ಬೆಂಗಳೂರಿನಲ್ಲಿ ‘ವಿಸ್ಟಾಡೋಮ್‘ ಕಲರವ !
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಮಂಗಳೂರಿನಿಂದ ಹೊರಟಿದ್ದ ‘ವಿಸ್ಟಾಡೋಮ್’ ಕೋಚ್ ರೈಲು ಭಾನುವಾರ ರಾತ್ರಿ 8.05ಕ್ಕೆ ನಗರದ ಯಶವಂತಪುರಕ್ಕೆ ಬಂದಿತು. ಈ ರೈಲಿನಲ್ಲಿನ ತಮ್ಮ ಮೊದಲ ಪ್ರಯಾಣದ ಅನುಭವವನ್ನು ಪ್ರಯಾಣಿಕರು ಹಂಚಿಕೊಂಡರು.
‘ನಿಸರ್ಗ ಸೌಂದರ್ಯವನ್ನು ವಿಭಿನ್ನವಾಗಿ ಕಣ್ತುಂಬಿಕೊಂಡಂತಾಯಿತು. ಹೊಸ ಹುರುಪಿನೊಂದಿಗೆ ಬೆಂಗಳೂರಿನಲ್ಲಿ ಕೆಲಸ ಮಾಡುವಷ್ಟು ಉತ್ಸಾಹವನ್ನು ಈ ಪ್ರಯಾಣ ನೀಡಿತು’ ಎಂದು ಪ್ರಯಾಣಿಕ ವಿನೋದ್‌ ಹೇಳಿದರು.
‘ವಿಸ್ಟಾಡೋಮ್’ ಬೋಗಿಗಳಲ್ಲಿ ಪ್ರಯಾಣ: ಪ್ರಕೃತಿಯ ರಮಣೀಯ ನೋಟದ ಪುಳಕ!
ಕಾರವಾರಕ್ಕೂ ಹೊರಡಲಿದೆ ‘ವಿಸ್ಟಾಡೋಮ್’
ಇದೇ ಸೋಮವಾರದಿಂದ ಯಶವಂತಪುರ-ಕಾರವಾರ ಎಕ್ಸ್‌ಪ್ರೆಸ್‌ ಸ್ಪೆಷಲ್ ರೈಲು ಕೂಡ ‘ವಿಸ್ಟಾಡೋಮ್ ಕೋಚ್’ ನೊಂದಿಗೆ ಪ್ರಯಾಣ ಆರಂಭಿಸಲಿದೆ. ಈ ರೈಲಿನಲ್ಲಿ ಪ್ರಯಾಣಿಸುವ ಮೂಲಕವೂ ಪಶ್ಚಿಮಘಟ್ಟದ ಪ್ರಕೃತಿ ಸೌಂದರ್ಯ ಕಣ್ತುಂಬಿಕೊಳ್ಳಬಹುದು.
ಬೆಳಿಗ್ಗೆ 7 ಗಂಟೆಗೆ ಯಶವಂತಪುರ ರೈಲು ನಿಲ್ದಾಣದಿಂದ (06211) ಈ ವಿಶೇಷ ರೈಲು ಹೊರಡಲಿದೆ. ಈ ರೈಲಿಗೆ ಎರಡು ವಿಸ್ಟಾಡೋಮ್ ಕೋಚ್ ಅಳವಡಿಸಲಾಗಿದೆ. ಪ್ರತಿ ಕೋಚ್ 44 ಆಸನ ಸಾಮರ್ಥ್ಯ ಹೊಂದಿದೆ. ಭಾನುವಾರ ರಾತ್ರಿ ಎಂಟು ಗಂಟೆ ವೇಳೆಗಾಗಲೇ 54 ಮಂದಿ ಮುಂಗಡ ಟಿಕೆಟ್ ಕಾಯ್ದಿರಿಸಿದ್ದಾರೆ.
ವಿಸ್ಟಾಡೋಮ್: ಬೆಂಗಳೂರು–ಮಂಗಳೂರು ಪ್ರಯಾಣ ದರ
ಹವಾನಿಯಂತ್ರಿತ ಬೋಗಿ; ₹1,395
ಸಾಮಾನ್ಯ ಚೇರ್‌ ಕಾರ್‌; ₹560
ಸಾಮಾನ್ಯ ಬೋಗಿ ದ್ವಿತೀಯ ದರ್ಜೆ; ₹155
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
