ಜಗಳೂರು ತಾಲ್ಲೂಕಿನ ಕೊಣಚಿಕಲ್‌ ಗುಡ್ಡದಲ್ಲಿ ಗುರುವಾರ ಅವರು ಸುದ್ದಿಗಾರರ ಜತೆಗೆ ಮಾತನಾಡಿ, ‘ರಾಜ್ಯದಲ್ಲಿ ಈಗಾಗಲೇ 6000 ಸರ್ಕಾರಿ ಶಾಲೆಗಳನ್ನು ಮುಚ್ಚಲಾಗಿದೆ. ಇಂಗ್ಲಿಷ್‌ ಮೇಲೆ ಪೋಷಕರಿಗೆ ಇರುವ ಪ್ರೀತಿಯಿಂದ ಹಾಗೂ ಶಿಕ್ಷಣ ವ್ಯಾಪಾರೀಕರಣದಿಂದ ಹೀಗಾಗಿದೆ. ಕನ್ನಡ ಮಾಧ್ಯಮದಲ್ಲಿ ಓದಿ ಸಾಧನೆ ಮಾಡಿದ ಬಹಳಷ್ಟು ಮಂದಿ ಇದ್ದರೂ ಇಂಗ್ಲಿಷ್‌ ಓದಿದರಷ್ಟೇ ಏನಾದರೂ ಮಾಡಬಹುದು ಎಂಬ ಚಿಂತನೆ ಪೋಷಕರದ್ದಾಗಿದೆ. ಸರ್ಕಾರಿ ಶಾಲೆಗಳಲ್ಲಿ ಇಂಗ್ಲಿಷ್‌ ಮಾಧ್ಯಮ ತೆರೆದಾಗ ಪೊಷಕರೂ ತಮ್ಮ ಮಕ್ಕಳನ್ನು ಸೇರಿಸುತ್ತಾರೆ. ಜತೆಗೆ ಶಿಕ್ಷಣ ವ್ಯಾಪಾರೀಕರಣಕ್ಕೂ ಕಡಿವಾಣ ಬೀಳುತ್ತದೆ’ ಎಂದು ವಿವರಿಸಿದರು.
