ಖಟಕಚಿಂಚೋಳಿ | ಮಿಶ್ರ ಬೇಸಾಯ: ಉತ್ತಮ ಆದಾಯ

‘ಭೂಮಿ ಹದ, ಬಿತ್ತನೆ ಬೀಜ, ರಸಗೊಬ್ಬರ, ಔಷಧ ಸಿಂಪಡಣೆ ಸೇರಿದಂತೆ ಇನ್ನಿತರ ಖರ್ಚು ಸೇರಿ ₹30 ಸಾವಿರ ಖರ್ಚಾಗಿದೆ. ಈಗಾಗಲೇ ಖರ್ಚಾಗಿರುವ ಅರ್ಧದಷ್ಟು ಹಣ ತರಕಾರಿ ಹಾಗೂ ಗುಲಾಬಿ ಮಾರಾಟದಿಂದ ಬಂದಿದೆ’ ಎಂದು ರೈತ ಪಾಟೀಲ ತಿಳಿಸುತ್ತಾರೆ.

‘ವಾರದಲ್ಲಿ ಎರಡು ಬಾರಿ ಗುಲಾಬಿ ಹೂ ಹಾಗೂ ತರಕಾರಿ ಮಾರುಕಟ್ಟೆಗೆ ತೆಗೆದುಕೊಂಡು ಹೋಗುತ್ತಿದ್ದೇನೆ. ಗುಲಾಬಿ ಹೂ ಪ್ರತಿ ಕೆಜಿಗೆ ₹100 ರಂತೆ ಮಾರಾಟ ಆಗುತ್ತಿವೆ. ಅಲ್ಲದೇ ತರಕಾರಿ ಮಾರಾಟದಿಂದಲೂ ಆದಾಯ ದೊರೆಯುತ್ತಿದೆ. ಇದರಿಂದ ಮುಂದಿನ ದಿನಗಳಲ್ಲಿ ಕಾಬೂಲಿ ಕಡಲೆ ಹಾಗೂ ಕಬ್ಬು ಬೆಳೆಯಿಂದ ಇನ್ನೂ ಹೆಚ್ಚಿನ ಲಾಭ ದೊರೆಯಲಿದೆ’ ಎಂದು ಸಂತಸ ವ್ಯಕ್ತಪಡಿಸುತ್ತಾರೆ.

‘ಮುಖ್ಯ­ವಾಗಿ ಮಿಶ್ರ ಬೆಳೆ ಬೆಳೆಯು­ವುದರಿಂದ ಕಳೆ ತೆಗೆಯುವ ಖರ್ಚು ಬರುವುದಿಲ್ಲ ಹಾಗೂ ಹನಿ ನೀರಾವರಿ ಬಳಕೆಯಿಂದ ರಸಗೊಬ್ಬರ ಹಾಕುವ ಕಾರ್ಮಿಕರ ಸಮಸ್ಯೆ ತಪ್ಪುತ್ತದೆ’ ಎಂಬುವುದು ಅವರ ಮನದಾಳದ ಮಾತಾಗಿದೆ.

‘ರೈತರು ಒಂದು ಬೆಳೆಯನ್ನು ನಂಬಿ ವ್ಯವಸಾಯ ಮಾಡಬಾರದು. ನಾಲ್ಕು ಬೆಳೆ ಇಟ್ಟರೆ ಒಂದಲ್ಲಾ ಒಂದಕ್ಕೆ ಲಾಭದಾಯಕ ಬೆಲೆ ಸಿಗುತ್ತದೆ. ಇರುವ ಜಮೀನನ್ನು ವೈಜ್ಞಾನಿಕವಾಗಿ ವಿಂಗಡಿಸಿ ಬೆಳೆ ಬೆಳೆದಲ್ಲಿ ನಷ್ಟದ ಪ್ರಶ್ನೆ ಇಲ್ಲ’ ಎಂಬುದು ಅವರ ಅಭಿಪ್ರಾಯ.