ಬೆಳಿಗ್ಗೆ 9 ಗಂಟೆಗೆ ಆರಂಭವಾದ ಮೇಳದಲ್ಲಿ ವಿಶ್ವವಿದ್ಯಾಲಯದ ಆವರಣದಲ್ಲಿ ಸಹಸ್ರಾರು ಸಂಖ್ಯೆಯ ವಿದ್ಯಾರ್ಥಿಗಳು ಮೇಳದ ಮಳಿಗೆಗಳನ್ನು ಮನದಣಿಯೆ ಸುತ್ತಿದರು. ವಿದ್ಯಾರ್ಥಿಗಳು, ಶಿಕ್ಷಕರು, ಪೋಷಕರು, ಸಂಶೋಧನಾ ಆಸಕ್ತರು; ಭೌತವಿಜ್ಞಾನ, ರಸಾಯನವಿಜ್ಞಾನ, ಮೆಕ್ಯಾನಿಕಲ್ ವಿಜ್ಞಾನ, ಗಣಿತ, ಎಲೆಕ್ಟ್ರಿಕಲ್ ವಿಜ್ಞಾನವೂ ಸೇರಿದಂತೆ 40ಕ್ಕೂ ಹೆಚ್ಚು ವಿಭಾಗಗಳಿಗೆ ಭೇಟಿ ಕೊಟ್ಟರು. ಕ್ವಿಜ್ ಸ್ಪರ್ಧೆ, ಪ್ರಾತ್ಯಕ್ಷಿಕೆ, ಜನಪ್ರಿಯ ಬೋಧಕರಿಂದ ಪ್ರಯೋಗಗಳ ವಿವರಣೆಯ ರಸದೌತಣ ಸವಿದರು.