ಅವಳಿ ನಗರದಲ್ಲಿ ಬಣ್ಣದ ಮಳೆ: ಹೋಳಿ ಸಂಭ್ರಮದಲ್ಲಿ ಖುಷಿಯ ವಿನಿಮಯ

ಗದಗ: ಹೋಳಿ ಅಂದರೆ ಕೋಟ್ಯಂತರ ಮನಸ್ಸುಗಳಲ್ಲಿ ಪುಳಕದ ಭಾವ ಮೂಡುತ್ತದೆ. ಬಣ್ಣಗಳ ಮಳೆಯಲ್ಲಿ ತೊಯ್ಯುವಾಗ ಎಲ್ಲರ ಭಾವಭಿತ್ತಿಯಲ್ಲೂ ಬಾಲ್ಯದ ನೆನಪುಗಳೇ ಜೀಕುತ್ತವೆ. ಬಣ್ಣ ಹಚ್ಚಿಸಿಕೊಳ್ಳುವಾಗ, ಬಣ್ಣದ ನೀರನ್ನು ಪ್ರೀತಿಪಾತ್ರರ ಮೇಲೆ ಸುರಿಯುವಾಗ ಖುಷಿಯ ವಿನಿಮಯವಾಗುತ್ತದೆ. ಹತ್ತಾರು ಬಗೆಯ ಭಾವಗಳಿಗೆ ಬಣ್ಣದ ಮೆರುಗು ನೀಡುವ ಹೋಳಿ ಹಬ್ಬ ಎಲ್ಲರಿಗೂ ಸಂತಸ ಹಂಚುವ ರಾಯಭಾರಿಯಂತೆ ಗೋಚರಿಸುತ್ತದೆ.

. ಗದಗ-ಬೆಟಗೇರಿ ಅವಳಿ ನಗರದಲ್ಲೂ ಗುರುವಾರ ಬಣ್ಣಗಳ ಮಳೆ ಸುರಿಯಿತು. ಬೀಸುವ ಗಾಳಿಯಲ್ಲೂ ಹತ್ತಾರು ಬಣ್ಣಗಳು ಕಂಡವು. ಪುಟ್ಟಮಕ್ಕಳ ಹೊಳಪು ಕೆನ್ನೆಯ ಮೇಲೆ ಕೆಂಪು, ಅರಿಷಿಣ, ನೇರಳೆ ಬಣ್ಣಗಳು ನಗು ತುಳುಕಿಸುತ್ತಿದ್ದವು. ಯುವಕ– ಯುವತಿಯರು ಬಣ್ಣಗಳ ಮಳೆಯಲ್ಲಿ ತೊಯ್ದು ತೊಪ್ಪೆಯಾಗಿದ್ದರು. ಹಲಗಿ ಸಪ್ಪಳಕ್ಕೆ ಅವರು ಹಾಕುತ್ತಿದ್ದ ಹೆಜ್ಜೆಗಳು ಕೂಡ ಅಷ್ಟೇ ಕಲರ್ಫುಲ್ ಆಗಿದ್ದವು!

. ಬೆಳಿಗ್ಗೆ 6ಕ್ಕೆ ಆರಂಭಗೊಂಡ ಹೋಳಿ ಸಂಭ್ರಮ ರಾತ್ರಿಯವರೆಗೂ ಮುಂದುವರಿಯಿತು. ಎಲ್ಲೆಲ್ಲೂ ಸಂಭ್ರಮ ಮೇರೆ ಮೀರಿತ್ತು. ಓಣಿಗಳಲ್ಲಿ, ರಸ್ತೆಗಳಲ್ಲಿ, ಪ್ರಮುಖ ವೃತ್ತಗಳೆಲ್ಲವೂ ಹೋಳಿಮಯವಾಗಿದ್ದವು. ಅಲ್ಲಲ್ಲಿ ರಸ್ತೆ ಮಧ್ಯೆ ದೊಡ್ಡ ದೊಡ್ಡ ಮರದ ಕೊಂಡುಗಳು ಉರಿದು ಬೂದಿಯಾಗಿದ್ದವು. ಯುವಕರ ಗುಂಪು ಚರ್ಮದ ಹಲಗಿಯನ್ನು ಆ ಬೆಂಕಿಯಲ್ಲೇ ಕಾಯಿಸಿ, ಹುಚ್ಚೆಬ್ಬಿಸಿ ಕುಣಿಯುವಂತೆ ಬಾರಿಸುತ್ತಿದ್ದರು. ತಮಟೆ ಸದ್ದಿಗೆ ಮಕ್ಕಳು, ಯುವಕರು, ವೃದ್ಧರೆಲ್ಲರೂ ಹೆಜ್ಜೆ ಹಾಕಿ ಸಂಭ್ರಮಿಸಿದರು.

. ನಗರದ ಕಿಲ್ಲಾ ಓಣಿ, ವೀರನಾರಾಯಣ ದೇವಸ್ಥಾನ, ಖಾನತೋಟ, ಮದ್ಲಿಓಣಿ, ಗಂಗಾಪುರ ಪೇಟೆ, ನರಿಬಾವಿ ಓಣಿ, ಹಾಳದಿಬ್ಬ ಓಣಿ, ಒಕ್ಕಲಗೇರಿ ಓಣಿ ಸೇರಿದಂತೆ ನಗರದ 17 ಕಡೆಗಳಲ್ಲಿ ಕಾಮ-ರತಿಯರ ಮೂರ್ತಿ ಪ್ರತಿಷ್ಠಾಪನೆ ಮಾಡಲಾಗಿತ್ತು. ಕೋವಿಡ್–19 ಕಾರಣದಿಂದಾಗಿ ಈ ಬಾರಿಯ ಹೋಳಿಯ ಸಂಭ್ರಮ ಆಚೆ ವರ್ಷಗಳಿಗೆ ಹೋಲಿಕೆ ಮಾಡಿ ನೋಡಿದಲ್ಲಿ ತುಂಬ ಕಡಿಮೆ ಇತ್ತು. ಆದರೂ, ನಗರದ ಓಣಿಗಳಲ್ಲಿ ಆಚರಣೆ ಜೋರಾಗಿತ್ತು. ಮನೆ ಮಂದಿ ಅಕ್ಕ ಪಕ್ಕದ ಮನೆಯವರ ಜತೆಗೂಡಿ ಹೋಳಿ ಆಚರಿಸಿದರು. ಹಣೆಗೆ ಬಣ್ಣದ ತಿಲಕವಿಟ್ಟು ಶುಭಾಶಯ ವಿನಿಮಯ ಮಾಡಿಕೊಂಡರು. ಬಣ್ಣದೊಂದಿಗೆ ಖುಷಿಯನ್ನೂ ಹಂಚಿ ಓಕುಳಿ ಹಬ್ಬವನ್ನು ಸಂಪನ್ನಗೊಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅವಳಿ ನಗರದಲ್ಲಿ ಬಣ್ಣದ ಮಳೆ: ಹೋಳಿ ಸಂಭ್ರಮದಲ್ಲಿ ಖುಷಿಯ ವಿನಿಮಯ

ಚಿನಕುರುಳಿ | ಸೋಮವಾರ, 23 ಫೆಬ್ರುವರಿ ‌2026

ಚಿನಕುರುಳಿ: ಭಾನುವಾರ 22 ಫೆಬ್ರುವರಿ 2026

ರಾಕ್ಷಸನಂತೆ ನೀರು ಕುಡಿಯುತ್ತಿರುವ ಗೂಗಲ್ ಡೇಟಾ ಸೆಂಟರ್‌ಗಳು..

ಚುರುಮುರಿ: ನಾಯಿಪಾಡು

ದ.ಆಫ್ರಿಕಾ ವಿರುದ್ಧ ಭಾರತಕ್ಕೆ ಸೋಲು; ತಂಡದ ನಿರ್ಧಾರಕ್ಕೆ ಅಶ್ವಿನ್ ಆಕ್ರೋಶ

T20 World Cup| ಅಹಂಕಾರ ಬಿಟ್ಟು ಆಟವಾಡಿ: ಟೀಂ ಇಂಡಿಯಾಕ್ಕೆ ಗವಾಸ್ಕರ್ ಸಲಹೆ

T20 World Cup| ನಮ್ಮ ಸೋಲಿಗೆ ಆ ವಿಭಾಗದ ವೈಫಲ್ಯವೇ ಕಾರಣ: ನಾಯಕ ಸೂರ್ಯಕುಮಾರ್

ಹುಬ್ಬಳ್ಳಿಯಲ್ಲಿ ರಣಜಿ ಟ್ರೋಫಿ ಫೈನಲ್‌ ಪಂದ್ಯ: ಟಿಕೆಟ್‌ ದರ ಎಷ್ಟು ಗೊತ್ತಾ?

ಒಳನೋಟ | ಕಾಣದ ಕೈ: ಕಾಡುವ ಡ್ರಗ್ಸ್‌

ಒಳನೋಟ: ಕಿನ್ನಾಳ ಕಲೆಗೀಗ ಯುವೋತ್ಸಾಹ

ಒಳನೋಟ: ಅನಿಶ್ಚಿತತೆ ನಡುವೆ ದಾಖಲೆಯ ಗಳಿಕೆ

ಒಳನೋಟ: ಚಿನ್ನ, ಬೆಳ್ಳಿ ಬೆಲೆ ಏರಿಳಿತ; ಅಕ್ಕಸಾಲಿಗರ ಹೊಟ್ಟೆಗೆ ಬರೆ

ಚಿನಕುರುಳಿ | ಸೋಮವಾರ, 23 ಫೆಬ್ರುವರಿ ‌2026

ಚಿನಕುರುಳಿ: ಭಾನುವಾರ 22 ಫೆಬ್ರುವರಿ 2026

ರಾಕ್ಷಸನಂತೆ ನೀರು ಕುಡಿಯುತ್ತಿರುವ ಗೂಗಲ್ ಡೇಟಾ ಸೆಂಟರ್‌ಗಳು..

ಚುರುಮುರಿ: ನಾಯಿಪಾಡು