ಅರ್ಜಿ ಸಲ್ಲಿಸಿದ ತಿಂಗಳಲ್ಲಿ ಪಾಸ್‌ಪೋರ್ಟ್‌

ಬೀದರ್: ವಿದೇಶಕ್ಕೆ ಹೋಗಲು ಬಯಸುವವರು, ವಿದ್ಯಾರ್ಥಿಗಳು ಹಾಗೂ ಉದ್ಯೋಗಸ್ಥರಿಗೆ ನಗರದಲ್ಲಿ ಆರಂಭವಾಗಿರುವ ಪಾಸ್ಪೋರ್ಟ್ ಸೇವಾ ಕೇಂದ್ರ ಅನುಕೂಲಕರವಾಗಿ ಪರಿಣಮಿಸಿದೆ. ಪಾಸ್ಪೋರ್ಟ್ಗಾಗಿ ಏಜೆಂಟರಿಗೆ ಕೇಳಿದಷ್ಟು ಹಣಕೊಟ್ಟು ದೂರದ ಬೆಂಗಳೂರು ಅಥವಾ ಹುಬ್ಬಳ್ಳಿಯಲ್ಲಿರುವ ಕೇಂದ್ರಗಳಿಗೆ ಹೋಗುವುದು ತಪ್ಪಿದೆ.

. ಇಲ್ಲಿಯ ಪಾಸ್ಪೋರ್ಟ್ ಸೇವಾ ಕೇಂದ್ರಕ್ಕೆ ನಿತ್ಯ 30 ರಿಂದ 40 ಜನ ಬರುತ್ತಿದ್ದಾರೆ. ಸರಿಯಾಗಿ ದಾಖಲೆಗಳನ್ನು ಕೊಡದ ವ್ಯಕ್ತಿಗಳಿಗೆ ತಿಳಿವಳಿಕೆ ನೀಡಲಾಗುತ್ತಿದೆ. ಕೇಂದ್ರ ಆರಂಭವಾದಾಗಿನಿಂದ ಒಟ್ಟು742 ಅರ್ಜಿಗಳ ವಿಲೇವಾರಿ ಮಾಡಲಾಗಿದೆ.

. ಸೇವಾ ಕೇಂದ್ರದಲ್ಲಿ ಆನ್ಲೈನ್ ಮೂಲಕ ಭಾವಚಿತ್ರ ಹಾಗೂ ಬೆರಳಚ್ಚು ಪಡೆಯಲಾಗುತ್ತಿದೆ. ಇನ್ನುಳಿದ ಮಾಹಿತಿಗಳನ್ನು ಆನ್ಲೈನ್ ಮೂಲಕವೇ ಭರ್ತಿ ಮಾಡಿಕೊಂಡು ನೇರವಾಗಿ ಸಂಬಂಧಪಟ್ಟವರ ಮನೆಗೆ ಪಾಸ್ಪೋರ್ಟ್ ಕಳಿಸಲಾಗುತ್ತಿದೆ.

. ಹೀಗೆ ಮಾಡಿ: ವೈಬ್ಸೈಟ್ www.passportindia.gov.in ನಲ್ಲಿ ಅರ್ಜಿಯನ್ನು ಭರ್ತಿ ಮಾಡಬೇಕು. ಅಂತರ್ಜಾಲ ಬ್ಯಾಂಕಿಂಗ್ ಸೌಲಭ್ಯ ಬಳಸಿ ₹ 1,500 ಶುಲ್ಕ ಪಾವತಿಸಬೇಕು. ಶುಲ್ಕ ಪಾವತಿಸಿದ್ದು ಖಚಿತವಾದ ಬಳಿಕ ಮಾತ್ರ , ದಿನಾಂಕ ನಿಗದಿಯಾಗುತ್ತದೆ. ಅರ್ಜಿದಾರರು ದಿನಾಂಕ ಆಯ್ಕೆ ಮಾಡುವಂತಿಲ್ಲ. ಬದಲಾಗಿ ಲಭ್ಯ ಇರುವ ದಿನಾಂಕ ಮತ್ತು ಸಮಯವನ್ನು ವೆಬ್ಸೈಟ್ನಲ್ಲೇ ನೀಡಲಾಗುತ್ತದೆ. ನಿಗದಿಪಡಿಸಿದ ದಿನ ಅನಾರೋಗ್ಯ ಅಥವಾ ಇನ್ನಾವುದೋ ಕಾರಣದಿಂದ ಬರಲು ಸಾಧ್ಯವಾಗದಿದ್ದರೆ ಆನ್ಲೈನ್ನಲ್ಲಿ ಬೇರೆ ದಿನಾಂಕವನ್ನು ಮರು ಆಯ್ಕೆ ಮಾಡಿಕೊಳ್ಳಬಹುದು. ದಾಖಲೆಗಳ ಪರಿಶೀಲನೆಯ ದಿನ ಮೂಲ ದಾಖಲಾತಿ ಹಾಗೂ ಅವುಗಳ ನಕಲು ಪ್ರತಿ ತರಬೇಕು. ಎಸ್ಸೆಸ್ಸೆಲ್ಸಿ ಅಂಕಪಟ್ಟಿ, ಅಂಕಪಟ್ಟಿಯಲ್ಲಿನ ಹೆಸರಿಗೆ ಹೊಂದುವಂತಹ ವಿಳಾಸ ಮತ್ತು ದಾಖಲೆ ಇರುವ ಆಧಾರ್ ಕಾರ್ಡ್, ಮತದಾರರ ಗುರುತಿನ ಚೀಟಿ, ಬ್ಯಾಂಕ್ ಪಾಸ್ಬುಕ್ ಅಥವಾ ವಿದ್ಯುತ್ ಬಿಲ್ ನಕಲು ಪ್ರತಿ ಕೊಡಬೇಕು. ಅಭ್ಯರ್ಥಿಗಳು ಎಸ್ಸೆಸ್ಸೆಲ್ಸಿ ಮೂಲ ಅಂಕಪಟ್ಟಿ ಕಾಲೇಜಿಗೆ ಕೊಟ್ಟಿದ್ದರೆ, ಆ ಕಾಲೇಜಿನ ಪ್ರಾಚಾರ್ಯರಿಂದ ಅಧೀನ ಪ್ರಮಾಣಪತ್ರ ಪಡೆದು ಸಲ್ಲಿಸಬೇಕು.

. ‘ಕುಟುಂಬದ ಮುಖ್ಯಸ್ಥ ಹಾಗೂ ಸದಸ್ಯರು ಒಂದೇ ಬಾರಿಗೆ ಪಾಸ್ಪೋರ್ಟ್ ಮಾಡಿಸಿಕೊಳ್ಳಬಹುದಾಗಿದೆ. 18 ವರ್ಷದೊಳಗಿನ ಮಕ್ಕಳಿಗೆ ಪಾಸ್ಪೋರ್ಟ್ ಬೇಕಾಗಿದ್ದಲ್ಲಿ ಪಾಲಕರ ಪಾಸ್ಪೋರ್ಟ್ ಪ್ರತಿ ಲಗತ್ತಿಸಬೇಕು. ಸರ್ಕಾರಿ ಉದ್ಯೋಗದಲ್ಲಿದ್ದರೆ ಮೇಲಧಿಕಾರಿಯಿಂದ ನಿರಪೇಕ್ಷಣಾ ಪತ್ರ ಪಡೆಯಬೇಕು. ವಿವರಗಳಿಗೆ ವೈಬ್ಸೈಟ್ www.passportindia.gov.in ವೀಕ್ಷಿಸಬಹುದು ಅಥವಾ ದೂರವಾಣಿ: 08482- 225351 ಸಂಪರ್ಕಿಸಬಹುದು’ ಎಂದು ಪಾಸ್ಪೋರ್ಟ್ ಸೇವಾ ಕೇಂದ್ರದ ಅಧಿಕಾರಿ ಮಂಗಲಾ ಭಾಗವತ್ ಹೇಳುತ್ತಾರೆ.

. ‘ಸಾಮಾನ್ಯವಾಗಿ ಪಾಸ್ಪೋರ್ಟ್ 30 ರಿಂದ 45 ದಿನಗಳಲ್ಲಿ ಬರುತ್ತದೆ. ಪ್ರಸ್ತುತ ಒಂದು ತಿಂಗಳಲ್ಲೇ ಪಾಸ್ಪೋರ್ಟ್ ಕೊಡಲಾಗುತ್ತಿದೆ. ತುರ್ತು ಪಾಸ್ಪೋರ್ಟ್ ಬೇಕಾಗಿದ್ದರೆ ತತ್ಕಾಲ್ನಲ್ಲಿ ಅರ್ಜಿ ಸಲ್ಲಿಸಬೇಕು. ಇದಕ್ಕೆ ₹ 3,500 ಶುಲ್ಕ ಪಾವತಿಸಬೇಕು. ಹುಬ್ಬಳ್ಳಿ ಅಥವಾ ಬೆಂಗಳೂರಿನಲ್ಲಿರುವ ಪಾಸ್ಪೋರ್ಟ್ ಕೇಂದ್ರಕ್ಕೆ ತೆರಳಿ ದಾಖಲೆಗಳನ್ನು ಪರಿಶೀಲನೆಗೆ ಕೊಡಬೇಕು. ಒಂದು ವಾರದಲ್ಲಿ ಪಾಸ್ಪೋರ್ಟ್ ಮನೆಗೆ ತಲುಪಲಿದೆ’ ಎಂದು ಮಂಗಲಾ ಭಾಗವತ್ ತಿಳಿಸುತ್ತಾರೆ.

. ** ಅನಕ್ಷರಸ್ಥರು ಆನ್ಲೈನ್ನಲ್ಲಿ ಆಧಾರ ಕಾರ್ಡ್ ಪ್ರತಿಯನ್ನು ಪಡೆದುಕೊಂಡು ಪಾಸ್ಪೋರ್ಟ್ಗೆ ಅರ್ಜಿ ಸಲ್ಲಿಸಬಹದು - ಮಂಗಲಾ ಭಾಗವತ್, ಪಾಸ್ಪೋರ್ಟ್ ಸೇವಾ ಕೇಂದ್ರದ ಅಧಿಕಾರಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅರ್ಜಿ ಸಲ್ಲಿಸಿದ ತಿಂಗಳಲ್ಲಿ ಪಾಸ್‌ಪೋರ್ಟ್‌

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಚಿನಕುರುಳಿ Cartoon: 12 ಜುಲೈ 2025

ಚುರುಮುರಿ: ನಕಲು–ಅಸಲು!

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ | ಪ್ರತ್ಯೇಕ ತನಿಖೆ: ಎಸ್‌ಪಿ

Wimbledon 2025: ಆಧಿಪತ್ಯಕ್ಕೆ ಸಿನ್ನರ್–ಅಲ್ಕರಾಜ್‌ ಪೈಪೋಟಿ

ಪ್ಯಾರಾ ಅಥ್ಲೆಟಿಕ್ಸ್: ರಕ್ಷಿತಾ, ಶರತ್‌ಗೆ ಚಿನ್ನ

IND vs ENG 3rd Test: ಲಾರ್ಡ್ಸ್‌ನಲ್ಲಿ ರಾಹುಲ್ ಹೊಳಪು

Wimbledon 2025: ಇಗಾ ಶ್ವಾಂಟೆಕ್‌ಗೆ ವಿಂಬಲ್ಡನ್ ಕಿರೀಟ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಚಿನಕುರುಳಿ Cartoon: 12 ಜುಲೈ 2025

ಚುರುಮುರಿ: ನಕಲು–ಅಸಲು!

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ | ಪ್ರತ್ಯೇಕ ತನಿಖೆ: ಎಸ್‌ಪಿ