ವಾರ್ಷಿಕ ₹ 1,500 ಭದ್ರತಾ ಠೇವಣಿ ಹಾಗೂ ಮಾಸಿಕ ₹ 1,400 ಬಾಡಿಗೆ ಆಧಾರದಲ್ಲಿ ಚಾವಣಿ ಹಾಗೂ ಭದ್ರತಾ ವ್ಯವಸ್ಥೆ ನಿರ್ಮಿಸಿಕೊಳ್ಳುವ ಕರಾರಿನ ಮೇಲೆ 2017ರಲ್ಲಿ ಖುರ್ಷಿದ್ ಬೇಗ್ ಎಂಬುವರಿಗೆ ವಾಹನ ನಿಲುಗಡೆ ಟೆಂಡರ್ ನೀಡಲಾಗಿತ್ತು. ಗುತ್ತಿಗೆದಾರರು 5 ತಿಂಗಳುಗಳಿಂದ ಮಾಸಿಕ ಬಾಡಿಗೆ ಪಾವತಿಸದೇ ನಿಲುಗಡೆ ಶುಲ್ಕ ಸಂಗ್ರಹಿಸುತ್ತಿದ್ದಾರೆ. ಅಧಿಕಾರಿಗಳು ಯಾವುದೇ ಕ್ರಮ ಕೈಗೊಳ್ಳದಿರುವುದು ಅವರೂ ಇದರಲ್ಲಿ ಶಾಮೀಲಾಗಿರಬಹುದು ಎಂಬ ಅನುಮಾನ ಮೂಡಿಸಿದೆ ಎಂದು ಅವರು ಆರೋಪಿಸುತ್ತಾರೆ.