ಗುರುವಾರ , ಸೆಪ್ಟೆಂಬರ್ 23, 2021
22 °C

ಕಳಸ: ಗಿರಿಜಾ ಕಲ್ಯಾಣದ ಸಡಗರ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಕಳಸ: ಇಲ್ಲಿನ ಊರ ದೇವರಾದ ಕಳಸೇಶ್ವರ ಮತ್ತು ಗಿರಿಜೆಯ ವಿವಾಹ ಮಹೋತ್ಸವವಾದ ‘ಗಿರಿಜಾ ಕಲ್ಯಾಣ’ ಗುರುವಾರ ನಸುಕಿನ ಜಾವ ಸಡಗರದಿಂದ ನೆರವೇರಿತು.

ಭಾನುವಾರ ಗಣಪತಿ ಪೂಜೆ, ಅಂಕುರಾರ್ಪಣೆ ಮೂಲಕ ಆರಂಭ ಗೊಂಡಿದ್ದ ಮದುವೆಯ ವಿಧಿಗಳು ಕೌತುಕೋತ್ಸವ, ಧ್ವಜಾರೋಹಣ, ಹಸಿರುವಾಣಿ ಸಮರ್ಪಣೆಯಂತಹ ಸಾಂಪ್ರದಾಯಿಕ ಆಚರಣೆಗಳ ಮೂಲಕ ಕಳೆಗಟ್ಟಿತ್ತು. ಕಳಸೇಶ್ವರ ದೇವಸ್ಥಾನ ಮತ್ತು ಗಿರಿಜಾಂಬ ದೇವಸ್ಥಾನದ ಪರಿಸರದಲ್ಲಿ ಹಬ್ಬದ ಕಳೆ ಮೂಡಿತ್ತು.

ಶತವಾರ ರುದ್ರಾಭಿಷೇಕ, ರಂಗಪೂಜೆ, ಪುದುವಟ್ಟು ಸೇವೆ ವಿಧಿವತ್ತಾಗಿ ನಡೆದು ದೇವರ ಮದುವೆಗೆ ಕ್ಷಣಗಣನೆ ಆರಂಭವಾಗಿತ್ತು. ಬುಧವಾರ ಮಧ್ಯರಾತ್ರಿಯಿಂದ ಆರಂಭವಾದ ವಿವಾಹದ ವಿಧಿಗಳು ಗುರುವಾರ ನಸುಕಿನ ಜಾವದವರೆಗೂ ಮುಂದುವರಿದಿತ್ತು. ಕಳಸೇಶ್ವರ ಮತ್ತು ಗಿರಿಜೆಯ ವಿವಾಹ ಮಹೋತ್ಸವವನ್ನು ನೆರೆದಿದ್ದ ಭಕ್ತರು ಕಣ್ತುಂಬಿಕೊಂಡರು.

ಗುರುವಾರ ಕಳಸೇಶ್ವರನ ಗರ್ಭಗುಡಿಯಲ್ಲಿ ಈಶ್ವರನ ಪಕ್ಕದಲ್ಲಿ ಗಿರಿಜೆಯನ್ನು ಇರಿಸಿ ಮಹಾಪೂಜೆ ನೆರವೇರಿಸಲಾಯಿತು. ಕೋವಿಡ್ –19 ಕಾರಣಕ್ಕೆ ಈ ಬಾರಿ ಮದುವೆಯ ಸಿಹಿ ಊಟ ಸವಿಯುವ ಭಾಗ್ಯದಿಂದ ಭಕ್ತರು ವಂಚಿತರಾದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು