ಹುಬ್ಬಳ್ಳಿ: ಸ್ಮಾರ್ಟ್ ಫೋನ್ ಬಳಸಿ ‘ಬೆಳೆ ಸಮೀಕ್ಷೆ ಆ್ಯಪ್’ ಮೂಲಕ ರೈತರೇ ಸ್ವತಃ ಸಮೀಕ್ಷೆ ಮಾಡುವ ಕಾರ್ಯ ಜಿಲ್ಲೆಯಲ್ಲಿ ಭರದಿಂದ ಸಾಗಿದೆ. ಜಿಲ್ಲೆಯಲ್ಲಿರುವ 2.98 ಲಕ್ಷ ಕೃಷಿ ಹಿಡುವಳಿಗಳ ಪೈಕಿ, ಕಳೆದ 22 ದಿನಗಳಲ್ಲಿ (ಸೆ.2ರವರೆಗೆ) 1 ಲಕ್ಷ ಹಿಡುವಳಿಗಳ ಸಮೀಕ್ಷೆ ಪೂರ್ಣಗೊಂಡಿದೆ. ಧಾರವಾಡ ತಾಲ್ಲೂಕು ಅತಿ ಹೆಚ್ಚು 66,650 ಹಿಡುವಳಿಗಳನ್ನು ಹೊಂದಿದ್ದು, ಇದರಲ್ಲಿ 22,872 ಸಮೀಕ್ಷೆಯಾಗಿದೆ. ಅತಿ ಕಡಿಮೆ 5,807 ಹಿಡುವಳಿ ಹೊಂದಿರುವ ಅಳ್ನಾವರ ತಾಲ್ಲೂಕಿನಲ್ಲಿ 1,742 ಸಮೀಕ್ಷೆಗೆ ಒಳಪಟ್ಟಿವೆ.