ಕೆಎಟಿ ಆದೇಶ ತಿರುಚಿವಿಕೆ: ಬಸವತೀರ್ಥ ಮಠದ ಸ್ವಾಮೀಜಿ ವಿರುದ್ಧ ಪ್ರಕರಣಕ್ಕೆ ಆದೇಶ

ಹುಮನಾಬಾದ್‌ ತಾಲ್ಲೂಕಿನ ಬೋರಂಪಳ್ಳಿ ಸರ್ವೇ ನಂಬರ್‌ 38, 274, 277, 282, ಗಡವಂತಿ ಗ್ರಾಮದ ಸರ್ವೇ ನಂಬರ್‌ 156ಕ್ಕೆ ಸಂಬಂಧಿಸಿದಂತೆ ಸ್ವಾಮೀಜಿ ದಾಖಲೆಗಳನ್ನು ತಿರುಚಿರುವುದು ದೃಢಪಟ್ಟಿದೆ ಎಂದು ಬೆಂಗಳೂರಿನ ಮೇಲ್ಮನವಿ ನ್ಯಾಯಾಲಯವು 2021ರ ಡಿಸೆಂಬರ್‌ 28ರಂದು ಆದೇಶ ಹೊರಡಿಸಿತ್ತು. ಬಸವತೀರ್ಥ ಮಠಕ್ಕೂ ಈ ಆಸ್ತಿಗೂ ಯಾವುದೇ ಸಂಬಂಧವಿಲ್ಲ ಎಂದು ಆದೇಶಿಸಿತ್ತು. 

ಸ್ವಾಮೀಜಿ ಅವರು ಕೆಎಟಿ ಆದೇಶದ ಖಂಡಿಕೆಯಲ್ಲಿ ಇಲ್ಲದ ವಿಷಯವನ್ನು ಸೇರಿಸಿ ತಿರುಚಿದ್ದಾರೆ ಎಂದು 2023ರ ಏಪ್ರಿಲ್‌ 20ರಂದು ಬೋರಂಪಳ್ಳಿಯ ಚಂದ್ರಕಾಂತ ಶಾಮರಾವ ಬಿರಾದಾರ ಅವರು ಜಿಲ್ಲಾಧಿಕಾರಿಗೆ ಲಿಖಿತ  ದೂರು ಸಲ್ಲಿಸಿದ್ದರು. ಇದನ್ನು ಆಧರಿಸಿ ಜಿಲ್ಲಾಧಿಕಾರಿ ವಿಚಾರಣೆ ನಡೆಸಿ, ಈ ಆದೇಶ ನೀಡಿದ್ದಾರೆ.