ಈ ಹಳ್ಳ ನೆರೆಯ ಚಿತ್ರದುರ್ಗ ಜಿಲ್ಲೆ ಹೊಳಲ್ಕೆರೆ ತಾಲ್ಲೂಕಿನ ಮಲ್ಲಾಡಿಹಳ್ಳಿ ಗ್ರಾಮದ ಕಡೆಯಿಂದ ಹರಿದು ಬರುತ್ತದೆ. ಈ ಭಾಗದಲ್ಲಿ ಶುಕ್ರವಾರ ರಾತ್ರಿ ಉತ್ತಮ ಮಳೆಯಾಗಿರುವುದರಿಂದ ಹಿರೇಹಳ್ಳ ತುಂಬಿದೆ. ವರ್ಷದಲ್ಲಿ ಈ ಹಿರೇಹಳ್ಳ ತುಂಬಿ ಹರಿದರೆ ತಾಲ್ಲೂಕಿನ ಹೊನ್ನೇಮರದಹಳ್ಳಿ, ಲಕ್ಷ್ಮೀಸಾಗರ, ಕೊರಟಿಕೆರೆ, ಹಿರೇಗಂಗುರು, ಚಿಕ್ಕಗಂಗೂರು, ಬೊಮ್ಮೇನಹಳ್ಳಿ, ನುಗ್ಗಿಹಳ್ಳಿ, ಬುಳುಸಾಗರ ಮುಂತಾದ ಗ್ರಾಮಗಳ ಕೊಳವೆಬಾವಿಗಳಲ್ಲಿ ಗಣನೀಯ ಪ್ರಮಾಣದಲ್ಲಿ ಅಂತರ್ಜಲ ಮಟ್ಟ ಹೆಚ್ಚಳವಾಗುತ್ತದೆ. ಈ ಕಾರಣದಿಂದ ಈ ಭಾಗದ ರೈತರಲ್ಲಿ ಸಂತಸ ಮನೆ ಮಾಡಿದೆ.
