‘ಮುಂದುವರಿಯುವ ಇರಾದೆ ಇಲ್ಲ; ವಿಭಜನೆಗೆ ಆದ್ಯತೆ’
‘ಕೋಚಿಮುಲ್ ಆಡಳಿತ ಮಂಡಳಿಯ ಅಧಿಕಾರದ ಅವಧಿ ವಿಸ್ತರಿಸಬೇಕು ಎನ್ನುವ ಯಾವ ವಿಚಾರಗಳೂ ನಮ್ಮ ಮುಂದೆ ಇಲ್ಲ. ವಿಭಜನೆಗೆ ಮೊದಲ ಆದ್ಯತೆ’ ಎಂದು ಕೋಚಿಮುಲ್ ಅಧ್ಯಕ್ಷ ಕೆ.ವೈ.ನಂಜೇಗೌಡ ತಿಳಿಸಿದರು. ‘ಲೋಕಸಭೆ ಚುನಾವಣೆ ಕಾರಣ ಚುನಾವಣೆ ಮುಂದೂಡಲಾಯಿತು. ಈಗ ಚುನಾವಣಾ ಪ್ರಕ್ರಿಯೆ ಮುಂದುವರಿಸುವಂತೆ ಸರ್ಕಾರ ಸೂಚಿಸಿದೆ’ ಎಂದರು. ಈ ಹಿಂದೆ ಬಿಜೆಪಿ ಸರ್ಕಾರದಲ್ಲಿ ಕೋಚಿಮುಲ್ ವಿಭಜಿಸಲಾಗಿತ್ತು. ಆದರೆ ಸಾಧಕ ಬಾಧಕಗಳನ್ನು ಗಮನಿಸದೆ ವಿಭಜಿಸಿದರು. ನಮ್ಮ ಸರ್ಕಾರ ಈ ವಿಭಜನೆ ವಾಪಸ್ ಪಡೆಯಿತು. ಸರ್ಕಾರದ ಆದೇಶ ವಿರುದ್ಧ ನ್ಯಾಯಾಲಯದ ಮೊರೆ ಹೋಗಿದ್ದಾರೆ ಎಂದು ಹೇಳಿದರು. ವಿಭಜನೆ ಮಾಡಿಯೇ ಚುನಾವಣೆ ಮಾಡಬೇಕು ಎನ್ನುವ ವಿಚಾರವಿದೆ. ಆದರೆ ಆಡಳಿತ ಮಂಡಳಿ ಮುಂದುವರಿಸಬೇಕಾ ಆಡಳಿತಾಧಿಕಾರಿ ನೇಮಿಸಬೇಕಾ ವಿಭಜನೆ ಮಾಡಬೇಕಾದರೆ ಈ ಹಂತದಲ್ಲಿ ಏನು ಮಾಡಬೇಕು ಎನ್ನುವ ಬಗ್ಗೆ ಚರ್ಚೆ ಆಗುತ್ತಿದೆ. ಹೈಕೋರ್ಟ್‌ನಲ್ಲಿ ದಾವೆ ಬಾಕಿ ಇರುವ ಕಾರಣ ಅಡ್ವೊಕೇಟ್ ಜನರಲ್ ಅಭಿಪ್ರಾಯ ಪಡೆದು ಮುಂದುವರಿಯುತ್ತೇವೆ. ಎಂದರು.
