ಕೆಲವೇ ತಿಂಗಳ ಹಿಂದೆ ಒಂದು ಕ್ವಿಂಟಲ್ಗೆ ₹15,000 ಇದ್ದ ಕೊಬ್ಬರಿ ಬೆಲೆಯು ಇದೀಗ ₹11,500ಕ್ಕೆ ಇಳಿದಿದೆ. ಗುಣಮಟ್ಟ ಕಡಿಮೆಯಿದ್ದರೆ ಬೆಲೆ ಇನ್ನೂ ಕಡಿಮೆ. ಸುಮಾರು 700 ಕೊಬ್ಬರಿ ಒಂದು ಕ್ವಿಂಟಲ್ ತೂಗುತ್ತವೆ. ತೆಂಗಿನ ಕಾಯಿಯನ್ನು ದಾಸ್ತಾನು ಮಾಡಿ, ಕನಿಷ್ಠ ಏಳು- ಎಂಟು ತಿಂಗಳು ಒಣಗಿಸಿದ ಬಳಿಕ ಕೊಬ್ಬರಿಯಾಗುತ್ತದೆ. ತೆಂಗಿನಕಾಯಿ ಸುಲಿದು, ಒಡೆದು, ಚೀಲಕ್ಕೆ ತುಂಬಿ ಮಾರುಕಟ್ಟೆಗೆ ಸಾಗಿಸಿದರೆ ಅಲ್ಲಿ ಬೆಲೆ ಕುಸಿತದ ಬಿಸಿ. ಅದೇ ಒಂದು ಸಾವಿರ ತೆಂಗಿನಕಾಯಿಗೆ ₹8,000ದಿಂದ ₹11,500 ಬೆಲೆಯಿದೆ. ಏಳೆಂಟು ತಿಂಗಳು ಕೊಬ್ಬರಿಯಾಗುವವರೆಗೆ ಕಾಯುವ ಬದಲು ತೆಂಗಿನಕಾಯಿ ಮಾರಿದರೆ ಒಳಿತು ಎಂಬ ಅಭಿಪ್ರಾಯ ರೈತರದ್ದು.