‘ಮಾಲ್ಗುಡಿ ಡೇಸ್’ ಸಿನಿಮಾ ಫೆ. 7ಕ್ಕೆ ತೆರೆಗೆ

ಹುಬ್ಬಳ್ಳಿ: ‘ಕುಟುಂಬ ಸಮೇತ ಥಿಯೇಟರ್ಗೆ ಹೋಗಿ ವೀಕ್ಷಿಸಬಹುದಾದ ‘ಮಾಲ್ಗುಡಿ ಡೇಸ್’ ಸಿನಿಮಾ ಫೆ. 7ರಂದು ರಾಜ್ಯದಾದ್ಯಂತ ತೆರೆ ಕಾಣಲಿದೆ’ ಎಂದು ನಟ ವಿಜಯ ರಾಘವೇಂದ್ರ ಹೇಳಿದರು.

. ಸಿನಿಮಾ ಪ್ರಚಾರಾರ್ಥ ಹುಬ್ಬಳ್ಳಿಗೆ ಸೋಮವಾರ ಭೇಟಿ ನೀಡಿದ್ದ ಅವರು, ‘ಮೇರು ನಟ ಶಂಕರ್ನಾಗ್ ಅವರು ಹಿಂದೆ ಕಿರುತೆರೆಗೆ ತಂದಿದ್ದ ಮಾಲ್ಗುಡಿ ಡೇಸ್ ಸರಣಿಗೂ ನಮ್ಮ ‘ಮಾಲ್ಗುಡಿ ಡೇಸ್’ ಸಿನಿಮಾಗೂ ಯಾವುದೇ ಸಂಬಂಧವಿಲ್ಲ’ ಎಂದು ಸ್ಪಷ್ಟಪಡಿಸಿದ ಅವರು, ‘ಚಿತ್ರದ ಪಾತ್ರ ಲಕ್ಷ್ಮಿನಾರಾಯಣ ಮಾಲ್ಗುಡಿ ಎಂಬ ಸಾಹಿತಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದೇನೆ. ತಲುಪುವಿಕೆಯ ದೃಷ್ಟಿಯಿಂದ ಮಾಲ್ಗುಡಿ ಎಂಬ ಹೆಸರನ್ನು ಶೀರ್ಷಿಕೆಗೆ ಬಳಸಿಕೊಂಡಿದ್ದೇವೆ’ ಎಂದರು.

. ‘ಚಿತ್ರದಲ್ಲಿ 70 ವರ್ಷದ ವೃದ್ಧನಾಗಿ ಹಾಗೂ 16 ವರ್ಷದ ಹೈಸ್ಕೂಲು ವಿದ್ಯಾರ್ಥಿಯಾಗಿ ನನ್ನನ್ನು ನಿರ್ದೇಶಕರು ತೋರಿಸಿದ್ದಾರೆ. ಗಂಭೀರತೆ, ಹಾಸ್ಯ, ಪ್ರೀತಿಯನ್ನೊಳಗೊಂಡ ಸಿನಿಮಾ ಯುವಜನರಾದಿಯಾಗಿ ಹಿರಿಯರನ್ನೂ ಸೆಳೆಯಬಲ್ಲದು. ಬದುಕಿನ ವಿವಿಧ ಘಟ್ಟಗಳ ಮೆಲುಕು ಹಾಕುವ ಈ ಸಿನಿಮಾ, ವೀಕ್ಷಕರಿಗೆ ಸಂತಸದ ಕಣ್ಣೀರು ತರಿಸುವುದರಲ್ಲಿ ಎರಡು ಮಾತಿಲ್ಲ’ ಎಂದು ಹೇಳಿದರು.

. ನಿರ್ದೇಶಕ ಕಿಶೋರ್ ಮೂಡಬಿದ್ರೆ ಮಾತನಾಡಿ, ‘ಇದೊಂದು ಕಾಲ್ಪನಿಕ ಕಥೆಯಾಗಿದ್ದು, ನಟ ವಿಜಯ ರಾಘವೇಂದ್ರ ಅವರು ಈ ಪಾತ್ರದಲ್ಲಿ ಸ್ವತಃ ಜೀವಿಸಿದಂತೆ ನಟಿಸಿದ್ದಾರೆ. ನೆನಪಿನ ಅಲೆಗಳಿಗೆ ಜಾರಿಸುವ ಸಿನಿಮಾ, ವೀಕ್ಷಕರಿಗೆ ಮಲೆನಾಡಿನ ಮಳೆಯಲ್ಲಿ ಪಯಣಿಸಿದ ಅನುಭವವನ್ನು ನೀಡುತ್ತದೆ’ ಎಂದರು.

. ‘ಚಿತ್ರಕ್ಕೆ ಕೆ. ರತ್ನಾಕರ ಕಾಮತ್ ಅವರು ಬಂಡವಾಳ ಹಾಕಿದ್ದಾರೆ. ಆರು ಹಾಡುಗಳಿರುವ ಚಿತ್ರಕ್ಕೆ ಗಗನ್ ಬಡೇರಿಯಾ ಸಂಗೀತ ನಿರ್ದೇಶನ ಹಾಗೂ ಉದಯ್ ಲೀಲಾ ಛಾಯಾಗ್ರಹಣ, ಪ್ರದೀಪ್ ನಾಯಕ್ ಸಂಕಲನವಿದೆ. ರಾಜ್ಯದಾದ್ಯಂತ 80ಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ ಸಿನಿಮಾ ಬಿಡುಗಡೆಯಾಗಲಿದೆ. ಉತ್ತಮವಾದ ಈ ಸಿನಿಮಾವನ್ನು ಎಲ್ಲರಿಗೂ ತಲುಪಿಸುವ ಉದ್ದೇಶದಿಂದ ರಾಜ್ಯದಾದ್ಯಂತ ಪ್ರವಾಸ ಮಾಡಿ ಪ್ರಚಾರ ಮಾಡುತ್ತಿದ್ದೇವೆ’ ಎಂದು ಹೇಳಿದರು.

. ಕಾಲೇಜುಗಳಿಗೆ ಭೇಟಿ

. ಪಿ.ಸಿ. ಜಾಬಿನ ವಿಜ್ಞಾನ ಕಾಲೇಜು ಹಾಗೂ ಶಿರೂರು ಪಾರ್ಕ್ನಲ್ಲಿರುವ ಸಮರ್ಥ್ ಪಿಯು ಮತ್ತು ಪದವಿ ಕಾಲೇಜಿಗೆ ಭೇಟಿ ನೀಡಿದ ಚಿತ್ರತಂಡ, ಸಿನಿಮಾ ವೀಕ್ಷಿಸಿ ಪ್ರೋತ್ಸಾಹಿಸುವಂತೆ ಮನವಿ ಮಾಡಿತು. ನೆಚ್ಚಿನ ನಟನೊಂದಿಗೆ ಸೆಲ್ಫಿ ಕ್ಲಿಕ್ಕಿಸಿಕೊಳ್ಳಲು ಮುಗಿಬಿದ್ದರು. ಜಾಬಿನ ಕಾಲೇಜಿನಿಂದ ಬಿಆರ್ಟಿಎಸ್ ಚಿಗರಿ ಹತ್ತಿಕೊಂಡು ಕಿಮ್ಸ್ವರೆಗೆ ಪಯಣಿಸಿದ ವಿಜಯ ರಾಘವೇಂದ್ರ, ನಂತರ ಐ ಫಿಟ್ನೆಸ್ ಜಿಮ್ಗೆ ಭೇಟಿ ನೀಡಿದರು.

. ರಜತ್ ಉಳ್ಳಾಗಡ್ಡಿ ಹಾಗೂ ಸಮರ್ಥ್ ಕಾಲೇಜಿನ ಸುಮನ್ ಕುಮಾರ್ ಚಿತ್ರತಂಡಕ್ಕೆ ಸಾಥ್ ನೀಡಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಮಾಲ್ಗುಡಿ ಡೇಸ್’ ಸಿನಿಮಾ ಫೆ. 7ಕ್ಕೆ ತೆರೆಗೆ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು