ದಾವಣಗೆರೆ: ಡಿಜೆ, ನೃತ್ಯಕ್ಕೆ ಬ್ರೇಕ್- ಬಣ್ಣದಾಟಕ್ಕೆ ಸೀಮಿತವಾದ ಹೋಳಿ

ದಾವಣಗೆರೆ: ಕೋವಿಡ್ ಎರಡನೇ ಅಲೆಯಿಂದಾಗಿ ಸಾರ್ವಜನಿಕ ಹೋಳಿಗೆ ಜಿಲ್ಲಾಡಳಿತ ಅವಕಾಶ ನೀಡದ ಕಾರಣ ಈ ಬಾರಿ ಹೋಳಿ ಸಂಭ್ರಮ ಮನೆಗಳು ಹಾಗೂ ರಸ್ತೆಗಳಿಗೆ ಮಾತ್ರ ಸೀಮಿತವಾಗಿತ್ತು.

. ಪಿಚಕಾರಿ, ಮೊಟ್ಟೆ ಹಾಗೂ ಬಣ್ಣಗಳನ್ನು ಖರೀದಿಸಿ ಇಟ್ಟುಕೊಂಡಿದ್ದ ಮಕ್ಕಳು ಪರಸ್ಪರ ಬಣ್ಣ ಎರಚಿಕೊಂಡು ಖುಷಿಯಿಂದ ಹೋಳಿ ಆಚರಿಸಿದರು. ಮನೆಯ ಮುಂಭಾಗ ಸ್ನೇಹಿತರು ಹಾಗೂ ಕುಟುಂಬದ ಸದಸ್ಯರಿಗೆ ಬಣ್ಣದ ನೀರನ್ನು ಎರಚಿ ಸಂಭ್ರಮಿಸಿದರು.

. ಯುವಕ–ಯುವತಿಯರು ಕಣ್ಣಿಗೊಂದು ಕೂಲಿಂಗ್ ಗ್ಲಾಸ್, ಬಾಯಲ್ಲಿ ಪೀಪಿ ಊದುತ್ತಾ ವಿವಿಧ ಬಡಾವಣೆಗಳ ಯುವಕರು ತ್ರಿಬಲ್ ರೈಡಿಂಗ್ನಲ್ಲಿ ರಸ್ತೆ ಹಾಗೂ ಗಲ್ಲಿಗಳಲ್ಲಿ ಸ್ನೇಹಿತರಿಗೆ ಬಣ್ಣ ಹಚ್ಚುತ್ತಾ ಬೈಕ್ಗಳಲ್ಲಿ ಸಂಚರಿಸಿದರು. ಡಿಜೆಗೆ ಅವಕಾಶವಿಲ್ಲದ ಕಾರಣ ತಮಟೆ ಸದ್ದಿನಲ್ಲೇ ಯುವಕ–ಯುವಕರು ಕುಣಿದರು.

. ಓಕುಳಿಯಾಟವಾಡಿ ತಮ್ಮ ಕುಟುಂಬ, ಸ್ನೇಹಿತರ ಜತೆ ವಿವಿಧ ಭಂಗಿಯಲ್ಲಿ ಸೆಲ್ಫಿ ಕ್ಲಿಕ್ಕಿಸಿಕೊಂಡು ಅದನ್ನು ವಾಟ್ಸ್ಆ್ಯಪ್, ಫೇಸ್ಬುಕ್ಗಳಲ್ಲಿ ಹಾಕಿ ಲೈಕ್ ಪಡೆದುಕೊಂಡರು.

. ರಾಮ್ ಅಂಡ್ ಕೊ ವೃತ್ತದಲ್ಲಿ ಇಲ್ಲದ ಸಂಭ್ರಮ: ಪ್ರತಿ ವರ್ಷ ಹೋಳಿ ಹಬ್ಬದ ದಿವಸ ರಾಮ್ ಅಂಡ್ ಕೊ ವೃತ್ತದಲ್ಲಿ ಸಂಭ್ರಮ ಮನೆ ಮಾಡುತ್ತಿತ್ತು. ಆದರೆ ಈ ವರ್ಷ ಹೋಳಿ ಆಟ ಆಡುವವರು ಇಲ್ಲದೇ ಬಣಗುಡುತ್ತಿತ್ತು. ಡಿಜೆ ಸೌಂಡ್ ಅಬ್ಬರ, ಹಾಡು, ನರ್ತನಗಳ ಮೂಲಕ ಹೋಳಿ ಆಡುತ್ತಿದ್ದ ಯುವಮನಸ್ಸುಗಳಿಗೆ ಈ ಬಾರಿ ನಿರಾಶೆಯಾಯಿತು.

. ‘ರಾಜಕೀಯ ಸಮಾರಂಭಗಳಿಗೆ ಇಲ್ಲದ ನಿರ್ಬಂಧ ನಮಗೇಕೆ’ ಎಂದು ಹಲವು ಮಂದಿ ಅಸಮಾಧಾನ ವ್ಯಕ್ತಪಡಿಸಿದರು.

. ಬಿಗಿ ಬಂದೋಬಸ್ತ್: ರಾಮ್ ಅಂಡ್ ಕೊ ವೃತ್ತ ಸೇರಿ ನಗರದ ವಿವಿಧೆಡೆ ಪೊಲೀಸ್ ಬಂದೋಬಸ್ತ್ ಕಲ್ಪಿಸಲಾಗಿತ್ತು. ಈ ನಡುವೆಯೂ ಕೆಲವು ಯುವಕರು ರ್ಯಾಶ್ ಡ್ರೈವಿಂಗ್ ಮಾಡುತ್ತಿದ್ದುದು ಕಂಡು ಬಂತು.

. ಹರ್ಬಲ್ ಹೋಳಿ: ಎಸ್.ಎಸ್. ಲೇಔಟ್ ಕುಂದವಾಡ ಕೆರೆ ರಸ್ತೆಯ ಬಳಿ ಶಾರದಾಂಬ ಸ್ನೇಹಿತರ ಬಳಗದ ಸದಸ್ಯೆಯರು ಕುಟುಂಬದ ಸದಸ್ಯರ ಜೊತೆ ಬಣ್ಣಗಳನ್ನು ಬಳಸದೇ ವಿಶಿಷ್ಟವಾಗಿ ಹರ್ಬಲ್ ಹೋಳಿ ಆಚರಿಸಿದರು.

. ತರಕಾರಿ, ಹಣ್ಣು, ಸೊಪ್ಪುಗಳಿಂದ ಪೇಸ್ಟ್ ತಯಾರಿಸಿ ಅವುಗಳನ್ನು ಮುಖಕ್ಕೆ ಬಳಿದುಕೊಂಡು ಸಂಭ್ರಮಿಸಿದರು. ಟೊಮೆಟೊ, ಕ್ಯಾರೆಟ್, ಬೀಟ್ರೂಟ್, ಸೌತೇಕಾಯಿಗಳೇ ಬಣ್ಣಗಳನ್ನು ಬಿಂಬಿಸಿದವು.

. ಪ್ರತಿ ಬಾರಿ ಸ್ನೇಹಿತೆಯರ ಜೊತೆಗೂಡಿ ಆಚರಿಸುತ್ತಿದ್ದರು. ಕೊರೊನಾ ಕಾರಣದಿಂದ ಕುಟುಂಬದ ಸದಸ್ಯರಿಗಷ್ಟೇ ಸೀಮಿತಗೊಳಿಸಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಾವಣಗೆರೆ: ಡಿಜೆ, ನೃತ್ಯಕ್ಕೆ ಬ್ರೇಕ್- ಬಣ್ಣದಾಟಕ್ಕೆ ಸೀಮಿತವಾದ ಹೋಳಿ

ಚಿನಕುರುಳಿ | ಸೋಮವಾರ, 23 ಫೆಬ್ರುವರಿ ‌2026

ಚಿನಕುರುಳಿ: ಭಾನುವಾರ 22 ಫೆಬ್ರುವರಿ 2026

ರಾಕ್ಷಸನಂತೆ ನೀರು ಕುಡಿಯುತ್ತಿರುವ ಗೂಗಲ್ ಡೇಟಾ ಸೆಂಟರ್‌ಗಳು..

ಚುರುಮುರಿ: ನಾಯಿಪಾಡು

ದ.ಆಫ್ರಿಕಾ ವಿರುದ್ಧ ಭಾರತಕ್ಕೆ ಸೋಲು; ತಂಡದ ನಿರ್ಧಾರಕ್ಕೆ ಅಶ್ವಿನ್ ಆಕ್ರೋಶ

T20 World Cup| ಅಹಂಕಾರ ಬಿಟ್ಟು ಆಟವಾಡಿ: ಟೀಂ ಇಂಡಿಯಾಕ್ಕೆ ಗವಾಸ್ಕರ್ ಸಲಹೆ

T20 World Cup| ನಮ್ಮ ಸೋಲಿಗೆ ಆ ವಿಭಾಗದ ವೈಫಲ್ಯವೇ ಕಾರಣ: ನಾಯಕ ಸೂರ್ಯಕುಮಾರ್

ಹುಬ್ಬಳ್ಳಿಯಲ್ಲಿ ರಣಜಿ ಟ್ರೋಫಿ ಫೈನಲ್‌ ಪಂದ್ಯ: ಟಿಕೆಟ್‌ ದರ ಎಷ್ಟು ಗೊತ್ತಾ?

ಒಳನೋಟ | ಕಾಣದ ಕೈ: ಕಾಡುವ ಡ್ರಗ್ಸ್‌

ಒಳನೋಟ: ಕಿನ್ನಾಳ ಕಲೆಗೀಗ ಯುವೋತ್ಸಾಹ

ಒಳನೋಟ: ಅನಿಶ್ಚಿತತೆ ನಡುವೆ ದಾಖಲೆಯ ಗಳಿಕೆ

ಒಳನೋಟ: ಚಿನ್ನ, ಬೆಳ್ಳಿ ಬೆಲೆ ಏರಿಳಿತ; ಅಕ್ಕಸಾಲಿಗರ ಹೊಟ್ಟೆಗೆ ಬರೆ

ಚಿನಕುರುಳಿ | ಸೋಮವಾರ, 23 ಫೆಬ್ರುವರಿ ‌2026

ಚಿನಕುರುಳಿ: ಭಾನುವಾರ 22 ಫೆಬ್ರುವರಿ 2026

ರಾಕ್ಷಸನಂತೆ ನೀರು ಕುಡಿಯುತ್ತಿರುವ ಗೂಗಲ್ ಡೇಟಾ ಸೆಂಟರ್‌ಗಳು..

ಚುರುಮುರಿ: ನಾಯಿಪಾಡು