ಬೀದರ್: ಬ್ರಿಮ್ಸ್ ಭೋದಕ ಆಸ್ಪತ್ರೆ ಸಮೀಪದ ಕೋವಿಡ್ ಆಸ್ಪತ್ರೆಯಲ್ಲಿ 15 ಲಕ್ಷ ರೂಪಾಯಿ ಬೆಲೆಯ ಎರಡು ವೆಂಟಿಲೇಟರ್ ಕಳ್ಳತನ ಮಾಡಲಾಗಿದೆ.
ನಾಲ್ಕು ದಿನಗಳ ಹಿಂದೆ ಆಸ್ಪತ್ರೆಯ ಕೊಠಡಿಯಲ್ಲಿ ಗಣ್ಯರೊಬ್ಬರ ಪತ್ನಿಗೆ ವೆಂಟಿಲೇಟರ್ ಅಳವಡಿಸಲು ಇಡಲಾಗಿತ್ತು. ಅವರು ಖಾಸಗಿ ಆಸ್ಪತ್ರೆಗೆ ದಾಖಲಾದ ಕಾರಣ ಕೋವಿಡ್ ಆಸ್ಪತ್ರೆ ಗೆ ಬಂದಿರಲಿಲ್ಲ.
ಮಂಗಳವಾರ ಆಸ್ಪತ್ರೆಯ ಸಿಬ್ಬಂದಿ ಕೊಠಡಿಯೊಳಗೆ ಹೋದಾಗ ಕಿಟಕಿಯ ಗಾಜು ಒಡೆದು ಒಳಗೆ ಬಂದು ವೆಂಟಿಲೇಟರ್ ಕಳ್ಳತನ ಮಾಡಿರುವುದು ಬೆಳಕಿಗೆ ಬಂದಿದೆ. ಆಸ್ಪತ್ರೆಯ ಹಿಂಬದಿಯ ಬಾಗಿಲ ಸಮೀಪ ಸಿಸಿಟಿವಿ ಕ್ಯಾಮೆರಾ ಅಳವಡಿಸಿದ್ದರೂ ಕಳ್ಳರು ಅದನ್ನು ಹಾಳು ಮಾಡಿದ್ದಾರೆ.
ಬ್ರಿಮ್ಸ್ ಆಧಿಕಾರಿಗಳು ನ್ಯೂ ಟೌನ್ ಠಾಣೆಗೆ ದೂರು ನೀಡಿದ್ದಾರೆ.
ಪೊಲೀಸರು ಆಸ್ಪತ್ರೆ ಸಿಬ್ಬಂದಿ ಹಾಗೂ ಡಿ ದರ್ಜೆ ನೌಕರರ ವಿಚಾರಣೆ ನಡೆಸಿದ್ದಾರೆ.