ಕೊಟ್ಟಿಗೆಹಾರ (ಚಿಕ್ಕಮಗಳೂರು): ಜಿಲ್ಲೆಯ ಮೂಡಿಗೆರೆ ತಾಲ್ಲೂಕಿನ ಕೊಟ್ಟಿಗೆಹಾರಕ್ಕೆ ಬುಧವಾರ ಬಂದಿದ್ದ ಚೀನಾದ ಪುಂಜಿಮೊ ಎಂಬಾತನನ್ನು ಕಂಡು ಗ್ರಾಮಸ್ಥರು ಬೆಚ್ಚಿದ್ದಾರೆ. ವಾಸ್ತವ್ಯಕ್ಕೆ ಕೊಠಡಿ ನೀಡಲು ಲಾಡ್ಜ್‌ನವರು ನಿರಾಕರಿಸಿದ್ದು, ಆತ ಪೆಟ್ರೊಲ್‌ ಬಂಕ್‌ ಬಳಿ ಮಲಗಿ ಗುರುವಾರ ಬೆಳಗಿನ ಜಾವ ತೆರಳಿದ್ದಾರೆ. ದೇಶ ಪರ್ಯಟನೆ ಮಾಡುತ್ತಿರುವ ಪುಂಜಿಮೊ ಮಂಗಳೂರಿನಿಂದ ಕೊಟ್ಟಿಗೆಹಾರಕ್ಕೆ ಬೈಕಿನಲ್ಲಿ ಬುಧವಾರ ರಾತ್ರಿ ಬಂದಿದ್ದಾರೆ. ವ್ಯಕ್ತಿ ಚೀನಾದವರು ಎಂದು ಗೊತ್ತಾಗಿ, ವಾಸ್ತವ್ಯಕ್ಕೆ ಕೊಠಡಿ ನೀಡಲು ಲಾಡ್ಜ್‌ನವರು ನಿರಾಕರಿಸಿದ್ದಾರೆ.
