ಚಿಕ್ಕಬಳ್ಳಾಪುರ: ಗುಡಿಬಂಡೆ ತಾಲ್ಲೂಕಿನ ಜಂಬಿಗೆ ಮರದಹಳ್ಳಿಯ ಭಾನುಶ್ರೀ ಮತ್ತು ಚಿಕ್ಕಬಳ್ಳಾಪುರ ತಾಲ್ಲೂಕಿನ ಕಾಮಶೆಟ್ಟಿಹಳ್ಳಿ ಗ್ರಾಮದ ಮಧುಸೂದನ್ ಪ್ರಕರಣ ಪೊಲೀಸ್ ಠಾಣೆ ಮೆಟ್ಟಿಲೇರಿದೆ.
ಪರಿಶಿಷ್ಟ ಪಂಗಡದ ಮಧುಸೂದನ್ ಮತ್ತು ಬಲಿಜ ಸಮುದಾಯದ ಭಾನುಶ್ರೀ ಪ್ರೀತಿಸಿ ವಿವಾಹ ಆಗಿದ್ದರು. ಮನೆಯವರಿಗೆ ಈ ಪೀತಿಯ ವಿಚಾರ ತಿಳಿದಿದ್ದರೂ ಜಾತಿ ಕಾರಣಕ್ಕಾಗಿ ವಿವಾಹಕ್ಕೆ ಒಪ್ಪಿರಲಿಲ್ಲ. ಆದರೆ ಇಬ್ಬರು ದೇವಾಲಯದಲ್ಲಿ ವಿವಾಹ ಆಗಿದ್ದಾರೆ.
ನಂತರ ಯುವತಿ ಪೋಷಕರು ಗುಡಿಬಂಡೆ ಪೊಲೀಸ್ ಠಾಣೆಯಲ್ಲಿ ಮಗಳು ಕಾಣಿಯಾಗಿದ್ದಾಳೆ ಎಂದು ದೂರು ನೀಡಿದ್ದರು. ನಂತರ ಈ ಇಬ್ಬರು ಹಾಗೂ ಪೋಷಕರನ್ನು ಕರೆಯಿಸಿ ಗುಡಿಬಂಡೆ ಠಾಣೆ ಪೊಲೀಸರು ಮಾತುಕತೆ ನಡೆಸಿದ್ದಾರೆ. ಭಾನುಶ್ರೀ, ಮಧುಸೂದನ್ ಜೊತೆ ತೆರಳುವುದಾಗಿ ಹೇಳಿದ್ದಾರೆ.
