<p><strong>ಚಾಮರಾಜನಗರ</strong>: ಬೆಂಗಳೂರಿನ ದೊಡ್ಮನೆ ಕುಟುಂಬದ ಅಭಿಮಾನಿ ಬಳಗವು ಡಾ.ರಾಜ್ಕುಮಾರ್, ಪುನೀತ್ ರಾಜ್ಕುಮಾರ್ ಸ್ಮರಣಾರ್ಥ ಹಮ್ಮಿಕೊಂಡಿರುವ ಅಮರ ಜ್ಯೋತಿ ಯಾತ್ರೆಗೆ ಡಾ.ರಾಜ್ ಹುಟ್ಟೂರು, ಗಡಿಭಾಗ ತಮಿಳುನಾಡಿನ ಗಾಜನೂರಿನಲ್ಲಿಗುರುವಾರ ಚಾಲನೆ ಸಿಕ್ಕಿದೆ.</p>.<p>ಗಾಜನೂರಿನ ಮನೆಯಲ್ಲಿ ಡಾ.ರಾಜ್ ತಂಗಿ ನಾಗಮ್ಮ ಯಾತ್ರೆಗೆ ಚಾಲನೆ ನೀಡಿದರು. ಯಾತ್ರೆಯು ವರನಟನ 92ನೇ ಹುಟ್ಟುಹಬ್ಬದ ದಿನವಾದ ಇದೇ 24ರಂದು ಬೆಂಗಳೂರಿಗೆ ತಲುಪಲಿದೆ.</p>.<p>ಅಲಂಕೃತ ವಾಹನದಲ್ಲಿ ಡಾ.ರಾಜ್, ಪುನೀತ್ ಪುತ್ಥಳಿ ಇಡಲಾಗಿದೆ. ಇಬ್ಬರ ಕಟೌಟ್, ಭಾವಚಿತ್ರಗಳೂ ಇವೆ. ಅಭಿಮಾನಿ ಬಳಗದ ರಾಜ್ಯ ಅಧ್ಯಕ್ಷ ಎಂ.ಮುನಿಯಪ್ಪ ನೇತೃತ್ವದಲ್ಲಿ ಈ ಯಾತ್ರೆ ಆರಂಭವಾಗಿದೆ.</p>.<p>ಬೆಳಿಗ್ಗೆ 10 ಗಂಟೆಗೆ ಗಾಜನೂರಿನಿಂದ ಹೊರಟ ಯಾತ್ರೆಗೆ ದಾರಿಯುದ್ದಕ್ಕೂ ವಿವಿಧ ಗ್ರಾಮಗಳಲ್ಲಿ ಜನರು ಅದ್ದೂರಿ ಸ್ವಾಗತ ಕೋರಿದರು.ರಾಜ್ ಹಾಗೂ ಪುನೀತ್ ಚಿತ್ರದ ಹಾಡುಗಳಿಗೆ ಯುವಕರು ಹೆಜ್ಜೆ ಹಾಕುತ್ತಾ ಕುಣಿದು ಕುಪ್ಪಳಿಸಿದರು.</p>.<p>ಅಭಿಮಾನಿ ಬಳಗದ ರಾಜ್ಯ ಅಧ್ಯಕ್ಷ ಎಂ.ಮುನಿಯಪ್ಪ ಮಾತನಾಡಿ ‘ಡಾ.ರಾಜ್ಕುಮಾರ್ ಹುಟ್ಟುಹಬ್ಬ 24ರಂದು ನಡೆಯಲಿದೆ. ಪುನೀತ್ ನಿಧನಕ್ಕೆ ಕರುನಾಡು ದುಃಖಿತವಾಗಿದೆ. ಡಾ.ರಾಜ್ಕುಮಾರ್ ಜನ್ಮ ದಿನದಂದು ಅಮರ ಜ್ಯೋತಿಯನ್ನು ಅವರ ಪುಣ್ಯಭೂಮಿಗೆ ತರುವ ಮೂಲಕ ಅವರ ಆದರ್ಶ ತತ್ವಗಳನ್ನು ಜಗತ್ತಿಗೆ ಸಾರಬೇಕಾಗಿದೆ. ಈ ನಿಟ್ಟಿನಲ್ಲಿ ದೊಡ್ಮನೆ ಕುಟುಂಬದ ಜೊತೆಗೆ ಅವರ ಹುಟ್ಟೂರಿನಿಂದ ಅಮರ ಜ್ಯೋತಿ ಹೊರಟು ಚಾಮರಾಜನಗರ, ತಿ.ನರಸೀಪುರ, ಮಂಡ್ಯ ಮಾರ್ಗವಾಗಿ ಬೆಂಗಳೂರಿನ ಡಾ.ರಾಜ್, ಪುನೀತ್ ಸಮಾಧಿ ಸ್ಥಳದವರೆಗೆ ತೆರಳಲಿದೆ’ ಎಂದರು.</p>.<p class="Subhead">ಅದ್ದೂರಿ ಸ್ವಾಗತ: ಅಮರ ಜ್ಯೋತಿ ಯಾತ್ರೆಯು ಚಾಮರಾಜನಗರ ಟೋಲ್ಗೇಟ್ ಬಳಿಗೆ ಬರುತ್ತಿದ್ದಂತೆ ಅಪ್ಪು ಹಾಗೂ ಡಾ.ರಾಜ್ ಕುಮಾರ್ ಅಭಿಮಾನಿಗಳು ರಥವನ್ನು ಸ್ವಾಗತಿಸಿದರು. ಬಳಿಕ ದೊಡ್ಡಂಗಡಿ ಬೀದಿ, ಭುವನೇಶ್ವರಿ ವೃತ್ತ, ಸಂಪಿಗೆ ರಸ್ತೆ, ಚಿಕ್ಕಂಗಡಿ ಬೀದಿ, ಸಂತೇಮಹರಳ್ಳಿ ಸರ್ಕಲ್ ಮಾರ್ಗವಾಗಿ ಯಾತ್ರೆ ತಿ.ನರಸೀಪುರಕ್ಕೆ ತೆರಳಿತು.</p>.<p>ಚಾಮರಾಜೇಶ್ವರ ದೇವಾಲಯದ ಆವರಣದಲ್ಲಿ ಶಾಸಕ ಸಿ.ಪುಟ್ಟರಂಗಶೆಟ್ಟಿ ರಥದಲ್ಲಿದ್ದ ಡಾ.ರಾಜ್ ಹಾಗೂ ಪುನೀತ್ ಪುತ್ಥಳಿಗೆ ಮಾಲಾರ್ಪಣೆ ಮಾಡಿ ಗೌರವ ಸಲ್ಲಿಸಿದರು.</p>.<p>ಡಾ.ರಾಜ್ ಅಭಿಮಾನಿಗಳ ಸಂಘದ ಗೌರವ ಅಧ್ಯಕ್ಷ ರಾಘವೇಂದ್ರ ರಾವ್,ಡೊಡ್ಮನೆ ಕುಟುಂಬ ಅಭಿಮಾನಿ ಬಳಗದ ರಾಜು ಕೆಇಬಿ, ವೆಂಕಟೇಶ್, ಮಧುಸೂಧನ್, ಮಹೇಶ್, ರಾಘವೇಂದ್ರ ರಾವ್, ನಟರಾದ ರಾಜ್ ಮುನೀಷ್, ಸುನೀಲ್, ಸೇತುರಾಮ್, ನಿರ್ಮಾಪಕಿ ರಾಧಮ್ಮ, ಸಹ ನಿರ್ದೇಶಕಿ ನಿಹಾರಿಕ, ಮುನಿರಾಜ್, ಅರ್ಜುನ್ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಾಮರಾಜನಗರ</strong>: ಬೆಂಗಳೂರಿನ ದೊಡ್ಮನೆ ಕುಟುಂಬದ ಅಭಿಮಾನಿ ಬಳಗವು ಡಾ.ರಾಜ್ಕುಮಾರ್, ಪುನೀತ್ ರಾಜ್ಕುಮಾರ್ ಸ್ಮರಣಾರ್ಥ ಹಮ್ಮಿಕೊಂಡಿರುವ ಅಮರ ಜ್ಯೋತಿ ಯಾತ್ರೆಗೆ ಡಾ.ರಾಜ್ ಹುಟ್ಟೂರು, ಗಡಿಭಾಗ ತಮಿಳುನಾಡಿನ ಗಾಜನೂರಿನಲ್ಲಿಗುರುವಾರ ಚಾಲನೆ ಸಿಕ್ಕಿದೆ.</p>.<p>ಗಾಜನೂರಿನ ಮನೆಯಲ್ಲಿ ಡಾ.ರಾಜ್ ತಂಗಿ ನಾಗಮ್ಮ ಯಾತ್ರೆಗೆ ಚಾಲನೆ ನೀಡಿದರು. ಯಾತ್ರೆಯು ವರನಟನ 92ನೇ ಹುಟ್ಟುಹಬ್ಬದ ದಿನವಾದ ಇದೇ 24ರಂದು ಬೆಂಗಳೂರಿಗೆ ತಲುಪಲಿದೆ.</p>.<p>ಅಲಂಕೃತ ವಾಹನದಲ್ಲಿ ಡಾ.ರಾಜ್, ಪುನೀತ್ ಪುತ್ಥಳಿ ಇಡಲಾಗಿದೆ. ಇಬ್ಬರ ಕಟೌಟ್, ಭಾವಚಿತ್ರಗಳೂ ಇವೆ. ಅಭಿಮಾನಿ ಬಳಗದ ರಾಜ್ಯ ಅಧ್ಯಕ್ಷ ಎಂ.ಮುನಿಯಪ್ಪ ನೇತೃತ್ವದಲ್ಲಿ ಈ ಯಾತ್ರೆ ಆರಂಭವಾಗಿದೆ.</p>.<p>ಬೆಳಿಗ್ಗೆ 10 ಗಂಟೆಗೆ ಗಾಜನೂರಿನಿಂದ ಹೊರಟ ಯಾತ್ರೆಗೆ ದಾರಿಯುದ್ದಕ್ಕೂ ವಿವಿಧ ಗ್ರಾಮಗಳಲ್ಲಿ ಜನರು ಅದ್ದೂರಿ ಸ್ವಾಗತ ಕೋರಿದರು.ರಾಜ್ ಹಾಗೂ ಪುನೀತ್ ಚಿತ್ರದ ಹಾಡುಗಳಿಗೆ ಯುವಕರು ಹೆಜ್ಜೆ ಹಾಕುತ್ತಾ ಕುಣಿದು ಕುಪ್ಪಳಿಸಿದರು.</p>.<p>ಅಭಿಮಾನಿ ಬಳಗದ ರಾಜ್ಯ ಅಧ್ಯಕ್ಷ ಎಂ.ಮುನಿಯಪ್ಪ ಮಾತನಾಡಿ ‘ಡಾ.ರಾಜ್ಕುಮಾರ್ ಹುಟ್ಟುಹಬ್ಬ 24ರಂದು ನಡೆಯಲಿದೆ. ಪುನೀತ್ ನಿಧನಕ್ಕೆ ಕರುನಾಡು ದುಃಖಿತವಾಗಿದೆ. ಡಾ.ರಾಜ್ಕುಮಾರ್ ಜನ್ಮ ದಿನದಂದು ಅಮರ ಜ್ಯೋತಿಯನ್ನು ಅವರ ಪುಣ್ಯಭೂಮಿಗೆ ತರುವ ಮೂಲಕ ಅವರ ಆದರ್ಶ ತತ್ವಗಳನ್ನು ಜಗತ್ತಿಗೆ ಸಾರಬೇಕಾಗಿದೆ. ಈ ನಿಟ್ಟಿನಲ್ಲಿ ದೊಡ್ಮನೆ ಕುಟುಂಬದ ಜೊತೆಗೆ ಅವರ ಹುಟ್ಟೂರಿನಿಂದ ಅಮರ ಜ್ಯೋತಿ ಹೊರಟು ಚಾಮರಾಜನಗರ, ತಿ.ನರಸೀಪುರ, ಮಂಡ್ಯ ಮಾರ್ಗವಾಗಿ ಬೆಂಗಳೂರಿನ ಡಾ.ರಾಜ್, ಪುನೀತ್ ಸಮಾಧಿ ಸ್ಥಳದವರೆಗೆ ತೆರಳಲಿದೆ’ ಎಂದರು.</p>.<p class="Subhead">ಅದ್ದೂರಿ ಸ್ವಾಗತ: ಅಮರ ಜ್ಯೋತಿ ಯಾತ್ರೆಯು ಚಾಮರಾಜನಗರ ಟೋಲ್ಗೇಟ್ ಬಳಿಗೆ ಬರುತ್ತಿದ್ದಂತೆ ಅಪ್ಪು ಹಾಗೂ ಡಾ.ರಾಜ್ ಕುಮಾರ್ ಅಭಿಮಾನಿಗಳು ರಥವನ್ನು ಸ್ವಾಗತಿಸಿದರು. ಬಳಿಕ ದೊಡ್ಡಂಗಡಿ ಬೀದಿ, ಭುವನೇಶ್ವರಿ ವೃತ್ತ, ಸಂಪಿಗೆ ರಸ್ತೆ, ಚಿಕ್ಕಂಗಡಿ ಬೀದಿ, ಸಂತೇಮಹರಳ್ಳಿ ಸರ್ಕಲ್ ಮಾರ್ಗವಾಗಿ ಯಾತ್ರೆ ತಿ.ನರಸೀಪುರಕ್ಕೆ ತೆರಳಿತು.</p>.<p>ಚಾಮರಾಜೇಶ್ವರ ದೇವಾಲಯದ ಆವರಣದಲ್ಲಿ ಶಾಸಕ ಸಿ.ಪುಟ್ಟರಂಗಶೆಟ್ಟಿ ರಥದಲ್ಲಿದ್ದ ಡಾ.ರಾಜ್ ಹಾಗೂ ಪುನೀತ್ ಪುತ್ಥಳಿಗೆ ಮಾಲಾರ್ಪಣೆ ಮಾಡಿ ಗೌರವ ಸಲ್ಲಿಸಿದರು.</p>.<p>ಡಾ.ರಾಜ್ ಅಭಿಮಾನಿಗಳ ಸಂಘದ ಗೌರವ ಅಧ್ಯಕ್ಷ ರಾಘವೇಂದ್ರ ರಾವ್,ಡೊಡ್ಮನೆ ಕುಟುಂಬ ಅಭಿಮಾನಿ ಬಳಗದ ರಾಜು ಕೆಇಬಿ, ವೆಂಕಟೇಶ್, ಮಧುಸೂಧನ್, ಮಹೇಶ್, ರಾಘವೇಂದ್ರ ರಾವ್, ನಟರಾದ ರಾಜ್ ಮುನೀಷ್, ಸುನೀಲ್, ಸೇತುರಾಮ್, ನಿರ್ಮಾಪಕಿ ರಾಧಮ್ಮ, ಸಹ ನಿರ್ದೇಶಕಿ ನಿಹಾರಿಕ, ಮುನಿರಾಜ್, ಅರ್ಜುನ್ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>