ಬಾಯಿಬೀಗ ಹಾಕಿಸಿಕೊಳ್ಳುವ ಭಕ್ತರು ಒಂದು ವಾರದಿಂದ ಬೆಟ್ಟಳ್ಳಿ ಮಾರಮ್ಮ ದೇವಾಲಯ, ಮೈಸೂರು ಮಾರಮ್ಮ ದೇವಾಲಯದಲ್ಲಿ ಪೂಜೆ ಸಲ್ಲಿಸಿದರು. ಬಳಿಕ ಪಟ್ಟಣದ ಆಂಜನೇಯ ದೇವಸ್ಥಾನದಲ್ಲಿ ಸಂಪ್ರಾದಾಯಿಕ ವಿಧಿ ವಿಧಾನಗಳೊಂದಿಗೆ ದೊಡ್ಡ ಬಾಯಿ ಬೀಗವನ್ನು ಹಾಕಿಸಿಕೊಂಡು ಸುಮಾರು ಎರಡು ಕಿಲೋಮೀಟರ್ ದೂರದಲ್ಲಿರುವ ಬೆಟ್ಟಳ್ಳಿ ಮಾರಮ್ಮ ದೇವಾಲಯದವರೆಗೆ ಬಿರುಬಿಸಿಲಿನ ಬೇಗೆ, ದೈಹಿಕ ಬಾಧೆಯನ್ನು ಲೆಕ್ಕಿಸದೆ ಭಕ್ತಿ ಭಾವದೊಂದಿಗೆ ಹೆಜ್ಜೆ ಹಾಕಿ ತಮ್ಮ ಹರಕೆ ಇಷ್ಟಾರ್ಥವನ್ನು ನೆರವೇರಿಸಿದರು.