ದಾವಣಗೆರೆ: ತಾಲ್ಲೂಕಿನ ಆನಗೋಡು ಹೋಬಳಿಯ ಹೆಬ್ಬಾಳು ಗ್ರಾಮ ಪಂಚಾಯಿತಿಯಲ್ಲಿ ಮತಗಟ್ಟೆ ಸಂಖ್ಯೆ ಅದಲು ಬದಲಾಗಿ ಗೊಂದಲ ಉಂಟಾಗಿತ್ತು. ಹಾಗಾಗಿ ಮತದಾನವನ್ನು ಮುಂದೂಡಲಾಗಿದೆ.
ಹೆಬ್ಬಾಳು-1 ಮತ್ತು 2 ವಾರ್ಡ್ಗಳ ಆರು ಕ್ಷೇತ್ರಗಳಿಗೆ ಹನ್ನರೆಡು ಮಂದಿ ಸ್ಪರ್ಧಿಸಿದ್ದರು. ಈ 12 ಮಂದಿ ಪ್ರಚಾರ ಮಾಡಿದ್ದು, ಒಂದು ಕಡೆ ಮತಪಟ್ಟಿ ಇನ್ನೊಂದು ಕಡೆಯದ್ದಿರೋದು ಸೋಮವಾರ ರಾತ್ರಿ ಗೊತ್ತಾಗಿದೆ. ಅವರು ಸರಿಪಡಿಸಲು ಚುನಾವಣಾಧಿಕಾರಿಗೆ ಮನವಿ ಸಲ್ಲಿಸಿದರು.
ವಿಧಾನಸಭಾ ಚುನಾವಣೆಯ ಪಟ್ಟಿ ಇಟ್ಟುಕೊಂಡು ಪ್ರಚಾರ ಮಾಡಿದ್ದರಿಂದ ಗೊಂದಲವಾಗಿದೆ. ಎಲ್ಲವನ್ನು ಪರಿಗಣಿಸಿ, ದಾಖಲೆಗಳನ್ನು ಪರಿಶೀಲಿಸಿ ಜಿಲ್ಲಾಧಿಕಾರಿಗೆ ವರದಿ ಸಲ್ಲಿಸುತ್ತೇವೆ. ಅವರು ಯಾವಾಗ ಚುನಾವಣೆ ನಡೆಸಬೇಕು ಎಂದು ನಿರ್ಧಾರ ಕೈಗೊಳ್ಳುತ್ತಾರೆ ಎಂದು ಉಪ ವಿಭಾಗಾಧಿಕಾರಿ ಮಮತಾ ಹೊಸಗೌಡರ್ ತಿಳಿಸಿದರು.