ಧಾರವಾಡ: ತಾಲ್ಲೂಕಿನ ಗರಗ ಗ್ರಾಮದಲ್ಲಿ ಮಂಗಳವಾರ ಕೋತಿಯೊಂದು ಬಾಲಕಿ ಇಕ್ರಾ ಹಾಸೀಮ್ ಗಡಕಾರಿ (8) ಮೇಲೆ ದಾಳಿ ಮಾಡಿ ಗಾಯಗೊಳಿಸಿದೆ.
‘ಬಾಲಕಿ ಇಕ್ರಾ ಸರ್ಕಾರಿ ಉರ್ದು ಶಾಲೆಯ 2ನೇ ತರಗತಿ ವಿದ್ಯಾರ್ಥಿನಿ. ಶಾಲೆಯ ಪಕ್ಕದಲ್ಲಿ ಕೋತಿಯು ವಿದ್ಯಾರ್ಥಿನಿಯ ಮೇಲೆ ಎರಗಿ, ಎಡಗಾಲಿಗೆ ಕಚ್ಚಿ ಗಾಯಗೊಳಿಸಿದೆ. ಕೈಗಳಿಗೂ ಪರಚಿದೆ’ ಎಂದು ಪೊಲೀಸರು ತಿಳಿಸಿದ್ದಾರೆ.
ಕೋತಿಯು ವಿದ್ಯಾರ್ಥಿನಿಯನ್ನು ಎಳೆದಾಡಿರುವ ದೃಶ್ಯ ಸಿ.ಸಿ.ಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಬಾಲಕಿಗೆ ಜಿಲ್ಲಾಸ್ಪತ್ರೆಯಲ್ಲಿ ಪ್ರಾಥಮಿಕ ಚಿಕಿತ್ಸೆ ನೀಡಿ, ಕಿಮ್ಸ್‌ಗೆ ಕರೆದೊಯ್ಯಲಾಗಿದೆ.
ಬಾಲಕಿ ಪೋಷಕರು ಕೋತಿ ದಾಳಿ ನಡೆಸಿದ ಬಗ್ಗೆ ಗರಗ ಠಾಣೆಗೆ ಪೊಲೀಸ್‌ ಮಾಹಿತಿ ನೀಡಿದ್ದಾರೆ. ಕೋತಿಯ ದಾಳಿಯು ಗ್ರಾಮಸ್ಥರಲ್ಲಿ ಭಯ ಮೂಡಿಸಿದೆ.
