ಹರಪನಹಳ್ಳಿ| ಪೊಲೀಸರ ಕಂಡೊಡನೆ ಕಾರು ಇಳಿದು ಏಕಾಏಕಿ ಓಡಿಹೋದ ಅಪರಿಚಿತರ ಗುಂಪು!

ನಾಲ್ಕು ಜನರು ಕೆಎ 02 ಎಮ್‌ಎ 2656 ಸ್ಕಾರ್ಪಿಯೊ ವಾಹನದಲ್ಲಿ ಪ್ರಯಾಣಿಸುತ್ತಿದ್ದರು. ಪೊಲೀಸರನ್ನು ನೋಡಿದ ಅವರು, ದೂರದಲ್ಲಿಯೇ ವಾಹನ ನಿಲ್ಲಿಸಿ ಕೆರೆಯಂಗಳದಿಂದ ತಲೆಮರೆಸಿಕೊಂಡಿದ್ದಾರೆ. ಇದನ್ನು ಗಮನಿಸಿದ ಪೊಲೀಸರು ಅಪರಿಚಿತರನ್ನು ಬೆನ್ನತ್ತಿದರೂ ಸಿಗದೇ ಓಡಿಹೋಗಿದ್ದಾರೆ ಎನ್ನಲಾಗಿದೆ.

ನೆಲಮಂಗಲ ಕಳ್ಳತನದ ನಂಟು

ನೆಲಮಂಗಲ ಬಳಿ ಇರುವ ಎಲ್.ಜಿ. ಶೋರೂಂ ಉಗ್ರಾಣವನ್ನು ದೋಚುತ್ತಿದ್ದಾಗ ಒಬ್ಬ ಕಳ್ಳ ಸಿಕ್ಕಿಬಿದ್ದಿದ್ದಾನೆ. ಗುಂಪಿನಲ್ಲಿದ್ದ ನಾಲ್ವರು ತಮ್ಮ ಸ್ವಂತ ಸ್ಕಾರ್ಪಿಯೊ ವಾಹನ ಸಮೇತ ಪರಾರಿಯಾಗಿದ್ದರು. ಅಲ್ಲಿನ ಪೊಲೀಸರು ಪ್ರಕರಣ ದಾಖಲಿಸಿ ವಾಹನದ ನಂಬರ್ ಸಮೇತ ರಾಜ್ಯದ ಎಲ್ಲ ಠಾಣೆಗಳಿಗೂ ಮಾಹಿತಿ ನೀಡಿದ್ದರು. ಆ ಪ್ರಕರಣಕ್ಕೆ ಸಂಬಂಧಪಟ್ಟ ವಾಹನವೇ ಇರಬಹುದು ಎಂದು ಸ್ಥಳೀಯ ಪೊಲೀಸರು ಶಂಕಿಸಿದ್ದು, ನೆಲಮಂಗಲ ಪೊಲೀಸರಿಗೆ ಮಾಹಿತಿ ಕೊಟ್ಟಿದ್ದಾರೆ. ಅಲ್ಲಿನ ಪೊಲೀಸರು ಸ್ಥಳಕ್ಕೆ ಬಂದ ಬಳಿಕ ಖಚಿತ ಮಾಹಿತಿ ಲಭ್ಯವಾಗಲಿದೆ.