾಖಾ ಟು ನೇಷನ್’ ಕೃತಿಯಲ್ಲಿ 1925ರಿಂದ ಇಲ್ಲಿವರೆಗೆ ಸಂಘದ ಮತ್ತು ಸಂಘ ಪರಿವಾರದ ನಾಯಕರು ಮಾಡಿದ ಪ್ರಮುಖವಾದ 30 ಭಾಷಣಗಳಿವೆ. ಇದರಲ್ಲಿ ಎರಡು–ಮೂರು ಭಾಷಣಗಳಷ್ಟೇ ಆರ್ಎಸ್ಎಸ್ ಬಗ್ಗೆ ಇವೆ. ಉಳಿದವುಗಳೆಲ್ಲ ರಾಷ್ಟ್ರೀಯತೆ, ಸಮಾಜ, ಹಿಂದೂ ಸಮಾಜ, ಹಿಂದುತ್ವ, ಸಂಸ್ಕೃತಿ, ಏಕತೆಯ ಬಗ್ಗೆಯೇ ಇವೆ. ಆರ್ಎಸ್ಎಸ್ ಸಂಘಟನೆಗಿಂತ ದೇಶದ ಬಗ್ಗೆಯೇ ಹೆಚ್ಚು ಯೋಚಿಸುತ್ತದೆ. ಅದಕ್ಕಾಗಿಯೇ ಶತಮಾನದ ಸಂಭ್ರಮದಲ್ಲಿರುವ ಆರ್ಎಸ್ಎಸ್ ಹೆಮ್ಮರವಾಗಿ ಬೆಳೆದಿದೆ. ಬೆಳೆಯುತ್ತಲೇ ಇದೆ ಎಂದು ತಿಳಿಸಿದರು.</p>.<p><strong>‘ಗುರುದಕ್ಷಿಣೆಗೆ ರಶೀದಿ ಏಕೆ’</strong></p><p> ‘ದೇಶ ಧರ್ಮ ಸಂಸ್ಕೃತಿಯ ಕಾಳಜಿ ವಹಿಸುವ ಆರ್ಎಸ್ಎಸ್ ಒಂದು ಟ್ರಸ್ಟ್ ಅಥವಾ ಸೊಸೈಟಿ ಅಲ್ಲ. ಇಲ್ಲಿ ಆದಾಯ ತೆರಿಗೆಯ ದಾಖಲೆಗಳಿಲ್ಲ. ಹೊರಗಿನಿಂದ ಯಾರಿಂದಲೂ ಯಾವುದೇ ನಿಧಿ ತೆಗೆದುಕೊಳ್ಳುವುದಿಲ್ಲ. ಆರ್ಎಸ್ಎಸ್ನ ಒಳಗಿನ ಹೃದಯವಂತರು ಗುರುದಕ್ಷಿಣೆ ರೂಪದಲ್ಲಿ ನೀಡುವುದನ್ನಷ್ಟೇ ಸ್ವೀಕರಿಸಲಾಗುತ್ತದೆ. ಆರ್ಎಸ್ಎಸ್ನಲ್ಲಿ ರಸೀದಿ ಪುಸ್ತಕವೇ ಇಲ್ಲ. ಇನ್ನು ಹೊರಗಿನಿಂದ ಹಣ ಪಡೆಯುವುದು ಎಲ್ಲಿಂದ ಬಂತು’ ಎಂದು ರಾಮ್ ಮಾಧವ್ ಪ್ರಶ್ನಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ‘ರಾಷ್ಟ್ರೀಯ ಸ್ವಯಂ ಸೇವಕ ಸಂಘ (ಆರ್ಎಸ್ಎಸ್) ಎಂಬುದು ಪ್ರತ್ಯೇಕ ಸಂಘಟನೆಯಲ್ಲ. ಅದು ದೇಶ ಕಟ್ಟುವ ಜನರ ಗುಂಪು. ಸದೃಢ ಭಾರತವನ್ನು ಕಟ್ಟಲು ನೋಂದಣಿ ಯಾಕೆ ಬೇಕು’ ಎಂದು ಲೇಖಕ ರಾಮ್ ಮಾಧವ್ ಪ್ರಶ್ನಿಸಿದರು.</p>.<p>ಥಿಂಕರ್ಸ್ ಫೋರಂ ವತಿಯಿಂದ ನಡೆದ ಅವರ ‘ಶಾಖಾ ಟು ನೇಷನ್’ ಕೃತಿ ಜನಾರ್ಪಣೆ ಕಾರ್ಯಕ್ರಮದಲ್ಲಿ ಮಾತನಾಡಿದರು.</p>.<p>‘ಆರ್ಎಸ್ಎಸ್ ಯಾಕೆ ನೋಂದಣಿ ಮಾಡಿಕೊಂಡಿಲ್ಲ ಎಂದು ಕರ್ನಾಟಕದ ಕೆಲವು ನಾಯಕರು ಕೇಳಿದ್ದರು. ಭಾರತವು ನೋಂದಣಿಯಾಗಿದೆಯೇ? ಏಕೀಕೃತ ಭಾರತವನ್ನು ಕಟ್ಟುವ ಕ್ರಿಯೆಯು ಹೇಗೆ ಒಂದು ಸಂಘಟನೆಯಾಗುತ್ತದೆ? ಭಾರತೀಯರಾದ ನಾವು ಎಂಬುದು ನಮ್ಮ ಸಂವಿಧಾನದ ಪೀಠಿಕೆಯಲ್ಲೇ ಇದೆ. ಅಲ್ಲಿಗೆ ಮುಗಿಯಿತು. ಆರ್ಎಸ್ಎಸ್ ತನಗಾಗಿ ಪ್ರತ್ಯೇಕ ಗುರುತು ಬೇಕು ಎಂದು ಬಯಸಿಲ್ಲ’ ಎಂದು ಹೇಳಿದರು.</p>.<p>ಆರ್ಎಸ್ಎಸ್ ಜನರ ಸಂಘಟನೆ ಆಗಿರುವುದರಿಂದ ಇಲ್ಲಿ ಯಾರು ಬೇಕಾದರೂ ಬರಬಹುದು. ಯಾರು ಬೇಕಾದರೂ ಹೊರ ಹೋಗಬಹುದು. ಅಷ್ಟು ಮಾತ್ರವಲ್ಲ. ಸಂಘಟನೆಯಿಂದ ಹೊರ ಹೋದವರು ಒಂದೆರಡು ವರ್ಷ ಬಿಟ್ಟು ಮತ್ತೆ ಒಳಗೆ ಬಂದರೂ ಯಾಕೆ ಬಿಟ್ಟು ಹೋದ್ರಿ? ಯಾಕೆ ಮತ್ತೆ ಬಂದ್ರಿ ಎಂದು ಕೇಳದೇ ಸೇರಿಸಿಕೊಳ್ಳುತ್ತದೆ ಎಂದು ವಿವರಿಸಿದರು.</p>.<p>ಆರ್ಎಸ್ಎಸ್ ಗುಪ್ತ ಸಂಘಟನೆ ಎಂದು ಕೆಲವರು ಆರೋಪಿಸುತ್ತಾರೆ. ಆರ್ಎಸ್ಎಸ್ನಲ್ಲಿ ರಹಸ್ಯ ಏನಿದೆ. ಎಲ್ಲವೂ ತೆರೆದಿದೆ ಎಂದು ಹೇಳಿದರು.</p>.<p>‘ಶಾಖಾ ಟು ನೇಷನ್’ ಕೃತಿಯಲ್ಲಿ 1925ರಿಂದ ಇಲ್ಲಿವರೆಗೆ ಸಂಘದ ಮತ್ತು ಸಂಘ ಪರಿವಾರದ ನಾಯಕರು ಮಾಡಿದ ಪ್ರಮುಖವಾದ 30 ಭಾಷಣಗಳಿವೆ. ಇದರಲ್ಲಿ ಎರಡು–ಮೂರು ಭಾಷಣಗಳಷ್ಟೇ ಆರ್ಎಸ್ಎಸ್ ಬಗ್ಗೆ ಇವೆ. ಉಳಿದವುಗಳೆಲ್ಲ ರಾಷ್ಟ್ರೀಯತೆ, ಸಮಾಜ, ಹಿಂದೂ ಸಮಾಜ, ಹಿಂದುತ್ವ, ಸಂಸ್ಕೃತಿ, ಏಕತೆಯ ಬಗ್ಗೆಯೇ ಇವೆ. ಆರ್ಎಸ್ಎಸ್ ಸಂಘಟನೆಗಿಂತ ದೇಶದ ಬಗ್ಗೆಯೇ ಹೆಚ್ಚು ಯೋಚಿಸುತ್ತದೆ. ಅದಕ್ಕಾಗಿಯೇ ಶತಮಾನದ ಸಂಭ್ರಮದಲ್ಲಿರುವ ಆರ್ಎಸ್ಎಸ್ ಹೆಮ್ಮರವಾಗಿ ಬೆಳೆದಿದೆ. ಬೆಳೆಯುತ್ತಲೇ ಇದೆ ಎಂದು ತಿಳಿಸಿದರು.</p>.<p><strong>‘ಗುರುದಕ್ಷಿಣೆಗೆ ರಶೀದಿ ಏಕೆ’</strong></p><p> ‘ದೇಶ ಧರ್ಮ ಸಂಸ್ಕೃತಿಯ ಕಾಳಜಿ ವಹಿಸುವ ಆರ್ಎಸ್ಎಸ್ ಒಂದು ಟ್ರಸ್ಟ್ ಅಥವಾ ಸೊಸೈಟಿ ಅಲ್ಲ. ಇಲ್ಲಿ ಆದಾಯ ತೆರಿಗೆಯ ದಾಖಲೆಗಳಿಲ್ಲ. ಹೊರಗಿನಿಂದ ಯಾರಿಂದಲೂ ಯಾವುದೇ ನಿಧಿ ತೆಗೆದುಕೊಳ್ಳುವುದಿಲ್ಲ. ಆರ್ಎಸ್ಎಸ್ನ ಒಳಗಿನ ಹೃದಯವಂತರು ಗುರುದಕ್ಷಿಣೆ ರೂಪದಲ್ಲಿ ನೀಡುವುದನ್ನಷ್ಟೇ ಸ್ವೀಕರಿಸಲಾಗುತ್ತದೆ. ಆರ್ಎಸ್ಎಸ್ನಲ್ಲಿ ರಸೀದಿ ಪುಸ್ತಕವೇ ಇಲ್ಲ. ಇನ್ನು ಹೊರಗಿನಿಂದ ಹಣ ಪಡೆಯುವುದು ಎಲ್ಲಿಂದ ಬಂತು’ ಎಂದು ರಾಮ್ ಮಾಧವ್ ಪ್ರಶ್ನಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
