ಚಿಕ್ಕಬಳ್ಳಾಪುರ | ಬಾಲಕಿ ಮೇಲೆ ಅತ್ಯಾಚಾರ; ತಾಯಿ ಸೇರಿದಂತೆ ಐದು ಮಂದಿ ಬಂಧನ

ಆಂಧ್ರಪ್ರದೇಶ ಮೂಲದ ಗಣೇಶ್, ಚಿಕ್ಕಬಳ್ಳಾಪುರ ಮತ್ತು ಶಿಡ್ಲಘಟ್ಟ ತಾಲ್ಲೂಕಿನ ಶಿವಕುಮಾರ್, ಮನು ಮತ್ತು ಆನಂದ್ ಬಂಧಿತರು. 

ಬೆಂಗಳೂರು ಮೂಲದ ಬಾಲಕಿಯ ತಾಯಿಯು ಪತಿಯಿಂದ ದೂರವಾಗಿದ್ದರು. ಆಂಧ್ರಪ್ರದೇಶದ ಗಣೇಶ್ ಜೊತೆ ತಾಲ್ಲೂಕಿನ ಗ್ರಾಮವೊಂದರಲ್ಲಿ ವಾಸಿಸುತ್ತಿದ್ದರು. ಈ ಇಬ್ಬರು ಸಹ ಅನೈತಿಕ ವ್ಯವಹಾರಗಳನ್ನು ನಡೆಸುತ್ತಿದ್ದರು. ಬಾಲಕಿಯನ್ನು ಸಹ ಅನೈತಿಕ ಚಟುವಟಿಕೆಗಳಿಗೆ ಬಳಸಿಕೊಂಡಿದ್ದಾರೆ. ನಿತ್ಯವೂ ಒಬ್ಬೊರ ಜೊತೆ ಕಳುಹಿಸಿದ್ದರು‌ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.  

ಈ ಬಗ್ಗೆ ಬಾಲಕಿಯು ಬೆಂಗಳೂರಿನಲ್ಲಿರುವ ತನ್ನ ಚಿಕ್ಕಮ್ಮನಿಗೆ ಮಾಹಿತಿ ನೀಡಿದ್ದಾಳೆ. ಅವರ ಚಿಕ್ಕಮ್ಮ ಈ ಬಗ್ಗೆ ಪೊಲೀಸರಿಗೆ ದೂರು ನೀಡಿದ್ದರು.