ಹರಿಹರ: ನಗರದ ವೈದ್ಯ ಡಾ.ಸಚಿನ್ ಬೊಂಗಾಳೆ ಅವರ ಮನೆಯಲ್ಲಿ ಕಳ್ಳರು ₹ 22.75 ಲಕ್ಷ ಮೌಲ್ಯದ ನಗದು, ಚಿನ್ನಾಭರಣ ದೋಚಿದ್ದಾರೆ.
ಆ.11ರಂದು ಬೆಳಗಾವಿಗೆ ಹೋಗಿದ್ದ ಕುಟುಂಬ ಸದಸ್ಯರು ಆ.13 ರಂದು ರಾತ್ರಿ ವಾಪಸಾದಾಗ ಕಳ್ಳತನ ಬಯಲಾಗಿದೆ. ನಗರ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
ಹಿರಿಯ ಪೊಲೀಸ್ ಅಧಿಕಾರಿಗಳು, ಶ್ವಾನ ದಳ ಮತ್ತು ಬೆರಳಚ್ಚು ತಜ್ಞರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಹೆಚ್ಚು ಮನೆಗಳಿರುವ ಜೆ.ಸಿ. ಬಡಾವಣೆಯಲ್ಲಿ ನಡೆದ ಈ ಘಟನೆಯಿಂದ ಜನ ಭಯಭೀತರಾಗಿದ್ದಾರೆ.
