ಕಲಘಟಗಿ: ತಾಲ್ಲೂಕಿನ ಗುಡ್ಡದ ಹುಲಕಟ್ಟಿ ಗ್ರಾಮದ ಹೊರವಲಯದಲ್ಲಿ ಚಿರತೆಗಳು ಕಾಣಿಸಿಕೊಂಡಿವೆ ಎಂದು ರೈತರು ನೀಡಿದ ಮಾಹಿತಿ ಮೇರೆಗೆ ಅರಣ್ಯ ಇಲಾಖೆ ಸಿಬ್ಬಂದಿ ಗ್ರಾಮಕ್ಕೆ ಗುರುವಾರ ಭೇಟಿ ನೀಡಿ ಪರಿಶೀಲಿಸಿದರು.
ಗ್ರಾಮದ ಹೊರವಲಯದ ಕರಡಿ ಗುಡ್ಡದಲ್ಲಿ ಚಿರತೆಗಳು ಹೋಗುತ್ತಿರುವುದನ್ನು ಕಂಡಿದ್ದೇವೆ ಎಂದು ರೈತರು ಮಾಹಿತಿ ನೀಡಿದ್ದರು.
‘ಚಿರತೆ ಕಾಣಿಸಿಕೊಂಡಿದೆ ಎನ್ನಲಾದ ಸ್ಥಳದಲ್ಲಿ ಹೆಜ್ಜೆ ಗುರುತುಗಳು ಪತ್ತೆ ಆಗಿವೆ. ಆದರೆ ಅವು ಚಿರತೆಗಳಿದ್ದೇ ಎಂದು ಸ್ಪಷ್ಟವಾಗಿಲ್ಲ. ಬೇರೆ ಕಾಡುಪ್ರಾಣಿಗಳದ್ದೂ ಇರಬಹುದು’ ಎಂದು ಉಪ ವಲಯ ಅರಣ್ಯಾಧಿಕಾರಿ ಮುತ್ತು ಛಲವಾದಿ, ಅರಣ್ಯ ಪಾಲಕ ಮೋಸಿನ್ ಡಿ. ಗ್ರಾಮಸ್ಥರಿಗೆ ತಿಳಿಸಿದರು.
