ಶುಕ್ರವಾರ ಪತ್ರಿಕಾಗೋಷ್ಠಿಯಲ್ಲಿ ಈ ಬಗ್ಗೆ ಮಾಹಿತಿ ನೀಡಿದ ದಾವಣಗೆರೆ ಪೆಟ್‌ ಲವರ್ಸ್‌ ಅಸೋಸಿಯೇಷನ್‌ನ ಸಚಿನ್‌, ‘ವಿವಿಧ ತಳಿಗಳ 350ಕ್ಕೂ ಹೆಚ್ಚು ಶ್ವಾನಗಳು ಪ್ರದರ್ಶನದಲ್ಲಿ ಪಾಲ್ಗೊಳ್ಳಲಿವೆ. ಶ್ವಾನ ಪ್ರದರ್ಶನದಲ್ಲಿ ಪ್ರಥಮ ಬಹುಮಾನ ₹ 15 ಸಾವಿರ, ದ್ವಿತೀಯ ಬಹುಮಾನ ₹ 10 ಸಾವಿರ, ತೃತೀಯ ಬಹುಮಾನ ₹ 7,500 ನೀಡಲಾಗುತ್ತದೆ. ನಾಲ್ಕರಿಂದ ಎಂಟನೇ ಸ್ಥಾನದವರೆಗೂ ನಗದು ಬಹುಮಾನ ನೀಡಲಾಗುತ್ತದೆ. ಪಪ್ಪಿಗಳ ವಿಭಾಗದಲ್ಲಿ ₹ 5,000 ಮೊದಲ ಬಹುಮಾನ, ₹ 3,000 ದ್ವಿತೀಯ ಬಹುಮಾನ, ₹ 2,000 ತೃತೀಯ ಬಹುಮಾನ ಕೊಡಲಾಗುತ್ತದೆ. ಭಾರತೀಯ ತಳಿಗೆ ₹ 3,000 ಹಾಗೂ ಮಿಶ್ರತಳಿ ವಿಭಾಗದಲ್ಲಿ ಮೊದಲ ಬಹುಮಾನ ₹ 1,000 ನೀಡಲಾಗುತ್ತದೆ. ಬೆಕ್ಕಿನ ವಿಭಾಗದಲ್ಲಿ ₹ 3 ಸಾವಿರ, ₹ 2 ಸಾವಿರ ಹಾಗೂ ₹ 1,000 ಅನ್ನು ಕ್ರಮವಾಗಿ ಮೊದಲ ಬಹುಮಾನ ನೀಡಲಾಗುವುದು’ ಎಂದು ತಿಳಿಸಿದರು.
