ಹುಬ್ಬಳ್ಳಿ–ಧಾರವಾಡ | ವಾಹನ ದಟ್ಟಣೆ ತಪ್ಪಿಸಿ; ನೀರು ನೀಡಿ

ಹುಬ್ಬಳ್ಳಿ : ಸೆಕೆಂಡ್ ಹ್ಯಾಂಡ್ ಬೈಕ್ಗಳ ಮಾರಾಟಕ್ಕೆ ಹೆಸರಾದ ಡಾಕಪ್ಪ ಸರ್ಕಲ್ ಮತ್ತು ವಿವಿಧ ಮಾರುಕಟ್ಟೆ ಪ್ರದೇಶಗಳನ್ನು ಒಳಗೊಂಡ ಹುಬ್ಬಳ್ಳಿ –ಧಾರವಾಡ ಮಹಾನಗರ ಪಾಲಿಕೆಯ 66ನೇ ವಾರ್ಡ್ನಲ್ಲಿ ಬಹುತೇಕ ಕಡೆ ಕಿರಿದಾದ ರಸ್ತೆಗಳಿವೆ.

. ಮಾರುಕಟ್ಟೆ ಪ್ರದೇಶವಾದ್ದರಿಂದ ಸದಾ ವಾಹನ, ಜನ ದಟ್ಟಣೆ ಇರುತ್ತದೆ. ವಾಹನ ನಿಲುಗಡೆಗೆ ಸೂಕ್ತ ವ್ಯವಸ್ಥೆ ಇಲ್ಲದ ಕಾರಣ ರಸ್ತೆ ಬದಿಯೇ ಸಾರ್ವಜನಿಕರು ವಾಹನ ನಿಲುಗಡೆ ಮಾಡುವುದು ಸಾಮಾನ್ಯ.

. ವಾರ್ಡ್ನ ಶೇ 65ರಷ್ಟು ಭಾಗದಲ್ಲಿ 24X7 ನೀರಿನ ಸೌಲಭ್ಯ ಕಲ್ಪಿಸಲಾಗಿದೆ. ಇನ್ನುಳಿದ ಕಡೆ ವಾರಕ್ಕೊಮ್ಮೆ ನೀರು ಪೂರೈಕೆ ಆಗುತ್ತದೆ. ಸ್ಮಾರ್ಟ್ ಸಿಟಿ ಯೋಜನೆಯಡಿ ಬೆಳಗಾವಿ ಓಣಿ, ಕಂಚಗಾರ ಗಲ್ಲಿ, ಕುಬಸದ ಗಲ್ಲಿಗಳಲ್ಲಿ ಸುಸಜ್ಜಿತ ರಸ್ತೆಗಳಿವೆ.

. ನಾಲ್ಕು ಅಂಗನವಾಡಿ ಕೆಂದ್ರಗಳಿಗೂ ಸ್ವಂತ ಕಟ್ಟಡಗಳಿಲ್ಲ. ಉದ್ಯಾನಗಳೂ ಇಲ್ಲ. ಶೇ 75ರಷ್ಟು ಭಾಗದಲ್ಲಿ ರಸ್ತೆ, ಚರಂಡಿ ಕಾಮಗಾರಿ ಮಾಡಲಾಗಿದೆ. ಚಿತ್ರಗಾರ ಓಣಿ, ಬಟರ್ ಮಾರ್ಕೆಟ್, ಕಮಡೊಳ್ಳಿ ಓಣಿಗಳಲ್ಲಿ ರಸ್ತೆ ಕಾಮಗಾರಿ ಆಗಬೇಕಿದೆ.

. ‘ಉಳ್ಳಾಗಡ್ಡಿ ಓಣಿ, ಕಲಾದಗಿ ಓಣಿ ಮತ್ತು ನಾಷ್ಟಾ ಗಲ್ಲಿಯಲ್ಲಿ ₹82 ಲಕ್ಷ ಅನುದಾನದಲ್ಲಿ ಸಿ.ಸಿ ರಸ್ತೆ ನಿರ್ಮಾಣಕ್ಕೆ ಟೆಂಡರ್ ಕರೆಯಲಾಗಿದ್ದು, ಶೀಘ್ರ ಕಾಮಗಾರಿ ಆರಂಭವಾಗಲಿದೆ. 15ನೇ ಹಣಕಾಸು ಯೋಜನೆಯಲ್ಲಿ ಚಿತ್ರಗಾರ ಓಣಿಯಲ್ಲಿ ತೆರೆದ ಚರಂಡಿ ಕಾಮಗಾರಿ ಕೈಗೆತ್ತಿಕೊಳ್ಳಲಾಗುವುದು’ ಎಂದು ವಾರ್ಡ್ ಸದಸ್ಯೆ ಪ್ರೀತಿ ಖೋಡೆ ಹೇಳಿದರು.

. ‘ವಾರ್ಡ್ನಲ್ಲಿ ಎಲ್ಲ ಕಡೆ ಭೂಗತ (ಯುಜಿ) ಕೇಬಲ್ ಅಳವಡಿಸಲಾಗುವುದು. 12 ಕಡೆ ಬ್ಲಾಕ್ ಸ್ಪಾಟ್ಗಳಿದ್ದವು. ಅವುಗಳನ್ನು ನಿರ್ಮೂಲನೆ ಮಾಡಲಾಗಿದ್ದು, ಒಂದು ಮಾತ್ರ ಉಳಿದಿದೆ’ ಎಂದರು.

. ವಾರ್ಡ್ನಲ್ಲಿ ಕೆಲವೆಡೆ ರಸ್ತೆಗಿಂತ ಒಂದೂವರೆ ಅಡಿಯಷ್ಟು ಕೆಳಭಾಗದಲ್ಲಿ ಚರಂಡಿ ಇದ್ದು, ಅಪಘಾತಕ್ಕೆ ಆಹ್ವಾನ ನೀಡುತ್ತಿದೆ. ಎಲ್ಲ ಕಡೆ ವೈಜ್ಞಾನಿಕವಾಗಿ ಚರಂಡಿ ನಿರ್ಮಿಸಬೇಕು. ಬಟರ್ ಮಾರ್ಕೆಟ್ನಲ್ಲಿ ವಿವಿಧ ಕಾಮಗಾರಿಗಳಿಗಾಗಿ ರಸ್ತೆ ಅಗೆದಿದ್ದು, ದುರಸ್ತಿ ಮಾಡಬೇಕು ಎಂಬುದು ನಿವಾಸಿಗಳ ಆಗ್ರಹ.

. ಎಂಜಿಎನ್ವಿವೈ ಯೋಜನೆಯ ₹1.50 ಕೋಟಿ ಅನುದಾನದಲ್ಲಿ ಡಾಕಪ್ಪ ಸರ್ಕಲ್ನಲ್ಲಿ ರಸ್ತೆ ತೆರೆದ ಚರಂಡಿ ಹೈಮಾಸ್ಟ್ ದೀಪ ಅಳವಡಿಕೆ ಸೇರಿ ಇನ್ನಿತರ ಅಭಿವೃದ್ಧಿ ಕಾಮಗಾರಿಗೆ ಟೆಂಡರ್ ಕರೆಯಲಾಗಿದೆ.

- ಪ್ರೀತಿ ಖೋಡೆ ಸದಸ್ಯೆ ವಾರ್ಡ್ ಸಂಖ್ಯೆ 66 ಪ್ರೀತಿ ಖೋಡೆ ಸದಸ್ಯೆ ವಾರ್ಡ್ 66

. ಡಾಕಪ್ಪ ಸರ್ಕಲ್ನಲ್ಲಿ ವಾಹನ ದಟ್ಟಣೆಗೆ ನಿವಾರಿಸಬೇಕು. ಚರಂಡಿಯಲ್ಲಿ ಹೂಳು ತೆಗೆಯುವ ಜತೆಗೆ ವಾರ್ಡ್ನಲ್ಲಿ ಸಮರ್ಪಕವಾಗಿ ಸ್ವಚ್ಛತಾ ಕಾರ್ಯ ಕೈಗೊಳ್ಳಬೇಕು ಪ್ರ

-ಕಾಶ್ ಡಾಕಪ್ಪ ಸರ್ಕಲ್

. ವಾರ್ಡ್ ಮಾಹಿತಿ ವಾರ್ಡ್ ಸಂಖ್ಯೆ;66 ಮಹಾನಗರ ಪಾಲಿಕೆ ಸದಸ್ಯೆ;ಪ್ರೀತಿ ಖೋಡೆ ಮೊ.ಸಂ;9886189931 ಜನಸಂಖ್ಯೆ;11273 ವಿದ್ಯುತ್ ಕಂಬ;376 ಬೀದಿ ದೀಪ;376 ಅಂಗನವಾಡಿಗಳು;4 ಪ್ರಾಥಮಿಕ ಶಾಲೆ;4 ಪ್ರೌಢಶಾಲೆ;1 ಪ್ರಮುಖ ದೇವಸ್ಥಾನಗಳು: ಡಾಕಪ್ಪ ಸರ್ಕಲ್ನ ಹನುಮಾನ್ ದೇವಸ್ಥಾನ ಕಾಳಮ್ಮನ ಅಗಸಿಯಲ್ಲಿ ಕಾಳಿಕಾದೇವಿ ದೇವಸ್ಥಾನ ದುರ್ಗದ ಬೈಲ್ ಸರ್ಕಲ್ನ ದತ್ತ ಮಂದಿರ ತಿಮ್ಮಸಾಗರ ಓಣಿಯ ಸಿದ್ಧಲಿಂಗೇಶ್ವರ ದೇವಸ್ಥಾನ ಅರಳಿಕಟ್ಟಿ ಓಣಿಯಲ್ಲಿ ಶ್ರೀರಾಮ ಮಂದಿರ. ಪ್ರಮುಖ ಬಡಾವಣೆಗಳು; ದಿವಟೆ ಓಣಿ ಕಮರಿಪೇಟೆ ಅರಳಿಕಟ್ಟಿ ಓಣಿ ಬಮ್ಮಾಪುರ ಕುಂಬಾರ ಓಣಿ ಬ್ಯಾಣಿ ಓಣಿ.