ಮಲೇಬೆನ್ನೂರು| ಭತ್ತದ ಒಣಹುಲ್ಲಿಗೆ ಬೇಡಿಕೆ ಸೃಷ್ಟಿಸಿದ ಮಳೆ

ಮಲೇಬೆನ್ನೂರು: ಮುಂಗಾರಿಗೂ ಮುನ್ನ ಅಧಿಕ ಮಳೆ ಸುರಿಯುತ್ತಿರುವ ಕಾರಣ, ಒಣ ಹುಲ್ಲಿಗೆ ಹೆಚ್ಚಿನ ಬೇಡಿಕೆ ಸೃಷ್ಟಿಯಾಗಿದೆ.

. ಕೃಷಿಕರು ಬೇಸಿಗೆ ಹಂಗಾಮಿನನಲ್ಲಿ ಭತ್ತದ ಕಟಾವಿನ ನಂತರ ಚೆನ್ನಾಗಿ ಒಣಗಿದ ಹುಲ್ಲನ್ನು ಬಣವೆ ಹಾಕಿ ಸಂಗ್ರಹಿಸುವುದು ವಾಡಿಕೆ. ಒಣ ಹುಲ್ಲು ವರ್ಷಪೂರ್ತಿ ಹಸು, ಎಮ್ಮೆ ಕರುಗಳ ಜೀವನಾಧಾರ.

. ಈ ಬಾರಿ ಭತ್ತದ ಒಕ್ಕಲು ಆರಂಭವಾದಾಗಿನಿಂದ ಎಡೆಬಿಡದೆ ಮಳೆ ಸುರಿಯುತ್ತಿದೆ. ಭತ್ತದ ಗದ್ದೆಗಳಲ್ಲಿ ಬೆಳೆ ಚಾಪೆ ಹಾಸಿದ್ದು, ತೇವಾಂಶ ಹೆಚ್ಚಾಗಿದೆ. ಮಳೆಗೆ ಸಿಲುಕಿ ತೊಯ್ದು ತೊಪ್ಪೆಯಾಗುತ್ತಿದೆ. ಹಸಿ ಹುಲ್ಲನ್ನು ಬೇಲ್ ಯಂತ್ರ ಬಳಸಿ ಕಟ್ಟಲು ಮತ್ತು ಬಣವೆ ಹಾಕಲು ಆಗುತ್ತಿಲ್ಲ.

. ಕೆಲವೆಡೆ ಈಗಾಗಲೇ ಒಣಗಿರುವ ಹುಲ್ಲಿನ ಸಂಗ್ರಹಣೆ, ಕಟ್ಟು ಕಟ್ಟುವ ಕಾರ್ಯ ಭರದಿಂದ ಸಾಗಿದೆ. ಒಂದು ಕಟ್ಟಿಗೆ ₹200 ಇದ್ದು, 1 ಎಕರೆಯಿಂದ ದೊರೆಯುವ ಹುಲ್ಲಿಗೆ ಅಂದಾಜು ₹4,000 ಧಾರಣೆ ಇದೆ. ಟ್ರ್ಯಾಕ್ಟರ್ ಬಾಡಿಗೆ, ಕಾರ್ಮಿಕರ ಕೂಲಿ ಪ್ರತ್ಯೇಕ.

. ಸುತ್ತಮುತ್ತಲ ಪ್ರದೇಶಗಳಾದ ರಾಣೆಬೆನ್ನೂರು, ಹಾವೇರಿ, ರಟ್ಟಿಹಳ್ಳಿ ಹಾಗೂ ಸ್ಥಳೀಯವಾಗಿಯೂ ಬೇಡಿಕೆ ಹೆಚ್ಚಿದೆ ಎಂದು ರೈತರಾದ ಹೊಸಳ್ಳಿ ಕರಿಬಸಪ್ಪ, ಕುಂಬಳೂರು ಹನುಮಂತು, ನಿಟ್ಟೂರು ಬಸವರಾಜಪ್ಪ ಮಾಹಿತಿ ನೀಡಿದರು.

. ಭತ್ತದ ಧಾರಣೆ ಕುಸಿದಾಗ ಒಣ ಹುಲ್ಲಿಗೆ ಬೇಡಿಕೆ ಹೆಚ್ಚಾಗಿರುವುದು ವಿಶೇಷ. ಜಾನುವಾರುಗಳಿಗೆ ಹುಲ್ಲು ಬೇಕಾಗಿದ್ದು, ಬೆಲೆ ಅಧಿಕವಾದರೂ ಕೊಳ್ಳಲೇ ಬೇಕಾಗಿದೆ ಎಂದು ರಟ್ಟಿಹಳ್ಳಿ ತಾಲ್ಲೂಕು ಕುಡುಪಲಿ ಗ್ರಾಮದ ರೈತ ಸೋಮಶೇಖರ ಹೇಳಿದರು.

. ರೈತರು ಜಾಗರೂಕತೆಯಿಂದ ಹುಲ್ಲನ್ನು ಸಾಗಿಸಬೇಕು. ವಿದ್ಯುತ್ ಮಾರ್ಗ ಇರುವೆಡೆ ಟ್ರ್ಯಾಕ್ಟರ್ ಮೇಲೆ ಕುಳಿತುಕೊಳ್ಳಬಾರದು. ವೇಗವಾಗಿ ಚಾಲನೆ ಮಾಡುವುದು ಅಪಾಯಕಾರಿ. ಅಕ್ಕಪಕ್ಕದ ಸಂಚರಿಸುವ ವಾಹನಗಳಿಗೆ ಬದು ನೀಡುವಾಗ ಜಾಗ್ರತೆ ವಹಿಸಬೇಕು ಎಂದು ಪೊಲೀಸರು ಸೂಚನೆ ನೀಡಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಲೇಬೆನ್ನೂರು| ಭತ್ತದ ಒಣಹುಲ್ಲಿಗೆ ಬೇಡಿಕೆ ಸೃಷ್ಟಿಸಿದ ಮಳೆ

ಚಿನಕುರುಳಿ Cartoon: 30 ಜುಲೈ 2025

ಚುರುಮುರಿ: ಗೊಬ್ಬರದ ಗೋಳು

ಆಕಾಶದ ಚಿನ್ನದ ತೊಟ್ಟಿಲಲ್ಲಿ ಕಾಳಿಂಗ ಸರ್ಪ ಮಲಗಿತಲೇ ಎಚ್ಚರ; ಕಾರ್ಣಿಕ ನುಡಿ

ಧರ್ಮಸ್ಥಳ ಪ್ರಕರಣ: ದಟ್ಟ ಕಾನನದೊಳಗೆ ಎರಡನೇ ಜಾಗದಲ್ಲಿ ಉತ್ಖನನ ಆರಂಭ

U‍19 ರಾಜ್ಯ ಬ್ಯಾಡ್ಮಿಂಟನ್: ಪ್ರಿ ಕ್ವಾರ್ಟರ್ ಫೈನಲ್‌ಗೆ ಅಭಿನವ್‌, ಅಶ್ವತಿ, ದಿಯಾ

ಸೆಂಟ್ರಲ್‌ ಏಷ್ಯಾ ನೇಷನ್ಸ್ ಕಪ್‌ ಟೂರ್ನಿಗೆ ಭಾರತ

World Swimming Championships | 200 ಮೀ. ಮೆಡ್ಲೆ: ಮಕ್ಷಾನ್ ವಿಶ್ವ ದಾಖಲೆ

ಬೆಂಗಳೂರಿನಲ್ಲಿ ರಾಷ್ಟ್ರೀಯ ಸಬ್‌ ಜೂನಿಯರ್ ಈಜು: 800ಕ್ಕೂ ಹೆಚ್ಚು ಮಂದಿ ಭಾಗಿ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಚಿನಕುರುಳಿ Cartoon: 30 ಜುಲೈ 2025

ಚುರುಮುರಿ: ಗೊಬ್ಬರದ ಗೋಳು

ಆಕಾಶದ ಚಿನ್ನದ ತೊಟ್ಟಿಲಲ್ಲಿ ಕಾಳಿಂಗ ಸರ್ಪ ಮಲಗಿತಲೇ ಎಚ್ಚರ; ಕಾರ್ಣಿಕ ನುಡಿ

ಧರ್ಮಸ್ಥಳ ಪ್ರಕರಣ: ದಟ್ಟ ಕಾನನದೊಳಗೆ ಎರಡನೇ ಜಾಗದಲ್ಲಿ ಉತ್ಖನನ ಆರಂಭ