ಮಂಗಳೂರು ಮೀನುಗಾರರನ್ನು ರಕ್ಷಿಸಿದ ಕರ್ಫ್ಯೂ ಸಡಿಲಿಕೆ

ಮಂಗಳೂರು: ಕರ್ಫ್ಯೂ ವಿಧಿಸಿರುವುದರ ಪರಿವೇ ಇಲ್ಲದೇ ಶುಕ್ರವಾರ ಸುಮಾರು 300 ಟನ್ನಷ್ಟು ಮೀನು ಹೊತ್ತು ಬಂದಿದ್ದ ಮೀನುಗಾರಿಕೆ ಬೋಟ್ಗಳ ಮಾಲೀಕರ ಆತಂಕ ಶನಿವಾರ ನಿವಾರಣೆ ಆಯಿತು. ಶನಿವಾರ ಮಧ್ಯಾಹ್ನ 3 ಗಂಟೆ ಕರ್ಫ್ಯೂ ಸಡಿಲಿಕೆ ಮಾಡಿದ್ದರಿಂದ ನಗರದ ಮೀನು ಮಾರುಕಟ್ಟೆಯಲ್ಲಿ ಖರೀದಿಯೂ ನಡೆಯಿತು. ಜತೆಗೆ ಬೇರೆ ಕಡೆಗಳಿಗೆ ಮೀನಿನ ಸಾಗಣೆಯೂ ಆಯಿತು.

. ಸ್ಟೇಟ್ಬ್ಯಾಂಕ್ ಸಮೀಪದ ಮೀನು ಮಾರುಕಟ್ಟೆಯಲ್ಲಿ ಶನಿವಾರ ಮಧ್ಯಾಹ್ನ ಮೀನು ಮಾರಾಟವು ಅಬ್ಬರದಿಂದ ಕೂಡಿತ್ತು. ಎರಡು ದಿನಗಳಿಂದ ಮಾರಾಟವಾಗದೇ ಐಸ್ನಲ್ಲಿ ಇಟ್ಟಿದ್ದ ಮೀನುಗಳನ್ನು ಮಾರಾಟ ಮಾಡಲಾಯಿತು. ಅದಾಗ್ಯೂ ಮೀನುಗಾರರಿಗೆ ಸಾಕಷ್ಟು ನಷ್ಟ ಉಂಟಾಗಿದೆ. ಈ ಮಧ್ಯೆ ಗ್ರಾಹಕರೂ ಬೆಲೆಗೆ ಗಮನ ಕೊಡದೇ, ಸಿಕ್ಕಷ್ಟು ಮೀನನ್ನು ಖರೀದಿಸಿ ಮನೆಯತ್ತ ತೆರಳಿದರು.

. ಶನಿವಾರ ಸಂಜೆಯ ವೇಳೆಗೆ ಕರ್ಫ್ಯೂ ತೆಗೆದು ಹಾಕದಿದ್ದರೆ ಹಿಡಿದಿರುವ ಸುಮಾರು 300 ಟನ್ನಷ್ಟು ಮೀನು ಕೊಳೆಯಲು ಪ್ರಾರಂಭವಾಗುತ್ತಿತ್ತು ಎಂದು ಪರ್ಸೀನ್ ಬೋಟ್ ಮಾಲೀಕರ ಸಂಘದ ಗೌರವಾಧ್ಯಕ್ಷ ಉಮೇಶ್ ಕರ್ಕೇರ ತಿಳಿಸಿದರು.

. ಬಂದ್ ಹಾಗೂ ಕರ್ಫ್ಯೂ ಕಾರಣದಿಂದಾಗಿ ನಗರದಲ್ಲಿ ಜನಜೀವನ ಅಸ್ತವ್ಯಸ್ತವಾದರೆ, ಅತಿ ಹೆಚ್ಚು ಸಮಸ್ಯೆಗೆ ಸಿಲುಕುವವರು ಮೀನುಗಾರರೇ. ಐದರಿಂದ ಆರು ಪರ್ಸೀನ್ ಬೋಟ್ಗಳು ಮತ್ತು ಸುಮಾರು 50 ಟ್ರಾಲರ್ ಬೋಟ್ಗಳು ಆಳ ಸಮುದ್ರ ಮೀನುಗಾರಿಕೆಯಿಂದ ಶುಕ್ರವಾರ ಬಂದರಿಗೆ ಮರಳಿದ್ದವು. ಈ ದೋಣಿಗಳನ್ನು ವಾಪಸ್ ಕಳುಹಿಸಿ, ಶನಿವಾರ ಮತ್ತೆ ಹಿಂತಿರುಗಲು ಹೇಳಲಾಗಿತ್ತು ಎಂದು ಕರ್ಕೇರ ತಿಳಿಸಿದರು.

. ವಿಧಿಸಿದ್ದರಿಂದ ಮೀನಿನ ಶೇಖರಣೆಗೆ ಬೇಕಾಗುವಷ್ಟು ಮಂಜುಗಡ್ಡೆಯೂ ಬಂದರಿಗೆ ಸರಬರಾಜು ಆಗಿರಲಿಲ್ಲ. ಆದರೆ ಶನಿವಾರದವರೆಗೆ ಮೀನುಗಳು ಹಾಳಾಗದಂತೆ ತಡೆಯಲು ದೋಣಿಗಳಲ್ಲಿ ಮಂಜುಗಡ್ಡೆಯ ಸಂಗ್ರಹವಿತ್ತು. ಹೀಗಾಗಿ ಬೋಟ್ಗಳನ್ನು ಶನಿವಾರ ಮರಳುವಂತೆ ಹೇಳಿ ಕಳುಹಿಸಲಾಗಿತ್ತು.

. ಕರ್ಫ್ಯೂನಿಂದ ಮೀನುಗಾರಿಕಾ ಸಮುದಾಯವು ಹೆಚ್ಚಿನ ಪ್ರಮಾಣದಲ್ಲಿ ತೊಂದರೆ ಅನುಭವಿಸುವಂತಾಗಿದೆ. ಬಂದರನ್ನು ಅವಲಂಬಿಸಿ ನೇರವಾಗಿ ಅಥವಾ ಪರೋಕ್ಷವಾಗಿ ಸುಮಾರು 5 ಸಾವಿರ ಜನರು ಜೀವನ ನಡೆಸುತ್ತಿದ್ದು, ಅವರೆಲ್ಲ ಕೆಲಸವಿಲ್ಲದೇ ಮನೆಯೊಳಗೆ ಇರುವಂತಾಗಿತ್ತು ಎಂದು ಅವರು ವಿವರಿಸಿದರು.

. ಮೀನುಗಾರರು ನಿರಾಳ

. ಶನಿವಾರ ಬೆಳಿಗ್ಗೆ ನಗರಕ್ಕೆ ಬಂದಿದ್ದ ನೀಡಿದ್ದ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಅವರನ್ನು ಭೇಟಿ ಮಾಡಿದ ಮೀನುಗಾರರ ನಿಯೋಗ, ವಸ್ತು ಸ್ಥಿತಿಯನ್ನು ವಿವರಿಸಿ, ಕರ್ಫ್ಯೂ ಸಡಿಲಿಸುವಂತೆ ಮನವಿ ಮಾಡಿತು.

. ಶಾಸಕ ಡಿ.ವೇದವ್ಯಾಸ ಕಾಮತ್ ಅವರೊಂದಿಗೆ ಮುಖ್ಯಮಂತ್ರಿಯನ್ನು ಭೇಟಿ ಮಾಡಿದ ನಿತಿನ್ಕುಮಾರ್ ನೇತೃತ್ವದ ನಿಯೋಗ, ಈಗಾಗಲೇ ಬೋಟ್ಗಳು ಮೀನು ಹೊತ್ತು ಬಂದರಿಗೆ ಬಂದಿದ್ದು, ಕರ್ಫ್ಯೂ ಹಿಂದಕ್ಕೆ ಪಡೆಯಲಿದ್ದರೆ, ಕೋಟ್ಯಂತರ ನಷ್ಟ ಅನುಭವಿಸುವಂತಾಗಲಿದೆ ಎಂದು ತಿಳಿಸಿತು.

. ಶನಿವಾರ ಮಧ್ಯಾಹ್ನ ಕರ್ಫ್ಯೂ ಸಡಿಲಿಸಿದ್ದರೂ, 3 ಗಂಟೆಯಲ್ಲಿ ಬಂದರಿನಿಂದ ಮೀನನ್ನು ಎತ್ತಿ, ಹೊರಗೆ ಸಾಗಿಸುವುದು ಸಾಧ್ಯವಾಗುವುದಿಲ್ಲ. ಹಾಗಾಗಿ ಭಾನುವಾರವೂ ಕರ್ಫ್ಯೂ ಸಡಿಲಿಸುವಂತೆ ವಿನಂತಿಸಿತ್ತು. ಇದೀಗ ಭಾನುವಾರ ಕರ್ಫ್ಯೂ ಸಡಿಲಿಸಿರುವುದರಿಂದ ಮೀನುಗಾರರು ನಿರಾಳ ಆಗುವಂತಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಂಗಳೂರು ಮೀನುಗಾರರನ್ನು ರಕ್ಷಿಸಿದ ಕರ್ಫ್ಯೂ ಸಡಿಲಿಕೆ

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ

ಜಿಂಬಾಬ್ವೆ ವಿರುದ್ಧ ನ್ಯೂಜಿಲೆಂಡ್‌ಗೆ ಜಯ

2036ರ ಒಲಿಂಪಿಕ್ಸ್‌ಗೆ ಸಿದ್ಧತೆ: ಅಮಿತ್‌ ಶಾ

IND vs ENG: ಜಡೇಜ ಆಟ ಕೊಂಡಾಡಿದ ಟೀಮ್ ಇಂಡಿಯಾ

ಫಿಡೆ ಮಹಿಳಾ ವಿಶ್ವಕಪ್‌ ಟೂರ್ನಿ: ಎಂಟರ ಘಟ್ಟಕ್ಕೆ ಭಾರತದ ನಾಲ್ವರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ