ಇಲ್ಲಿನ ಶಕ್ತಿನಗರದ ಗೌತಮ್ ಎಂಬುವವರೇ ಮೋಸ ಹೋದವರು. ಅಪರಿಚಿತ ವ್ಯಕ್ತಿಯು ಗೌತಮ್ ಅವರಿಗೆ ಒಂದು ಲಿಂಕ್ ಹಾಗೂ ಐಡಿಯನ್ನು ಕಳುಹಿಸಿ ಅದಕ್ಕೆ ಹಣ ಹಾಕುವಂತೆ ಸೂಚಿಸಿದ. ಆ ಬಳಿಕ ಹಣ ಹಾಕುತ್ತಿದ್ದಂತೆ ಅದಕ್ಕೆ ಲಾಭಾಂಶ ತೋರಿಸಿತು. ಇದನ್ನು ನಂಬಿದ ಗೌತಮ್ ಅಪರಿಚಿತ ವ್ಯಕ್ತಿ ಹೇಳಿದಂತೆ ಒಟ್ಟು ₹15 ಲಕ್ಷದಷ್ಟು ಹಣವನ್ನು ಆತನ ಖಾತೆಗೆ ಜಮಾ ಮಾಡಿದ್ದಾರೆ. ಆದರೆ ಹಣವನ್ನು ವಾಪಸ್ ಕೊಡಲು ಹೇಳಿದಾಗ, ಶೇ 40ರಷ್ಟು ಹಣ (₹ 7ಲಕ್ಷ) ಹಣ ಹಾಕಿದರೆ ಲಿಂಕ್ ತೆಗೆಯುತ್ತೇವೆ ಎಂದಾಗ ಮೋಸ ಮಾಡಿರುವುದು ಗೊತ್ತಾಗಿದೆ. ಸಿಇಎನ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
