₹8 ಕೋಟಿ ಮೌಲ್ಯದ ‘ತಿಮಿಂಗಿಲ ವಾಂತಿ’ ಮಾರಾಟ ಯತ್ನ

ಸೈಯದ್ ತಜ್ಮುಲ್ ಪಾಷಾ (54), ಸಲೀಂ ಪಾಷಾ (48), ರಫೀ ಉಲ್ಲಾ ಶರೀಫ್ (45), ನಾಸಿರ್ ಪಾಷಾ (34) ಬಂಧಿತರು.

‘ಆರೋಪಿಗಳು ಕೆ.ಜಿ.ಹಳ್ಳಿ ಠಾಣಾ ವ್ಯಾಪ್ತಿಯಲಕ್ಷ್ಮೀಪತಿ ಗಾರ್ಡನ್‍ನ ತೆಂಗಿನ ತೋಟದ ಬಳಿ ಈ ನಿಷೇಧಿತ ವಸ್ತುವನ್ನು ಇಟ್ಟುಕೊಂಡು ಮಾರಾಟ ಮಾಡಲು ಮುಂದಾಗಿದ್ದರು. ಈ ಮಾಹಿತಿ ಮೇರೆಗೆ ದಾಳಿ ನಡೆಸಿ ನಾಲ್ವರನ್ನು ಬಂಧಿಸಲಾಯಿತು. ಆರೋಪಿಗಳ ಬಳಿ ಇದ್ದ ₹8 ಕೋಟಿ ಬೆಲೆಬಾಳುವ 6.7 ಕೆ.ಜಿ ತೂಕದ ತಿಮಿಂಗಿಲ ವಾಂತಿಯನ್ನು ಜಪ್ತಿ ಮಾಡಲಾಯಿತು’ ಎಂದು ಪೊಲೀಸರು ತಿಳಿಸಿದರು.

‘ತಿಮಿಂಗಿಲ ವಾಂತಿಯು ವನ್ಯಜೀವಿ ಸಂರಕ್ಷಣಾ ಕಾಯ್ದೆಯಡಿ ನಿಷೇಧಿತ ವಸ್ತು. ಇದನ್ನುಸುಗಂಧ ದ್ರವ್ಯ ಹಾಗೂ ಔಷಧ ತಯಾರಿಯಲ್ಲೂ ಹೆಚ್ಚಾಗಿ ಬಳಸುತ್ತಾರೆ. ಈ ವಸ್ತುವಿಗೆಅರಬ್, ಚೀನಾ ಹಾಗೂ ಪಾಶ್ಚಿಮಾತ್ಯ ದೇಶಗಳಲ್ಲಿ ಹೆಚ್ಚು ಬೇಡಿಕೆ ಇದ್ದು, ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕೆ.ಜಿ.ಗೆ ₹1.5 ಕೋಟಿಯಷ್ಟು ಬೆಲೆಯಿದೆ’ ಎಂದು ವಿವರಿಸಿದರು.

ಹಿಂದಿನ ಓದು– ಮುರ್ಡೇಶ್ವರ ಕಡಲತೀರದಲ್ಲಿ ‘ತಿಮಿಂಗಿಲದ ವಾಂತಿ’ ಪತ್ತೆ!

‘ಆರೋಪಿಗಳಿಗೆ ಈ ವಸ್ತು ಎಲ್ಲಿಂದ ಲಭ್ಯವಾಯಿತು ಹಾಗೂ ಯಾರಿಗೆ ಮಾರಲು ಯೋಜನೆ ರೂಪಿಸಿದ್ದರು ಎಂಬ ಮಾಹಿತಿ ಕಲೆಹಾಕಲಾಗುತ್ತಿದೆ. ಆರೋಪಿಗಳ ವಿರುದ್ಧ ವನ್ಯಜೀವಿ ಸಂರಕ್ಷಣಾ ಕಾಯ್ದೆ ಹಾಗೂ ಐಪಿಸಿಯಡಿ ಪ್ರಕರಣ ದಾಖಲಿಸಲಾಗಿದೆ’ ಎಂದೂ ಹೇಳಿದರು.