ಚಾಮರಾಜನಗರ ಜಿಲ್ಲೆಯ ಮೊದಲ ಮಹಿಳಾ ಎಸ್.ಪಿ ವರ್ಗಾವಣೆ

ಚಾಮರಾಜನಗರ: ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ (ಎಸ್ ಪಿ) ದಿವ್ಯಾ ಸಾರಾ ಥಾಮಸ್ ಅವರನ್ನು ವರ್ಗಾವಣೆ ಮಾಡಿ ರಾಜ್ಯ ಸರ್ಕಾರ ಬುಧವಾರ ಆದೇಶ ಹೊರಡಿಸಿದೆ.

ಅವರ ಜಾಗಕ್ಕೆ ನಾಗರಿಕ ಹಕ್ಕುಗಳ ಜಾರಿ ನಿರ್ದೇಶನಾಲಯದ ವರಿಷ್ಠಾಧಿಕಾರಿ (ಎಸ್ ಪಿ) ಜಿ.ಸಂಗೀತಾ ಅವರನ್ನು ನಿಯೋಜಿಸಲಾಗಿದೆ. ಇವರು 2011 ವರ್ಷದ ಬ್ಯಾಚ್ ನ  ಐಪಿಎಸ್ ಅಧಿಕಾರಿ.

ವರ್ಗವಾಗಿರುವ ದಿವ್ಯಾ ಸಾರಾ ಥಾಮಸ್ ಅವರಿಗೆ ಸರ್ಕಾರ ಇನ್ನೂ ಹುದ್ದೆ ತೋರಿಸಿಲ್ಲ. ದಿವ್ಯಾ ಅವರು ಚಾಮರಾಜನಗರ ಜಿಲ್ಲೆಯ‌ ಮೊದಲ ಮಹಿಳಾ ಎಸ್ ಪಿ ಆಗಿದ್ದರು.