ಮನೆ ಮನೆಗೆ ಕೊಳವೆ ಮೂಲಕ ಅಡುಗೆ ಅನಿಲ ತಲುಪಿಸುವ ಪಿಎನ್ಜಿ (ಪೈಪ್ಡ್ ನ್ಯಾಚುರಲ್ ಗ್ಯಾಸ್) ಸೌಲಭ್ಯಕ್ಕೆ ಜಿಲ್ಲೆಯಲ್ಲಿ ಉತ್ತಮ ಬೇಡಿಕೆ ಇದ್ದು ವಸತಿ ಸಮುಚ್ಛಯ, ಫ್ಲ್ಯಾಟ್, ಅಪಾರ್ಟ್ಮೆಂಟ್ ಮತ್ತು ಒಂಟಿ ಮನೆಗಳಿಗಾಗಿ 1 ಲಕ್ಷದ 10 ಸಾವಿರ ಅರ್ಜಿಗಳು ಬಂದಿವೆ. ಭವಿಷ್ಯದಲ್ಲಿ 3 ಲಕ್ಷದ 50 ಸಾವಿರ ಮನೆಗಳಿಗೆ ಈ ಸೌಲಭ್ಯ ಸಿಗಲಿದೆ. ಆರಂಭಿಕ ಘಟ್ಟದಲ್ಲಿ ಸುರತ್ಕಲ್, ಮುಕ್ಕ, ಮೂಲ್ಕಿ, ಕುಳಾಯಿ ಮತ್ತು ಬೊಂದೆಲ್ನಲ್ಲಿ ಸಂಪರ್ಕ ಕಲ್ಪಿಸಲಾಗುವುದು ಎಂದು ತಿಳಿಸಲಾಗಿದೆ.
