<p><strong>ಗದಗ:</strong> ಕಳೆದ ಬೇಸಿಗೆಯಲ್ಲಿ ಈರುಳ್ಳಿ ಗ್ರಾಹಕರ ಕಣ್ಣಲ್ಲಿ ಕಣ್ಣೀರು ತರಿಸಿದರೆ, ಈ ಬಾರಿ ಗ್ರಾಹಕರಿಗೆ ಟೊಟೊಟೊ ಬೆಲೆ ಏರಿಕೆಯ ಬಿಸಿ ತಟ್ಟುತ್ತಿದೆ. ತಿಂಗಳ ಹಿಂದಿನವರೆಗೆ ಕೆ.ಜಿಗೆ ₹25ರಿಂದ ₹30 ದರದಲ್ಲಿ ಮಾರಾಟವಾಗುತ್ತಿದ್ದ ಟೊಮೊಟೊ ಸದ್ಯ ₹40ಕ್ಕೆ ಏರಿಕೆಯಾಗಿದೆ.</p>.<p>ಸದ್ಯ ಮದುವೆ ಸೀಸನ್ ಪ್ರಾರಂಭವಾಗಿರುವುದರಿಂದ ಸ್ಥಳೀಯ ಮಾರುಕಟ್ಟೆಯಲ್ಲಿ ಟೊಮೊಟೊಗೆ ಭಾರಿ ಬೇಡಿಕೆ ಇದೆ. ಇದರ ಜತೆಗೆ ಆವಕವೂ ತಗ್ಗಿರುವುದರಿಂದ ಸ್ಥಳೀಯ ವ್ಯಾಪಾರಿಗಳು ಬೆಲೆ ಏರಿಕೆ ಮಾಡಿದ್ದಾರೆ.ಕಳೆದ ಮೂರು ತಿಂಗಳಲ್ಲಿ ಟೊಮೊಟೊ ಧಾರಣೆ ಮೂರು ಪಟ್ಟು ಹೆಚ್ಚಿದೆ. ಮಾರ್ಚ್ ಆರಂಭದಲ್ಲಿ 1 ಕೆ.ಜಿ ಟೊಮೊಟೊಗೆ ಸರಾಸರಿ ₹10 ಧಾರಣೆ ಇತ್ತು. ಮಾರ್ಚ್ ಅಂತ್ಯಕ್ಕೆ ಇದು ₹20ಕ್ಕೆ ಮತ್ತು ಏಪ್ರಿಲ್ ಮೂರನೆಯ ವಾರದಲ್ಲಿ ₹30ಕ್ಕೆ ಏರಿಕೆಯಾಯಿತು.</p>.<p>ಸದ್ಯ ಸಗಟು ವ್ಯಾಪಾರಿಗಳು ಉತ್ತಮ ಗುಣಮಟ್ಟದ ಟೊಮೊಟೊವನ್ನು ₹30ರಿಂದ ₹35ಕ್ಕೆ ಮತ್ತು ಚಿಲ್ಲರೆ ವ್ಯಾಪಾರಿಗಳು ₹40ಕ್ಕೆ ಮಾರಾಟ ಮಾಡುತ್ತಿದ್ದಾರೆ.ಬೇಸಿಗೆ ಬೆನ್ನಲ್ಲೇ, ಕೋಲಾರ, ಅರಸೀಕೆರೆ, ಕೊಪ್ಪಳದಿಂದ ಗದಗ ಮಾರುಕಟ್ಟೆಗೆ ಆವಕ ಕಡಿಮೆಯಾಗಿದೆ. ಸ್ಥಳೀಯವಾಗಿ ಮುಂಡರಗಿ, ರೋಣ, ಲಕ್ಷ್ಮೇಶ್ವರದಿಂದ ಕಡಿಮೆ ಪ್ರಮಾಣದಲ್ಲಿ ಟೊಮೊಟೊ ಆವಕವಾಗುತ್ತಿದೆ.</p>.<p>‘ಸದ್ಯ ಹೊರಗಿನಿಂದ ಆವಕವಾಗುವ 25 ಕೆ.ಜಿ.ಯ ಒಂದು ಬಾಕ್ಸ್ ಟೊಮೊಟೊಗೆ ₹800 ರಿಂದ ₹1 ಸಾವಿರ ದರ ಇದೆ. ಸ್ಥಲೀಯ ಮಾರುಕಟ್ಟೆಯಲ್ಲಿ ನಾವು ಕೆ.ಜಿಗೆ ₹40 ರಂತೆ ಮಾರುತ್ತಿದ್ದೇವೆ’ ಎಂದು ಇಲ್ಲಿನ ತರಕಾರಿ ಮಾರುಕಟ್ಟೆಯ ವ್ಯಾಪಾರಿ ಬಾಳಪ್ಪ ಹಕಾರಿ ಹೇಳಿದರು.</p>.<p>ಟೊಮೊಟೊ ಮಾತ್ರವಲ್ಲ, ಉಳಿದ ಎಲ್ಲ ತರಕಾರಿಗಳ ದರ ಕಳೆದ ವಾರಕ್ಕೆ ಹೋಲಿಸಿದರೆ ಶೇ 10ರಷ್ಟು ಏರಿಕೆಯಾಗಿದೆ. ಬೀನ್ಸ್, ಕ್ಯಾಬೇಜ್, ಬೀಟ್ರೂಟ್, ಹಸಿಮೆಣಸಿನಕಾಯಿ, ನವಿಲುಕೋಸಿನ ಬೆಲೆ ಗಗನಕ್ಕೇರಿದೆ.</p>.<p>ಉತ್ತಮ ಗುಣಮಟ್ಟದ ದೊಡ್ಡ ಗಾತ್ರದ ಈರುಳ್ಳಿಗೆ ಕೆ.ಜಿಗೆ ಸದ್ಯ ₹20ಕ್ಕೆ ಮಾರಾಟವಾಗುತ್ತಿದೆ. ಪುಣೆ, ವಿಜಯಪುರ, ಗದಗ ಸುತ್ತಮುತ್ತಲಿನ ತಾಲ್ಲೂಕುಗಳಿಂದ ಮಾರುಕಟ್ಟೆಗೆ ಈರುಳ್ಳಿ ಆವಕವಾಗುತ್ತದೆ. ಸ್ಥಳೀಯ ಈರುಳ್ಳಿ ಗಡ್ಡೆಗಳು ಗಾತ್ರದಲ್ಲಿ ಸಣ್ಣವು. ಆದರೆ, ಪುಣೆ ಗಡ್ಡೆ ದೊಡ್ಡವು. ಇಂತಹ ಒಣಗಿದ ಗಡ್ಡೆಗಳಿಗೆ ಹೆಚ್ಚಿನ ಬೇಡಿಕೆ ಇದೆ ಎನ್ನುತ್ತಾರೆ ವ್ಯಾಪಾರಿಗಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗದಗ:</strong> ಕಳೆದ ಬೇಸಿಗೆಯಲ್ಲಿ ಈರುಳ್ಳಿ ಗ್ರಾಹಕರ ಕಣ್ಣಲ್ಲಿ ಕಣ್ಣೀರು ತರಿಸಿದರೆ, ಈ ಬಾರಿ ಗ್ರಾಹಕರಿಗೆ ಟೊಟೊಟೊ ಬೆಲೆ ಏರಿಕೆಯ ಬಿಸಿ ತಟ್ಟುತ್ತಿದೆ. ತಿಂಗಳ ಹಿಂದಿನವರೆಗೆ ಕೆ.ಜಿಗೆ ₹25ರಿಂದ ₹30 ದರದಲ್ಲಿ ಮಾರಾಟವಾಗುತ್ತಿದ್ದ ಟೊಮೊಟೊ ಸದ್ಯ ₹40ಕ್ಕೆ ಏರಿಕೆಯಾಗಿದೆ.</p>.<p>ಸದ್ಯ ಮದುವೆ ಸೀಸನ್ ಪ್ರಾರಂಭವಾಗಿರುವುದರಿಂದ ಸ್ಥಳೀಯ ಮಾರುಕಟ್ಟೆಯಲ್ಲಿ ಟೊಮೊಟೊಗೆ ಭಾರಿ ಬೇಡಿಕೆ ಇದೆ. ಇದರ ಜತೆಗೆ ಆವಕವೂ ತಗ್ಗಿರುವುದರಿಂದ ಸ್ಥಳೀಯ ವ್ಯಾಪಾರಿಗಳು ಬೆಲೆ ಏರಿಕೆ ಮಾಡಿದ್ದಾರೆ.ಕಳೆದ ಮೂರು ತಿಂಗಳಲ್ಲಿ ಟೊಮೊಟೊ ಧಾರಣೆ ಮೂರು ಪಟ್ಟು ಹೆಚ್ಚಿದೆ. ಮಾರ್ಚ್ ಆರಂಭದಲ್ಲಿ 1 ಕೆ.ಜಿ ಟೊಮೊಟೊಗೆ ಸರಾಸರಿ ₹10 ಧಾರಣೆ ಇತ್ತು. ಮಾರ್ಚ್ ಅಂತ್ಯಕ್ಕೆ ಇದು ₹20ಕ್ಕೆ ಮತ್ತು ಏಪ್ರಿಲ್ ಮೂರನೆಯ ವಾರದಲ್ಲಿ ₹30ಕ್ಕೆ ಏರಿಕೆಯಾಯಿತು.</p>.<p>ಸದ್ಯ ಸಗಟು ವ್ಯಾಪಾರಿಗಳು ಉತ್ತಮ ಗುಣಮಟ್ಟದ ಟೊಮೊಟೊವನ್ನು ₹30ರಿಂದ ₹35ಕ್ಕೆ ಮತ್ತು ಚಿಲ್ಲರೆ ವ್ಯಾಪಾರಿಗಳು ₹40ಕ್ಕೆ ಮಾರಾಟ ಮಾಡುತ್ತಿದ್ದಾರೆ.ಬೇಸಿಗೆ ಬೆನ್ನಲ್ಲೇ, ಕೋಲಾರ, ಅರಸೀಕೆರೆ, ಕೊಪ್ಪಳದಿಂದ ಗದಗ ಮಾರುಕಟ್ಟೆಗೆ ಆವಕ ಕಡಿಮೆಯಾಗಿದೆ. ಸ್ಥಳೀಯವಾಗಿ ಮುಂಡರಗಿ, ರೋಣ, ಲಕ್ಷ್ಮೇಶ್ವರದಿಂದ ಕಡಿಮೆ ಪ್ರಮಾಣದಲ್ಲಿ ಟೊಮೊಟೊ ಆವಕವಾಗುತ್ತಿದೆ.</p>.<p>‘ಸದ್ಯ ಹೊರಗಿನಿಂದ ಆವಕವಾಗುವ 25 ಕೆ.ಜಿ.ಯ ಒಂದು ಬಾಕ್ಸ್ ಟೊಮೊಟೊಗೆ ₹800 ರಿಂದ ₹1 ಸಾವಿರ ದರ ಇದೆ. ಸ್ಥಲೀಯ ಮಾರುಕಟ್ಟೆಯಲ್ಲಿ ನಾವು ಕೆ.ಜಿಗೆ ₹40 ರಂತೆ ಮಾರುತ್ತಿದ್ದೇವೆ’ ಎಂದು ಇಲ್ಲಿನ ತರಕಾರಿ ಮಾರುಕಟ್ಟೆಯ ವ್ಯಾಪಾರಿ ಬಾಳಪ್ಪ ಹಕಾರಿ ಹೇಳಿದರು.</p>.<p>ಟೊಮೊಟೊ ಮಾತ್ರವಲ್ಲ, ಉಳಿದ ಎಲ್ಲ ತರಕಾರಿಗಳ ದರ ಕಳೆದ ವಾರಕ್ಕೆ ಹೋಲಿಸಿದರೆ ಶೇ 10ರಷ್ಟು ಏರಿಕೆಯಾಗಿದೆ. ಬೀನ್ಸ್, ಕ್ಯಾಬೇಜ್, ಬೀಟ್ರೂಟ್, ಹಸಿಮೆಣಸಿನಕಾಯಿ, ನವಿಲುಕೋಸಿನ ಬೆಲೆ ಗಗನಕ್ಕೇರಿದೆ.</p>.<p>ಉತ್ತಮ ಗುಣಮಟ್ಟದ ದೊಡ್ಡ ಗಾತ್ರದ ಈರುಳ್ಳಿಗೆ ಕೆ.ಜಿಗೆ ಸದ್ಯ ₹20ಕ್ಕೆ ಮಾರಾಟವಾಗುತ್ತಿದೆ. ಪುಣೆ, ವಿಜಯಪುರ, ಗದಗ ಸುತ್ತಮುತ್ತಲಿನ ತಾಲ್ಲೂಕುಗಳಿಂದ ಮಾರುಕಟ್ಟೆಗೆ ಈರುಳ್ಳಿ ಆವಕವಾಗುತ್ತದೆ. ಸ್ಥಳೀಯ ಈರುಳ್ಳಿ ಗಡ್ಡೆಗಳು ಗಾತ್ರದಲ್ಲಿ ಸಣ್ಣವು. ಆದರೆ, ಪುಣೆ ಗಡ್ಡೆ ದೊಡ್ಡವು. ಇಂತಹ ಒಣಗಿದ ಗಡ್ಡೆಗಳಿಗೆ ಹೆಚ್ಚಿನ ಬೇಡಿಕೆ ಇದೆ ಎನ್ನುತ್ತಾರೆ ವ್ಯಾಪಾರಿಗಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
