ಹಿರಿಯೂರಿನ ಮೇರಿ ರಸ್ತೆ: ದಶಕದ ಕನಸು–ನನಸು

ಅಸಂಷನ್ ಚರ್ಚ್‌ಗೆ ಹೊಂದಿಕೊಂಡಿರುವ ಮೇರಿ ರಸ್ತೆ ನಗರದ ಅತ್ಯಂತ ಹಳೆಯ ಬಡಾವಣೆಗಳಲ್ಲಿ ಒಂದಾಗಿದ್ದು, ಬಹುತೇಕ ಕೂಲಿ ಕೆಲಸದವರೇ ಇಲ್ಲಿದ್ದಾರೆ. ಇದೇ ರಸ್ತೆ ವ್ಯಾಪ್ತಿಯಿಂದ ಪುರಸಭೆಗೆ ಇಬ್ಬರು ಸದಸ್ಯರಾಗಿ ಆಯ್ಕೆಯಾಗಿದ್ದರೂ ಚರಂಡಿ ಹಾಗೂ ರಸ್ತೆ ನಿರ್ಮಾಣಗೊಂಡಿರಲಿಲ್ಲ. ಈಗ ನಗರಸಭೆ ನಿಧಿಯಿಂದ ₹ 17 ಲಕ್ಷ ವೆಚ್ಚದಲ್ಲಿ 160 ಮೀ. ಉದ್ದದ ರಸ್ತೆ, ರಸ್ತೆಯ ಎರಡೂ ಬದಿಗೆ ಬಾಕ್ಸ್ ಚರಂಡಿ ನಿರ್ಮಿಸಲಾಗಿದೆ.

ಅಂತಿಮ ಹಂತದ ಕಾಮಗಾರಿಯ ಪ್ರಗತಿಯನ್ನು ವಾರ್ಡ್ ಸದಸ್ಯ ಜಿ. ಪ್ರೇಮ್ ಕುಮಾರ್ ಶುಕ್ರವಾರ ಪರಿಶೀಲಿಸಿದ ನಂತರ, ‘ಇಲ್ಲಿನ ನಿವಾಸಿಗಳಿಗೆ ಪ್ರತ್ಯೇಕ ಕುಡಿಯುವ ನೀರಿನ ಪೈಪ್‌ಲೈನ್ ಹಾಗೂ ಗುಣಮಟ್ಟದ ರಸ್ತೆ ಮಾಡಿಕೊಡಲಾಗಿದೆ. ರಸ್ತೆ ಹಾಳಾಗದಂತೆ ಜನರು ಎಚ್ಚರ ವಹಿಸಬೇಕು. ನೆಲಕ್ಕೆ ಹೊದಿಸಿರುವ ಟೈಲ್ಸ್‌ಗಳನ್ನು ಜೋಪಾನವಾಗಿ ನೋಡಿಕೊಳ್ಳಬೇಕು’ ಎಂದು ಮನವಿ ಮಾಡಿದರು.

ವಾರ್ಡ್‌ನ ನಿವಾಸಿಗಳಾದ ಸಮಾಜ ಸೇವಕಿ ಶಶಿಕಲಾ ರವಿಶಂಕರ್, ಹಿರಿಯ ವಕೀಲ ಮಂಜುನಾಥ್ ಉಪಸ್ಥಿತರಿದ್ದರು.