ಮಂಗಳವಾರ, ಜೂನ್ 22, 2021
27 °C

ಧಾರವಾಡ | ಮರಳಿನಲ್ಲಿ ರಾಮಮಂದಿರ ರಚನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಧಾರವಾಡ: ಅಯೋಧ್ಯೆಯಲ್ಲಿ ಬುಧವಾರ ನೆರವೇರಲಿರುವ ರಾಮ ಮಂದಿರ ನಿರ್ಮಾಣದ ಭೂಮಿ ಪೂಜೆ ಹಿನ್ನೆಲೆಯಲ್ಲಿ ಶಿಲ್ಪ ಕಲಾವಿದ ಮಂಜುನಾಥ ಹಿರೇಮಠ ಅವರು ಮಂದಿರದ ಪ್ರತಿಕೃತಿಯನ್ನು ಮರಳಿನಲ್ಲಿ ರಚಿಸಿ ಗಮನ ಸೆಳೆದರು.

ಇಲ್ಲಿನ ದೊಡ್ಡನಾಯಕನಕೊಪ್ಪ ಬಳಿಯ ಬಸ್ ನಿಲ್ದಾಣದ ಹತ್ತಿರ ಡಬ್ಬಲ್ ರಸ್ತೆಯಲ್ಲಿ ಜನಜಾಗೃತಿ ಸಂಘ ಹಾಗೂ ಡಿ.ಎನ್.ಕೊಪ್ಪ ಬಡಾವಣೆ ನಿವಾಸಿಗಳ ಸಹಕಾರದೊಂದಿಗೆ ಜರುಗಿದ ಮರಳಿನ ಶಿಲ್ಪ ರಚನೆ ಕಾರ್ಯಕ್ರಮದಲ್ಲಿ ಬಡಾವಣೆಯ ಜನರು, ಕಲಾಸಕ್ತರು ಪಾಲ್ಗೊಂಡಿದ್ದರು.

ಸುಮಾರು 20 ಟನ್ ಮರಳಿನ ದಿಬ್ಬದಲ್ಲಿ 6 ಅಡಿ ಎತ್ತರ ಹಾಗೂ 10 ಅಡಿ ಅಗಲದ ಮಂದಿರದ ಪ್ರತಿಕೃತಿಯನ್ನು ರಚಿಸಿದರು. ಮಂಗಳವಾರ ಬೆಳಿಗ್ಗೆ 5.30ಕ್ಕೆ ಆರಂಭವಾದ ಕಲಾಕೃತಿ ರಚನೆ ಸುಮಾರು 10 ಗಂಟೆಯ ವರೆಗೂ ನಡೆಯಿತು. ಮರಳಿನ ದಿಬ್ಬದಲ್ಲಿ ವರ್ತುಲಾಕಾರದಲ್ಲಿ ಮಂದಿರದ ಪ್ರತಿಕೃತಿಯನ್ನು ಮಂಜುನಾಥ ಅವರು ರಚಿಸಿದರು.

ನಂತರ ಬಡಾವಣೆ ಜನರು ಕೇಸರಿ ಧ್ವಜ ನೆಟ್ಟು ವಿಶೇಷ ಪೂಜೆ ಸಲ್ಲಿಸುವ ಭಕ್ತಿಯ ನಮನಗಳನ್ನು ಸಲ್ಲಿಸಿದರು.

 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು