ಬಾಳೆ ನಡುವೆ ಯಶಸ್ವಿ ಅಂತರ ಬೆಳೆ

ಸಂತೇಮರಹಳ್ಳಿ: ಬಾಳೆ ಜೊತೆಗೆ ಅಂತರ್ ಬೆಳೆಯಾಗಿ ವಿವಿಧ ಬೆಳೆಗಳನ್ನು ಬೆಳೆಯುತ್ತಾ ಪ್ರತಿ ಮೂರು ತಿಂಗಳಿಗೊಮ್ಮೆ ಲಾಭ ಗಳಿಸುತ್ತಿದ್ದಾರೆ ಸಂತೇಮರಹಳ್ಳಿಯ ಗುರುಪಾದಸ್ವಾಮಿ.

. ಇವರು ತಮ್ಮ ಎರಡು ಎಕರೆ ಜಮೀನಿನಲ್ಲಿ ಬಾಳೆ ಜೊತೆಗೆ ಟೊಮೆಟೊ, ಮಂಗಳೂರು ಸೌತೆ ಹಾಗೂ ಸಣ್ಣ ಈರುಳ್ಳಿಯನ್ನು ಬೆಳೆಯುತ್ತಾರೆ. ಒಂದು ಬೆಳೆ ಕಟಾವಾದ ನಂತರ ಮತ್ತೊಂದು ಬೆಳೆಯನ್ನು ಬೆಳೆಯುತ್ತಾರೆ. ಪ್ರತಿ ಮೂರು ತಿಂಗಳಿಗೊಮ್ಮೆ ಅಂತರ ಬೆಳೆ ಬದಲಾಗುತ್ತಿರುತ್ತದೆ.

. ಗುರುಪಾದಸ್ವಾಮಿಯವರು ಪದವಿ ಮುಗಿಸಿದ ನಂತರ ಖಾಸಗಿ ಕಂಪನಿಯೊಂದರಲ್ಲಿ ನೌಕರಿಗೆ ಸೇರಿದ್ದರು. ಅಲ್ಲಿ ಈಗಿನ ಒತ್ತಡಕ್ಕೆ ಬೇಸತ್ತು ಕೆಲಸ ಬಿಟ್ಟು ಬೇಸಾಯಕ್ಕೆ ಇಳಿದರು.

. ಒಂದೇ ಬೆಳೆಯನ್ನು ನೆಚ್ಚಿಕೊಂಡರೆ ಆಗದು ಎಂಬ ತೀರ್ಮಾನಕ್ಕೆ ಬಂದ ಅವರು, ಬೇರೆ ಬೆಳೆಗಳತ್ತ ಗಮನ ಹರಿಸಿದರು. ಬಾಳೆಯ ಮಧ್ಯೆ ಅಂತರ ಬೆಳೆಯನ್ನು ಹಾಕುವ ತೀರ್ಮಾನಕ್ಕೆ ಬಂದರು. ಅದು ಅವರ ಕೈಹಿಡಿದಿದೆ.

. ಸದ್ಯ ಬಾಳೆ ನಡುವೆ ಈರುಳ್ಳಿ ಬಿತ್ತನೆ ಮಾಡಿದ್ದಾರೆ. ತೆರಕಣಾಂಬಿಯ ಸಂತೆಯಲ್ಲಿ ಕ್ವಿಂಟಲ್ಗೆ ₹ 4 ಸಾವಿರ ನೀಡಿ, ಆರು ಕ್ವಿಂಟಲ್ ಬೀಜದ ಈರುಳ್ಳಿ ತಂದು ಬಿತ್ತನೆ ಮಾಡಿದ್ದಾರೆ. ಬಿತ್ತನೆಯ ನಂತರ ಈರುಳ್ಳಿ ಬೆಳೆ ಒಂದು ತಿಂಗಳಿಗೆ ಬರುವ ಹಂತದಲ್ಲಿ ಔಷಧಿ ಸಿಂಪಡಿಸಿದ್ದಾರೆ. ಜತೆಗೆ ವ್ಯವಸಾಯ, ಕೂಲಿ ಆಳುಗಳು, ಔಷಧ ಸಿಂಪಡಣೆ ಸೇರಿದಂತೆ ₹ 80 ಸಾವಿರದಿಂದ ₹1 ಲಕ್ಷದವರೆಗೆ ಖರ್ಚು ಮಾಡಿದ್ದಾರೆ.

. ಕೊಳವೆ ಬಾವಿ ಹೊಂದಿರುವ ಅವರು ಈರುಳ್ಳಿ ಹಾಗೂ ಬಾಳೆಗೆ ಹನಿ ನೀರಾವರಿ ಪದ್ಧತಿಯಲ್ಲಿ ನೀರುಣಿಸುತ್ತಿದ್ದಾರೆ.

. ‘ವಾರ ಕಳೆದರೆ ಈರುಳ್ಳಿ ಕಟಾವು ಹಂತಕ್ಕೆ ಬರುತ್ತದೆ. 40 ಕ್ವಿಂಟಲ್ವರೆಗೆ ಇಳುವರಿ ಸಿಗುವ ನಿರೀಕ್ಷೆ ಇಟ್ಟುಕೊಂಡಿದ್ದೇನೆ. ಈಗಿನ ದರದಲ್ಲಿ ₹ 2 ಲಕ್ಷದಿಂದ ₹ 2.50 ಲಕ್ಷ ದೊರೆಯಬಹುದು. ಬೆಲೆ ಹೆಚ್ಚಾದರೆ ಆದಾಯವೂ ಹೆಚ್ಚಾಗಲಿದೆ’ ಎಂದು ಗುರುಪಾದಸ್ವಾಮಿ ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ಬಾಳೆಯನ್ನು ವಾರ್ಷಿಕ ಬೆಳೆಯಾಗಿ ಬೆಳೆಯುತ್ತಿದ್ದಾರೆ. ಎರಡು ಎಕರೆಯಲ್ಲಿ 2 ಸಾವಿರ ನೇಂದ್ರ ಗಿಡಗಳನ್ನು ಹಾಕಿದ್ದಾರೆ. ವ್ಯವಸಾಯ, ಗೊಬ್ಬರ ಸೇರಿದಂತೆ ಬಾಳೆ ಕಟಾವು ಹಂತಕ್ಕೆ ಬರುವವರೆಗೆ ₹ 1.5 ಲಕ್ಷದವರೆಗೆ ಖರ್ಚಾಗುತ್ತದೆ. 25ರಿಂದ 30 ಟನ್ವರೆಗೆ ಇಳುವರಿ ಬರುತ್ತದೆ. ಬೆಲೆ ಚೆನ್ನಾಗಿದ್ದರೆ ₹ 5 ಲಕ್ಷದಿಂದ ₹ 6 ಲಕ್ಷದವರೆಗೆ ಹಣ ಸಿಗಬಹುದು’ ಎಂದು ಆದಾಯದ ಲೆಕ್ಕಾಚಾರವನ್ನು ಅವರು ಬಿಚ್ಚಿಟ್ಟರು.

. ಹೈನುಗಾರಿಕೆಗೂ ಒತ್ತು

. ಗುರುಪಾದಸ್ವಾಮಿಯವರು ಹೈನುಗಾರಿಕೆಗೂ ಒತ್ತು ನೀಡಿದ್ದಾರೆ. ಹಸುಗಳನ್ನು ಸಾಕಿಕೊಂಡು ಡೇರಿಗೂ ಹಾಲು ಹಾಕುತ್ತಿದ್ದಾರೆ.

. ಸದ್ಯ ಒಂದು ಹಸು ಹಾಲು ನೀಡುತ್ತಿದೆ. ಪ್ರತಿ ದಿನ ಡೇರಿಗೆ ಐದು ಲೀಟರ್ ಹಾಲು ನೀಡುತ್ತಿದ್ದಾರೆ. ಪ್ರತಿ ವಾರವೂ ₹ 1 ಸಾವಿರ ಆದಾಯ ಬರುತ್ತದೆ. ತಮ್ಮ ಜಮೀನಿನ ಸುತ್ತ ಹಸುಗಳಿಗಾಗಿ ಮೇವು ಬೆಳೆಸಿದ್ದಾರೆ.

. ‘ವ್ಯವಸಾಯವನ್ನು ಆಸಕ್ತಿಯಿಂದ ಮಾಡುತ್ತಿದ್ದೇವೆ. ಫಸಲು ಮಾರಾಟ ಸಮಯದಲ್ಲಿ ಬೆಲೆ ಏರುಪೇರಾಗಿ ಜೂಜಾಟದಂತಾಗುತ್ತದೆ. ಬೆಲೆ ಹೆಚ್ಚಾದರೇ ರೈತರಿಗೆ ಅನುಕೂಲ. ಕಡಿಮೆಯಾದರೆ ನಷ್ಟ ಖಚಿತ. ಹಾಗಾಗಿ, ರೈತರು ಬೆಳೆದ ಬೆಳೆಗಳಿಗೆ ಸರ್ಕಾರ ವೈಜ್ಞಾನಿಕ ದರ ನಿಗದಿಗೊಳಿಸಬೇಕು’ ಎಂದು ಗುರುಪಾದಸ್ವಾಮಿ ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಾಳೆ ನಡುವೆ ಯಶಸ್ವಿ ಅಂತರ ಬೆಳೆ

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ