ರೈಲ್ವೆ ನಿಲ್ದಾಣಕ್ಕೆ ಸುತ್ತಲೂ ಗೋಡೆ ಇದೆ. ಆದರೂ ಪಕ್ಕದ ನಿವಾಸಿಗಳು ಹಾಗೂ ಕೆಲವು ಅಂಗಡಿಗಳವರು ಗೂಡಿಸಿದ ಕಸ ಕಡ್ಡಿಯನ್ನು ರೈಲು ನಿಲ್ದಾಣದ ಸ್ಥಳದಲ್ಲಿ ಹಾಕುವುದು ಕಂಡು ಬರುತ್ತಿದೆ. ಅಲ್ಲದೆ ಕೆಲವು ಮನೆಗಳ ನಿವಾಸಿಗಳು ತಮ್ಮ ಬಚ್ಚಲಿನ ನೀರು ಖಾಲಿ ಸ್ಥಳದಲ್ಲಿ ಬಿಡುತ್ತಿದ್ದಾರೆ. ಹೀಗಾಗಿ ಆ ಸ್ಥಳ ನೀರಿನ ಹೊಂಡದಂತಾಗಿದೆ. ಅಲ್ಲಿಯೇ ಇರುವ ಮುಳ್ಳಿನ ಮರಗಳ ನೆರಳಿನಲ್ಲಿ ಹಂದಿಗಳು ಠಿಕಾಣೆ ಹೂಡಿವೆ. ಇದರಿಂದ ತಗ್ಗಿನಲ್ಲಿ ನಿಂತ ನೀರಿನಿಂದ ಗಬ್ಬು ವಾಸನೆಯನ್ನು ಹೊರ ಸೂಸುತ್ತಿದೆ.