ಮಾರುಕಟ್ಟೆಯಲ್ಲಿ ಕಡಿಮೆಯಾದ ತರಕಾರಿ ಬೆಲೆ; ಬಿದ್ದ ಬದನೆಕಾಯಿ, ಇಳಿದ ಈರುಳ್ಳಿ

ಬೀದರ್: ಮಕರ ಸಂಕ್ರಾಂತಿಯ ವೇಳೆ ಮಾರುಕಟ್ಟೆಯಲ್ಲಿ ಅಬ್ಬರಿಸಿದ್ದ ತರಕಾರಿಗಳು ಹಬ್ಬ ಮುಗಿಯುತ್ತಿದ್ದಂತೆಯೇ ಮೆತ್ತಗಾಗಿವೆ. ಬಹುತೇಕ ತರಕಾರಿಗಳ ಬೆಲೆ ಕಡಿಮೆಯಾಗಿದೆ.

. ಬೆಲೆ ಕುಸಿದು ಬಿದ್ದ ಕಾರಣ ತರಕಾರಿ ರಾಜ ತನ್ನ ಕಿರೀಟವನ್ನೇ ಕೆಳಗಿಳಿಸಿದೆ. ಬೀಗಿದ್ದ ಬೀನ್ಸ್, ಬೀಟ್ರೂಟ್ ಬಳಲಿವೆ. ಹಿರೇಕಾಯಿ, ತೊಂಡೆಕಾಯಿ ಹಾಗೂ ಬೆಂಡೆಕಾಯಿ ಸಹ ಬಳಲಿ ಬೆಂಡಾಗಿವೆ. ಮೆಣಸಿನಕಾಯಿ ಖಾಟು ಕಡಿಮೆಯಾಗಿದೆ. ಮಾರುಕಟ್ಟೆಯಲ್ಲಿ ಸೆಟೆದು ನಿಂತಿದ್ದ ನುಗ್ಗೆಕಾಯಿ ಬೆಲೆ ಪ್ರತಿ ಕ್ವಿಂಟಲ್ಗೆ ₹ 1,200 ರಿಂದ ₹ 1 ಸಾವಿರಕ್ಕೆ ಇಳಿದರೂ ಅದರ ಘನತೆ ಕಡಿಮೆಯಾಗಿಲ್ಲ.

. ನಗರದ ಮಾರುಕಟ್ಟೆಯಲ್ಲಿ ಬದನೆಕಾಯಿ, ಹೂಕೋಸು ಬೆಲೆ ಪ್ರತಿಕ್ವಿಂಟಲ್ಗೆ ₹ 4 ಸಾವಿರ, ಬೀಟ್ರೂಟ್, ಡೊಣ ಮೆಣಸಿನಕಾಯಿ ₹ 3 ಸಾವಿರ, ಹಿರೇಕಾಯಿ, ಬೆಂಡೆಕಾಯಿ , ನುಗ್ಗೆಕಾಯಿ, ಬೀನ್ಸ್, ಚವಳೆಕಾಯಿ, ಮೆಂತೆ ಸೊಪ್ಪು ₹ 2 ಸಾವಿರ, ಟೊಮೆಟೊ, ಎಲೆಕೋಸು ₹ 1,500, ಬೆಳ್ಳುಳ್ಳಿ, ಮೆಣಸಿಕಾಯಿ, ಆಲೂಗಡ್ಡೆ, ಗಜ್ಜರಿ ಹಾಗೂ ತೊಂಡೆಕಾಯಿ ಬೆಲೆ ₹ 1 ಸಾವಿರ ಕಡಿಮೆಯಾಗಿದೆ.

. ಮಾರುಕಟ್ಟೆಗೆ ಈರುಳ್ಳಿ ಹೆಚ್ಚು ಆವಕವಾಗಿರುವ ಕಾರಣ ಹಸಿ ಈರುಳ್ಳಿ ಹೊತ್ತ ವಾಹನಗಳು ಓಣಿ ಓಣಿಗಳಿಗೆ ಬರುತ್ತಿವೆ. ವ್ಯಾಪಾರಸ್ಥರು ಸ್ಥಳದಲ್ಲೇ ನೂರು ರೂಪಾಯಿಗೆ ನಾಲ್ಕು ಕೆ.ಜಿ.ಯಂತೆ ಮಾರಾಟ ಮಾಡಿ ಈರುಳ್ಳಿ ಹಾಳಾಗದಂತೆ ಎಚ್ಚರ ವಹಿಸುತ್ತಿದ್ದಾರೆ. ಹಾನಿಯಿಂದ ತಪ್ಪಿಸಿಕೊಳ್ಳುತ್ತಿದ್ದಾರೆ. ಇದರಿಂದ ಗ್ರಾಹಕರಿಗೂ ಕಡಿಮೆ ಬೆಲೆಯಲ್ಲಿ ಈರುಳ್ಳಿ ದೊರಕುತ್ತಿದೆ.

. ಈ ವಾರ ಯಾವುದೇ ತರಕಾರಿ ಬೆಲೆಯಲ್ಲಿ ಹೇಳಿಕೊಳ್ಳುವಷ್ಟು ಏರಿಕೆಯಾಗಿಲ್ಲ. ಮಾರುಕಟ್ಟೆಯಲ್ಲಿ ಈರುಳ್ಳಿ, ಸಬ್ಬಸಗಿ, ಕರಿಬೇವು, ಕೊತಂಬರಿ ಹಾಗೂ ಪಾಲಕ್ ಬೆಲೆ ಸ್ಥಿರವಾಗಿದೆ. ಗ್ರಾಹಕರು ಒಂದಿಷ್ಟು ನೆಮ್ಮದಿಯಿಂದ ಇದ್ದಾರೆ.

. ’ಮಾರುಕಟ್ಟೆಗೆ ಎಲ್ಲ ಕಡೆಯಿಂದಲೂ ತರಕಾರಿ ಬಂದಿದೆ. ಹಬ್ಬ ಹಾಗೂ ವಾರಾಂತ್ಯ ಕರ್ಫ್ಯೂ ಕಾರಣ ತರಕಾರಿ ಬೆಲೆ ಕಡಿಮೆಯಾಗಿರಬಹುದು. ಜನ ಮಾರುಕಟ್ಟೆಗೆ ಬಂದರೆ ತರಕಾರಿ ಹೆಚ್ಚು ಮಾರಾಟವಾಗುತ್ತದೆ. ಇಲ್ಲವಾದರೆ ಮಾರಾಟವಾಗದೆ ಒಂದೊಮ್ಮೆ ಹಾಳಾಗಿ ಚೆಲ್ಲಬೇಕಾದ ಪರಿಸ್ಥಿತಿ ಬರುತ್ತದೆ‘ ಎಂದು ತರಕಾರಿ ವ್ಯಾಪಾರಿ ಶಿವಾನಂದ ಮಾಡಗೂಳ ಹೇಳುತ್ತಾರೆ.

. ಹೈದರಾಬಾದ್ನಿಂದ ಬೀಟ್ರೂಟ್, ಹಿರೇಕಾಯಿ, ಸೌತೆಕಾಯಿ, ಗಜ್ಜರಿ ಬಂದಿದೆ. ಸೋಲಾಪುರದಿಂದ ಈರುಳ್ಳಿ ಹಾಗೂ ಬೆಳ್ಳುಳ್ಳಿ ಬಂದಿದೆ. ಬೆಳಗಾವಿಯಿಂದ ಹಸಿ ಮೆಣಸಿನಕಾಯಿ, ಸ್ವಲ್ಪ ಮಟ್ಟಿಗೆ ಆಲೂಗಡ್ಡೆ ಹಾಗೂ ಗೆಣಸಿನಕಾಯಿ ಆವಕವಾಗಿದೆ .

. ಜಿಲ್ಲೆಯ ಚಿಟಗುಪ್ಪ, ಹುಮನಾಬಾದ್, ಭಾಲ್ಕಿ ಹಾಗೂ ಬೀದರ್ತಾಲ್ಲೂಕಿನ ಗ್ರಾಮಾಂತರ ಪ್ರದೇಶದಿಂದ ಬದನೆಕಾಯಿ, ಹೂಕೋಸು, ಎಲೆಕೋಸು, ಕರಿಬೇವು ಹಾಗೂ ಕೊತಂಬರಿ ಮಾರುಕಟ್ಟೆಗೆ ಬಂದಿದೆ.

. ಬೀದರ್ತರಕಾರಿ ಚಿಲ್ಲರೆ ಮಾರುಕಟ್ಟೆ

. ತರಕಾರಿ (ಪ್ರತಿ ಕೆ.ಜಿ.) ಕಳೆದ ವಾರ ಈ ವಾರ

. ಈರುಳ್ಳಿ 20-30, 20-30

. ಮೆಣಸಿನಕಾಯಿ 40-50,30-40

. ಆಲೂಗಡ್ಡೆ 20-30,15-20

. ಎಲೆಕೋಸು 30-40,20-25

. ಹೂಕೋಸು 60-80,30-40

. ಬೆಳ್ಳುಳ್ಳಿ 30-40,25-30

. ಗಜ್ಜರಿ 40-50,30-40

. ಬೀನ್ಸ್ 50-60,30-40

. ಬದನೆಕಾಯಿ 70-80,30-40

. ಮೆಂತೆ ಸೊಪ್ಪು 30-40,15-20

. ಸಬ್ಬಸಗಿ 30-40,30-40

. ಬೀಟ್ರೂಟ್ 60-70,30-40

. ತೊಂಡೆಕಾಯಿ 50-60,40-50

. ಕರಿಬೇವು 30-40,38-40

. ಕೊತಂಬರಿ 10-20,10-20

. ಟೊಮೆಟೊ 20-30, 10-15

. ಪಾಲಕ್ 20-30, 20-30

. ಬೆಂಡೆಕಾಯಿ 60-70,40-50

. ಚವಳೆಕಾಯಿ 50-60, 30-40

. ಹಿರೇಕಾಯಿ 60-80, 50-60

. ನುಗ್ಗೆಕಾಯಿ 100-120, 80-100

. ಡೊಣ ಮೆಣಸಿನಕಾಯಿ 80-100, 60-70

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಾರುಕಟ್ಟೆಯಲ್ಲಿ ಕಡಿಮೆಯಾದ ತರಕಾರಿ ಬೆಲೆ; ಬಿದ್ದ ಬದನೆಕಾಯಿ, ಇಳಿದ ಈರುಳ್ಳಿ

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದೇವನಹಳ್ಳಿ ಭೂಸ್ವಾಧೀನ ರದ್ದು: ಮುಖ್ಯಮಂತ್ರಿ ಸಿದ್ದರಾಮಯ್ಯ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

WI vs AUS: ಸ್ಟಾರ್ಕ್ ಬಿರುಗಾಳಿಗೆ ವಿಂಡೀಸ್ ಧೂಳಿಪಟ; 27 ರನ್ನಿಗೆ ಆಲೌಟ್

ಐಸಿಸಿ ರ್‍ಯಾಂಕಿಂಗ್‌: ಅಗ್ರ ಹತ್ತರಲ್ಲಿ ಶಫಾಲಿ ವರ್ಮಾ

ಈಕ್ವೆಸ್ಟ್ರಿಯನ್: ಶುಭ್ ಚೌಧರಿಗೆ ಮೂರು ಪದಕ

ಇಂಗ್ಲೆಂಡ್‌ ತಂಡಕ್ಕೆ ಮರಳಿದ ಎಡಗೈ ಸ್ಪಿನ್ನರ್‌ ಲಿಯಾಮ್‌ ಡಾಸನ್‌

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದೇವನಹಳ್ಳಿ ಭೂಸ್ವಾಧೀನ ರದ್ದು: ಮುಖ್ಯಮಂತ್ರಿ ಸಿದ್ದರಾಮಯ್ಯ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು