ಡಿಜಿ ಮತ್ತು ಐಜಿ ಹುದ್ದೆ ಯುಪಿಎಸ್‌ಸಿಗೆ ಪಟ್ಟಿ

ಈ ಸಂಬಂಧ ಯುಪಿಎಸ್‌ಸಿ ಕೆಲವು ಮಾಹಿತಿ ಕೇಳಿತ್ತು. ಅದನ್ನೂ ಕಳುಹಿಸಲಾಗಿದೆ. ರಾಜ್ಯ ಸರ್ಕಾರದಿಂದ ಬಂದಿರುವ ಪಟ್ಟಿಯಲ್ಲಿ ಮೂವರ ಹೆಸರನ್ನು ಸೇವಾ ಹಿರಿತನ, ಕಾರ್ಯಕ್ಷಮತೆ ಮತ್ತಿತರ ಆಧಾರದಲ್ಲಿ ಯುಪಿಎಸ್‌ಸಿ ಸರ್ಕಾರಕ್ಕೆ ಕಳುಹಿಸಲಿದೆ. ಅವರಲ್ಲಿ ಒಬ್ಬರನ್ನು ಸರ್ಕಾರ ಆಯ್ಕೆ ಮಾಡಲಿದೆ ಎಂದು ಮೂಲಗಳು ಪ್ರಜಾವಾಣಿಗೆ ತಿಳಿಸಿವೆ.

ಇದಲ್ಲದೆ, 2020ರೊಳಗೆ ಐದು ಪೊಲೀಸ್‌ ಮಹಾನಿರ್ದೇಶಕರ ಹುದ್ದೆಗಳು ಖಾಲಿಯಾಗಲಿದ್ದು, ಈ ಹುದ್ದೆಗಳಿಗೆ ಅರ್ಹರಾದ ಆರು ಹಿರಿಯ ಅಧಿಕಾರಿಗಳ ಪಟ್ಟಿಯನ್ನು ಸಿದ್ಧಪಡಿಸಲಾಗಿದೆ. ಮುಖ್ಯ ಕಾರ್ಯದರ್ಶಿ ಟಿ.ಎಂ. ವಿಜಯ ಭಾಸ್ಕರ ಅವರ ಅಧ್ಯಕ್ಷತೆಯಲ್ಲಿ ಬುಧವಾರ ಪದೋನ್ನತಿ ಸಮಿತಿ ಸಭೆ ನಡೆಯಿತು. ಡಿಜಿ ಮತ್ತು ಐಜಿ ನೀಲಮಣಿ ರಾಜು ಮತ್ತಿತರ ಅಧಿಕಾರಿಗಳು ಸಭೆಯಲ್ಲಿ ಭಾಗವಹಿಸಿದ್ದರು.