ಮೇಲ್ಜಾತಿ ಗುಲಾಮರಾದ ದಲಿತ ರಾಜಕಾರಣಿಗಳು: ಡಿ.ಉಮಾಪತಿ ವಿಷಾದ

‘ಡಾ.ಬಿ.ಆರ್‌.ಅಂಬೇಡ್ಕರ್‌ ಅವರು ಸಂವಿಧಾನ ಪಿತಾಮಹ ಅಷ್ಟೇ ಅಲ್ಲ ನಮ್ಮ ಪ್ರಜ್ಞೆಯ ಪಿತಾಮಹರೂ ಆಗಿದ್ದಾರೆ. ನಮ್ಮ ಪ್ರತಿ ಹೆಜ್ಜೆಯಲ್ಲೂ ಅಂಬೇಡ್ಕರ್‌ ಕೊಟ್ಟಿರುವ ತತ್ವಗಳನ್ನು ಅಳವಡಿಸಿಕೊಳ್ಳಬೇಕು. ನಮ್ಮ ಪ್ರತಿ ನೋಟದಲ್ಲಿ ಅವರ ದೃಷ್ಟಿಕೋನವಿರಬೇಕು’ ಎಂದು ಮಾಧ್ಯಮ ಅಕಾಡೆಮಿ ಅಧ್ಯಕ್ಷೆ ಆಯೇಷಾ ಖಾನಂ ಹೇಳಿದರು. ‘ನಾವು ಮೊದಲು ಸಮಾಜದಲ್ಲಿ ಉತ್ತಮ ಮನುಷ್ಯರಾಗಿ ಬದುಕುವುದನ್ನು ಕಲಿಯಬೇಕು. ನಂತರವಷ್ಟೇ ಪತ್ರಕರ್ತರಾಗಿ ಯೋಚಿಸಬೇಕು. ಅಂತಹ ಅಡಿಪಾಯವನ್ನು ಅಂಬೇಡ್ಕರ್‌ ಅವರು ಹಾಕಿಕೊಟ್ಟಿದ್ದಾರೆ’ ಎಂದರು.