ಸ್ವಾಮಿನಾಥನ್‌ ವರದಿ ಜಾರಿಗೆ ಒತ್ತಾಯ

ನಗರದ ಸಂಗೊಳ್ಳಿ ರಾಯಣ್ಣ ವೃತ್ತದಲ್ಲಿ ಮಾತನಾಡಿದ ಸಂಘದ ಉತ್ತರ ಕರ್ನಾಟಕ ಘಟಕದ ಅಧ್ಯಕ್ಷ ಶಶಿಕಾಂತ ಪಡಸಲಗಿ, ‘ಎಲ್ಲ ಸರ್ಕಾರಗಳು ರೈತರಿಗೆ ಅನುಕೂಲಕರವಾದ ಯೋಜನೆಗಳನ್ನು ಜಾರಿಗೆ ತರುವಲ್ಲಿ ವಿಫಲವಾಗಿವೆ. ಹಳ್ಳಿಯ ರೈತರ ಮಕ್ಕಳ ಬೇಕು, ಬೇಡಗಳನ್ನು ಕೇಳಿಸಿಕೊಳ್ಳುತ್ತಿಲ್ಲ, ರೈತರ ಬೆಳೆಗಳಿಗೆ ಸೂಕ್ತ ಬೆಂಬಲ ಬೆಲೆ ಕೊಡುವ ಬಗ್ಗೆ ಗಂಭೀರವಾಗಿ ಚಿಂತಿಸುತ್ತಿಲ್ಲ’ ಎಂದು ಆರೋಪಿಸಿದರು.

ಹಸಿರುಶಾಲು ಹೊದ್ದು ಟ್ರಾಕ್ಟರ್‌ನಲ್ಲಿ ರಾಯಣ್ಣ ವೃತ್ತದ ತನಕ ಬಂದ ರೈತರು, ಜಿಲ್ಲೆಯ ಗ್ರಾಮೀಣ ಶಾಲೆಗಳ ಆವರಣವು ಕುಡುಕರ ತಾಣಗಳಾಗಿವೆ. ಇದರಿಂದ ವಿದ್ಯಾರ್ಥಿಗಳಿಗೆ ತೊಂದರೆಯಾಗುತ್ತಿದ್ದು, ಶಾಲೆಗೆ 300 ಮೀಟರ್‌ ಒಳಗೆ ಯಾವುದೇ ಅಂಗಡಿ ತೆರೆಯಲು ಅವಕಾಶ ಕೊಡಬಾರದು. ಬೈರಿದೇವರಕೊಪ್ಪ ಬೈ ಪಾಸ್‌ನಲ್ಲಿ ಮೇಲ್ಸೆತುವ ನಿರ್ಮಾಣ ಮಾಡಬೇಕು, ಶೆರೆವಾಡ–ಕುಂದಗೋಳ ಮಾರ್ಗದಲ್ಲಿ ಬರುವ ಟೋಲ್‌ ಗೇಟ್‌ ಬಂದ್ ಮಾಡಬೇಕು ಮತ್ತು ಪ್ರಧಾನ ಮಂತ್ರಿ ಕಿಸಾನ್‌ ಸಮ್ಮಾನ್‌ ಯೋಜನೆಯ ಹಣ ಮಂಜೂರಾಗಿದ್ದರೂ ಫಲಾನುಭವಿಗಳ ಖಾತೆಗೆ ಜಮೆ ಆಗಿರುವುದಿಲ್ಲ. ಈ ನಿಟ್ಟಿನಲ್ಲಿ ಅಧಿಕಾರಿಗಳು ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿದರು.