<p><strong>ಬದಿಯಡ್ಕ:</strong> ಬದಿಯಡ್ಕದಿಂದ ಮುಳ್ಳೇರಿಯಾವರೆಗಿನ 12.5 ಕಿ.ಮೀ. ದೂರದ ಖಾಸಗಿ ಬಸ್ ಸಂಚಾರ ದರವನ್ನು ಆರ್ಟಿಒ ಸಂಸ್ಥೆಯು ಕೂಡಲೇ ಪರಿಷ್ಕರಿಸಬೇಕೆಂದು ನಡುವಂಗಡಿಯಲ್ಲಿ ಮಂಗಳವಾರ ನಡೆದ ಬಸ್ ಯಾತ್ರಿಕರ ಸಮಿತಿ ಸಭೆಯಲ್ಲಿ ಒತ್ತಾಯಿಸಲಾಗಿದೆ.<br /> <br /> ಬದಿಯಡ್ಕದಿಂದ ಮುಳ್ಳೇರಿಯಾಕ್ಕೆ ಸಂಚರಿಸುವ ಬಹುತೇಕ ಏಕಾಧಿಪತ್ಯದ ಖಾಸಗಿ ಬಸ್ಸುಗಳು ಆದೂರುವರೆಗಿನ ಸಂಚಾರ ದರವನ್ನು ಪಡೆಯುತ್ತಿವೆ. ಹಾಗೂ ನಡುವಂಗಡಿಯಿಂದ ಬದಿಯಡ್ಕಕ್ಕೆ ಕನ್ನೆಪ್ಪಾಡಿಯ ದರವನ್ನು ವಸೂಲು ಮಾಡುತ್ತಿದೆ. ಬಸ್ಸಿನ ಈ ದರದಿಂದ ಪ್ರಯಾಣಿಕರಿಗೆ ಸುಮಾರು ತಲಾ 1.5ಯಿಂದ 2 ರೂಪಾಯಿಗಳಷ್ಟು ಹೆಚ್ಚುವರಿ ಹೊರೆ ಬಿದ್ದು, ತುಂಬಾ ನಷ್ಟ ಉಂಟಾಗುತ್ತಿದೆ. ಆದ್ದರಿಂದ ಈ ರಸ್ತೆಯಲ್ಲಿ ಸಂಚರಿಸುವ ಸರ್ಕಾರಿ ಬಸ್ಸಿನ ದರವೇ ಖಾಸಗಿ ಬಸ್ಸುಗಳಿಗೂ ಅನ್ವಯವಾಗುವಂತೆ ದರ ಪರಿಷ್ಕರಣೆ ಮಾಡಬೇಕೆಂದು ಸಮಿತಿ ಒತ್ತಾಯಿಸಿದೆ. <br /> <br /> ಬದಿಯಡ್ಕ, ಕುಂಬಳೆ ಮಾರ್ಗವಾಗಿ ಸುಬ್ರಹ್ಮಣ್ಯದಿಂದ ಮಂಗಳೂರಿಗೆ, ಅಡೂರು ಹಾಗೂ ದೇಲಂಪಾಡಿಯಿಂದ ಬದಿಯಡ್ಕ ಮಾರ್ಗವಾಗಿ ಮಂಗಳೂರಿಗೆ ಸರ್ಕಾರಿ ಬಸ್ ಸಂಚಾರ ಆರಂಭಿಸಬೇಕು. ಹೆದ್ದಾರಿ ರಾಷ್ಟ್ರೀಕರಣದಿಂದ ಸಂಚಾರ ಮೊಟಕುಗೊಂಡ ಬೆಳ್ಳೂರು- ಮಂಗಳೂರು ಖಾಸಗಿ ಬಸ್ಸಿನ ಬದಲಾಗಿ ಸರ್ಕಾರಿ ಬಸ್ಸನ್ನು ಆರಂಭಿಸಬೇಕು.<br /> <br /> ಮವ್ವಾರು ಸಮೀಪದ ನಡುವಂಗಡಿ ಸದಾ ಪ್ರಯಾಣಿಕರಿಂದ ಕೂಡಿದ್ದು, ಲಿಮಿಟೆಡ್ ಬಸ್ಸುಗಳ ನಿಲುಗಡೆಯನ್ನು ಘೋಷಿಸಬೇಕು, ಖಾಸಗಿ ಬಸ್ಸುಗಳ ಸಂಚಾರ ದರಗಳನ್ನು ಕೂಡಲೇ ಕಡಿಮೆ ಮಾಡಬೇಕು ಎಂದು ಸಮಿತಿಯ ಸಭೆಯಲ್ಲಿ ಒತ್ತಾಯಿಸಲಾಗಿದೆ. <br /> <br /> ಮಂಗಳವಾರ ನಡೆದ ಸಮಿತಿ ಸಭೆಯ ಅಧ್ಯಕ್ಷತೆಯನ್ನು ಪಣಿಯೆ ಸೀತಾರಾಮ ಕುಂಜತ್ತಾಯ ಚ್ಯವನ ವಹಿಸಿದ್ದರು. ಸಭೆಯಲ್ಲಿ ವಕೀಲ ಚಂದ್ರಹಾಸ ಭಟ್, ಶ್ರೀನಿವಾಸ ಭಟ್, ಪ್ರಭಾಕರ ಮಾಸ್ತರ್, ಸೀತಾರಾಮ ರೈ, ಸುನಿಲ್, ಶ್ರೀಧರ ರಾವ್, ಅನೀಶ್ ಮೊದಲಾದವರು ಇದ್ದರು. ಸಮಿತಿಯು ಬುಧವಾರ ಈ ಬಗ್ಗೆ ಲಿಖಿತ ಮನವಿಯನ್ನು ಆರ್ಟಿಒ ಸಭೆಯಲ್ಲಿ ಸಲ್ಲಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬದಿಯಡ್ಕ:</strong> ಬದಿಯಡ್ಕದಿಂದ ಮುಳ್ಳೇರಿಯಾವರೆಗಿನ 12.5 ಕಿ.ಮೀ. ದೂರದ ಖಾಸಗಿ ಬಸ್ ಸಂಚಾರ ದರವನ್ನು ಆರ್ಟಿಒ ಸಂಸ್ಥೆಯು ಕೂಡಲೇ ಪರಿಷ್ಕರಿಸಬೇಕೆಂದು ನಡುವಂಗಡಿಯಲ್ಲಿ ಮಂಗಳವಾರ ನಡೆದ ಬಸ್ ಯಾತ್ರಿಕರ ಸಮಿತಿ ಸಭೆಯಲ್ಲಿ ಒತ್ತಾಯಿಸಲಾಗಿದೆ.<br /> <br /> ಬದಿಯಡ್ಕದಿಂದ ಮುಳ್ಳೇರಿಯಾಕ್ಕೆ ಸಂಚರಿಸುವ ಬಹುತೇಕ ಏಕಾಧಿಪತ್ಯದ ಖಾಸಗಿ ಬಸ್ಸುಗಳು ಆದೂರುವರೆಗಿನ ಸಂಚಾರ ದರವನ್ನು ಪಡೆಯುತ್ತಿವೆ. ಹಾಗೂ ನಡುವಂಗಡಿಯಿಂದ ಬದಿಯಡ್ಕಕ್ಕೆ ಕನ್ನೆಪ್ಪಾಡಿಯ ದರವನ್ನು ವಸೂಲು ಮಾಡುತ್ತಿದೆ. ಬಸ್ಸಿನ ಈ ದರದಿಂದ ಪ್ರಯಾಣಿಕರಿಗೆ ಸುಮಾರು ತಲಾ 1.5ಯಿಂದ 2 ರೂಪಾಯಿಗಳಷ್ಟು ಹೆಚ್ಚುವರಿ ಹೊರೆ ಬಿದ್ದು, ತುಂಬಾ ನಷ್ಟ ಉಂಟಾಗುತ್ತಿದೆ. ಆದ್ದರಿಂದ ಈ ರಸ್ತೆಯಲ್ಲಿ ಸಂಚರಿಸುವ ಸರ್ಕಾರಿ ಬಸ್ಸಿನ ದರವೇ ಖಾಸಗಿ ಬಸ್ಸುಗಳಿಗೂ ಅನ್ವಯವಾಗುವಂತೆ ದರ ಪರಿಷ್ಕರಣೆ ಮಾಡಬೇಕೆಂದು ಸಮಿತಿ ಒತ್ತಾಯಿಸಿದೆ. <br /> <br /> ಬದಿಯಡ್ಕ, ಕುಂಬಳೆ ಮಾರ್ಗವಾಗಿ ಸುಬ್ರಹ್ಮಣ್ಯದಿಂದ ಮಂಗಳೂರಿಗೆ, ಅಡೂರು ಹಾಗೂ ದೇಲಂಪಾಡಿಯಿಂದ ಬದಿಯಡ್ಕ ಮಾರ್ಗವಾಗಿ ಮಂಗಳೂರಿಗೆ ಸರ್ಕಾರಿ ಬಸ್ ಸಂಚಾರ ಆರಂಭಿಸಬೇಕು. ಹೆದ್ದಾರಿ ರಾಷ್ಟ್ರೀಕರಣದಿಂದ ಸಂಚಾರ ಮೊಟಕುಗೊಂಡ ಬೆಳ್ಳೂರು- ಮಂಗಳೂರು ಖಾಸಗಿ ಬಸ್ಸಿನ ಬದಲಾಗಿ ಸರ್ಕಾರಿ ಬಸ್ಸನ್ನು ಆರಂಭಿಸಬೇಕು.<br /> <br /> ಮವ್ವಾರು ಸಮೀಪದ ನಡುವಂಗಡಿ ಸದಾ ಪ್ರಯಾಣಿಕರಿಂದ ಕೂಡಿದ್ದು, ಲಿಮಿಟೆಡ್ ಬಸ್ಸುಗಳ ನಿಲುಗಡೆಯನ್ನು ಘೋಷಿಸಬೇಕು, ಖಾಸಗಿ ಬಸ್ಸುಗಳ ಸಂಚಾರ ದರಗಳನ್ನು ಕೂಡಲೇ ಕಡಿಮೆ ಮಾಡಬೇಕು ಎಂದು ಸಮಿತಿಯ ಸಭೆಯಲ್ಲಿ ಒತ್ತಾಯಿಸಲಾಗಿದೆ. <br /> <br /> ಮಂಗಳವಾರ ನಡೆದ ಸಮಿತಿ ಸಭೆಯ ಅಧ್ಯಕ್ಷತೆಯನ್ನು ಪಣಿಯೆ ಸೀತಾರಾಮ ಕುಂಜತ್ತಾಯ ಚ್ಯವನ ವಹಿಸಿದ್ದರು. ಸಭೆಯಲ್ಲಿ ವಕೀಲ ಚಂದ್ರಹಾಸ ಭಟ್, ಶ್ರೀನಿವಾಸ ಭಟ್, ಪ್ರಭಾಕರ ಮಾಸ್ತರ್, ಸೀತಾರಾಮ ರೈ, ಸುನಿಲ್, ಶ್ರೀಧರ ರಾವ್, ಅನೀಶ್ ಮೊದಲಾದವರು ಇದ್ದರು. ಸಮಿತಿಯು ಬುಧವಾರ ಈ ಬಗ್ಗೆ ಲಿಖಿತ ಮನವಿಯನ್ನು ಆರ್ಟಿಒ ಸಭೆಯಲ್ಲಿ ಸಲ್ಲಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>