<p><strong>ಹಾಸನ</strong>: ಕ್ರಿಸ್ಮಸ್ ಆಚರಣೆಗೆ ಜಿಲ್ಲೆಯಲ್ಲಿ ಸಿದ್ಧತೆಗಳು ಭರದಿಂದ ಆರಂಭವಾಗಿವೆ. ಗೋದಲಿ ನಿರ್ಮಾಣ, ಕ್ರಿಸ್ಮಸ್ ಟ್ರೀ, ಅಲಂಕಾರ ಮಾಡಲಾಗಿದೆ. ಚರ್ಚ್ಗಳು, ಕ್ರೈಸ್ತ ಶಿಕ್ಷಣ ಸಂಸ್ಥೆಗಳ ಕಚೇರಿಗಳು ಹಾಗೂ ಕ್ರೈಸ್ತರ ಮನೆಗಳು ವಿದ್ಯುದ್ದೀಪಗಳ ಅಲಂಕಾರದಿಂದ ಝಗಮಗಿಸುತ್ತಿವೆ. ಸಡಗರದಿಂದ ಹಬ್ಬ ಆಚರಿಸಲು ಸಜ್ಜಾಗಿವೆ.</p><p>ಡಿಸೆಂಬರ್ 25 ರಂದು ಕ್ರಿಸ್ಮಸ್ ಅನ್ನು ಪ್ರಪಂಚದಾದ್ಯಂತ ಆಚರಿಸಲಾಗುತ್ತದೆ. ಜಿಲ್ಲೆಯಲ್ಲಿಯೂ ಕ್ರೈಸ್ತ ಸಮುದಾಯದವರು ಅದ್ದೂರಿಯಾಗಿ ವಿಶೇಷ ಹಬ್ಬವನ್ನು ಸಂಭ್ರಮಿಸುವ ಕ್ಷಣಕ್ಕಾಗಿ ಎದುರು ನೋಡುತ್ತಿದ್ದಾರೆ.</p><p>ಚರ್ಚ್ಗಳಲ್ಲಿ ಡಿಸೆಂಬರ್ 24ರ ರಾತ್ರಿ 11.30 ರಿಂದ ಡಿಸೆಂಬರ್ 25ರ ಮಧ್ಯರಾತ್ರಿ 2.30ರ ವರೆಗೂ ವಿಶೇಷ ಕಾರ್ಯಕ್ರಮಗಳನ್ನು ಆಯೋಜನೆ ಮಾಡಲಾಗಿದೆ. ಧರ್ಮಗುರುಗಳು ಚರ್ಚ್ನಲ್ಲಿ ಪ್ರವಚನ ಹಾಗೂ ಯೇಸುವಿನ ಕುರಿತು ವಿಷಯಗಳನ್ನು ತಿಳಿಸಲಿದ್ದಾರೆ.</p><p>‘ಡಿಸೆಂಬರ್ 24ರಂದು ರಾತ್ರಿ 11.30ಕ್ಕೆ ಚರ್ಚ್ನಲ್ಲಿ ಕೇಕ್ ಕತ್ತರಿಸಿ ಸಿಹಿ ಹಂಚಿ ಸಂಭ್ರಮಿಸಲಾಗುತ್ತದೆ. ಜಗತ್ತಿನಲ್ಲಿ ಶಾಂತಿ, ನೆಮ್ಮದಿಯ ವಾತಾವರಣ ಸೃಷ್ಟಿಯಾಗಲಿ. ರೈತರು, ಜನರಿಗೆ ಒಳಿತಾಗಲಿ ಎಂದು ಪ್ರಾರ್ಥನೆ ಸಲ್ಲಿಸಲಾಗುವುದು’ ಎಂದು ಸಂತ ಅಂತೋಣಿ ಚರ್ಚ್ ಧರ್ಮಗುರು ಫಾ.ಪ್ಯಾಟ್ರಿಕ್ ಜೋನ್ಸ್ ತಿಳಿಸಿದರು.</p><p>ವಿಶೇಷವಾಗಿ ಯೇಸುವಿನ ಜನನದ ವಿಶೇಷ ದೃಶ್ಯಾವಳಿಗಳ ಪ್ರದರ್ಶನವು ದೇವಾಲಯದ ಎದುರಿನ ಆವರಣದಲ್ಲಿ ನಡೆಯಲಿದೆ. ಕ್ರಿಸ್ಮಸ್ ಅನ್ನು ವಾರವೆಲ್ಲ ಆಚರಿಸುತ್ತೇವೆ. ಈ ಸಂದರ್ಭದಲ್ಲಿ ವಿಶೇಷವಾದ ಉಡುಗೆ– ತೊಡುಗೆ, ಆಹಾರ ಪದ್ಧತಿ ಅನುಸರಿಸಲಾಗುತ್ತದೆ ಎನ್ನುತ್ತಾರೆ ಅವರು.</p><p>ಸಂಪ್ರದಾಯಗಳ ಪ್ರಕಾರ, ಕ್ರಿಸ್ಮಸ್ ಆಚರಣೆಗಳು ಡಿಸೆಂಬರ್ 24 ರಂದು ಪ್ರಾರಂಭವಾಗುತ್ತವೆ. ಇದನ್ನು ಕ್ರಿಸ್ಮಸ್ ಈವ್ ಎಂದು ಕರೆಯಲಾಗುತ್ತದೆ.</p><p><strong>ಸಿಎಸ್ಐ ವೆಸ್ಲಿ ಚರ್ಚ್ ವಿಶೇಷ</strong></p><p>ನಗರದ ಆರ್ಸಿ ರಸ್ತೆಯ ಸಿಎಸ್ಐ ವೆಸ್ಲಿ ಚರ್ಚ್ನಲ್ಲಿ ಡಿಸೆಂಬರ್ 25 ಬೆಳಿಗ್ಗೆ 8 ರಿಂದ 11 ರವರೆಗೆ ಆರಾಧನೆ ಕಾರ್ಯಕ್ರಮ ಏರ್ಪಡಿಸಲಾಗಿದೆ. ಡಿಸೆಂಬರ್ 24ರ ಸಂಜೆ 7 ಗಂಟೆಗೆ ಕ್ಯಾಂಡಲ್ ಲೈಟ್ ಸರ್ವಿಸ್ (ಮೆರವಣಿಗೆ) ಏರ್ಪಡಿಸಲಾಗಿದ್ದು, ಕತ್ತಲೆನಿಂದ ಬೆಳಕಿನೆಡೆಗೆ ಎಂಬ ನಂಬಿಕೆಯೊಂದಿಗೆ ಸಮುದಾಯದವರು ಇದರಲ್ಲಿ ಭಾಗವಹಿಸಲಿದ್ದಾರೆ. </p><p>ಸ್ಲೇಟರ್ಸ್ ಹಾಲ್ ಸರ್ಕಲ್ನಿಂದ ರಕ್ಷಣಾಪುರಂ ಸುತ್ತ ಸಾಗಿ ಚರ್ಚ್ನಲ್ಲಿ ಸಮಾರೋಪಗೊಳ್ಳಲಿದೆ.</p><p>ನಂತರ ಚರ್ಚ್ನಲ್ಲಿ ಪ್ರಾರ್ಥನೆ ಸಲ್ಲಿಸಲಾಗುವುದು. ಡಿಸೆಂಬರ್ 1 ರಿಂದ ಇಲ್ಲಿಯವರೆಗೂ ಪ್ರತಿದಿನ ಬೆಳಿಗ್ಗೆ ಹಾಗೂ ಸಂಜೆ ಯೇಸು ಜನನದ ಕುರಿತು ಹಾಡುಗಳನ್ನು ಹಾಡುವ ಮೂಲಕ ಯೇಸುವನ್ನು ಸ್ಮರಿಸಲಾಗಿದೆ. ಈ ದಿನಗಳಲ್ಲಿ ಮಕ್ಕಳ ಕ್ರಿಸ್ಮಸ್, ಮಹಿಳೆ , ಯುವಜನರ ಕ್ರಿಸ್ಮಸ್ ಕಾರ್ಯಕ್ರಮವನ್ನು ಮಾಡಲಾಗಿತ್ತು ಎಂದು ಸಿಎಸ್ಐ ವೆಸ್ಲಿ ಚರ್ಚ್ನ ಫಾ.ವಿನೀತ್ ಸ್ವರೂಪ ತಿಳಿಸಿದ್ದಾರೆ.</p><p><strong>‘ಜಾನಪದ ಕಲೆಯ ಪರಿಚಯ’</strong></p><p>ಈ ಬಾರಿ ಕ್ರಿಸ್ಮಸ್ ವಿಶೇಷವಾಗಿ ಡಿಸೆಂಬರ್ 27ರಂದು ನಗರದ ಸಂತ ಜೋಸೆಫ್ ಶಾಲೆಯ ಆವರಣದಲ್ಲಿ ಸಮುದಾಯದ ಯುವಕರಿಗೆ ಹಾಗೂ ಮಕ್ಕಳಿಗೆ ಜಾನಪದ ಕಲೆಯ ಬಗ್ಗೆ ಪರಿಚಯಿಸಲು ವಿಶೇಷ ಕಾರ್ಯಕ್ರಮ ಆಯೋಜನೆ ಮಾಡಲಾಗಿದೆ. ಈ ಸಂದರ್ಭದಲ್ಲಿ ಸಂಗೀತ, ನೃತ್ಯ ಸೇರಿದಂತೆ ಧಾರ್ಮಿಕ ಹಿನ್ನೆಲೆಯ ಪ್ರವಚನಗಳು ಇರಲಿವೆ ಎಂದು ಫಾ.ಪ್ಯಾಟ್ರಿಕ್ ಜೋನ್ಸ್ ಹೇಳಿದರು.</p><p>ಸೇಂಟ್ ಅಂತೋಣಿ ಚರ್ಚ್ ಅಡಿಯಲ್ಲಿ ಹತ್ತು ಸಂಘ ರಚನೆಗೊಂಡಿದ್ದು, ಕ್ರಿಸ್ಮಸ್ ಹಿನ್ನೆಲೆಯಲ್ಲಿ ಈಗಾಗಲೇ ಸರ್ಕಾರಿ ಹಾಗೂ ಖಾಸಗಿ ವಲಯದ ಅಧಿಕಾರಿಗಳನ್ನು ಭೇಟಿ ಮಾಡಿ, ಅವರ ಸೇವೆಯನ್ನು ಸ್ಮರಿಸಿ ಕೃತಜ್ಞತೆ ಸಲ್ಲಿಸಲಾಗಿದೆ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹಾಸನ</strong>: ಕ್ರಿಸ್ಮಸ್ ಆಚರಣೆಗೆ ಜಿಲ್ಲೆಯಲ್ಲಿ ಸಿದ್ಧತೆಗಳು ಭರದಿಂದ ಆರಂಭವಾಗಿವೆ. ಗೋದಲಿ ನಿರ್ಮಾಣ, ಕ್ರಿಸ್ಮಸ್ ಟ್ರೀ, ಅಲಂಕಾರ ಮಾಡಲಾಗಿದೆ. ಚರ್ಚ್ಗಳು, ಕ್ರೈಸ್ತ ಶಿಕ್ಷಣ ಸಂಸ್ಥೆಗಳ ಕಚೇರಿಗಳು ಹಾಗೂ ಕ್ರೈಸ್ತರ ಮನೆಗಳು ವಿದ್ಯುದ್ದೀಪಗಳ ಅಲಂಕಾರದಿಂದ ಝಗಮಗಿಸುತ್ತಿವೆ. ಸಡಗರದಿಂದ ಹಬ್ಬ ಆಚರಿಸಲು ಸಜ್ಜಾಗಿವೆ.</p><p>ಡಿಸೆಂಬರ್ 25 ರಂದು ಕ್ರಿಸ್ಮಸ್ ಅನ್ನು ಪ್ರಪಂಚದಾದ್ಯಂತ ಆಚರಿಸಲಾಗುತ್ತದೆ. ಜಿಲ್ಲೆಯಲ್ಲಿಯೂ ಕ್ರೈಸ್ತ ಸಮುದಾಯದವರು ಅದ್ದೂರಿಯಾಗಿ ವಿಶೇಷ ಹಬ್ಬವನ್ನು ಸಂಭ್ರಮಿಸುವ ಕ್ಷಣಕ್ಕಾಗಿ ಎದುರು ನೋಡುತ್ತಿದ್ದಾರೆ.</p><p>ಚರ್ಚ್ಗಳಲ್ಲಿ ಡಿಸೆಂಬರ್ 24ರ ರಾತ್ರಿ 11.30 ರಿಂದ ಡಿಸೆಂಬರ್ 25ರ ಮಧ್ಯರಾತ್ರಿ 2.30ರ ವರೆಗೂ ವಿಶೇಷ ಕಾರ್ಯಕ್ರಮಗಳನ್ನು ಆಯೋಜನೆ ಮಾಡಲಾಗಿದೆ. ಧರ್ಮಗುರುಗಳು ಚರ್ಚ್ನಲ್ಲಿ ಪ್ರವಚನ ಹಾಗೂ ಯೇಸುವಿನ ಕುರಿತು ವಿಷಯಗಳನ್ನು ತಿಳಿಸಲಿದ್ದಾರೆ.</p><p>‘ಡಿಸೆಂಬರ್ 24ರಂದು ರಾತ್ರಿ 11.30ಕ್ಕೆ ಚರ್ಚ್ನಲ್ಲಿ ಕೇಕ್ ಕತ್ತರಿಸಿ ಸಿಹಿ ಹಂಚಿ ಸಂಭ್ರಮಿಸಲಾಗುತ್ತದೆ. ಜಗತ್ತಿನಲ್ಲಿ ಶಾಂತಿ, ನೆಮ್ಮದಿಯ ವಾತಾವರಣ ಸೃಷ್ಟಿಯಾಗಲಿ. ರೈತರು, ಜನರಿಗೆ ಒಳಿತಾಗಲಿ ಎಂದು ಪ್ರಾರ್ಥನೆ ಸಲ್ಲಿಸಲಾಗುವುದು’ ಎಂದು ಸಂತ ಅಂತೋಣಿ ಚರ್ಚ್ ಧರ್ಮಗುರು ಫಾ.ಪ್ಯಾಟ್ರಿಕ್ ಜೋನ್ಸ್ ತಿಳಿಸಿದರು.</p><p>ವಿಶೇಷವಾಗಿ ಯೇಸುವಿನ ಜನನದ ವಿಶೇಷ ದೃಶ್ಯಾವಳಿಗಳ ಪ್ರದರ್ಶನವು ದೇವಾಲಯದ ಎದುರಿನ ಆವರಣದಲ್ಲಿ ನಡೆಯಲಿದೆ. ಕ್ರಿಸ್ಮಸ್ ಅನ್ನು ವಾರವೆಲ್ಲ ಆಚರಿಸುತ್ತೇವೆ. ಈ ಸಂದರ್ಭದಲ್ಲಿ ವಿಶೇಷವಾದ ಉಡುಗೆ– ತೊಡುಗೆ, ಆಹಾರ ಪದ್ಧತಿ ಅನುಸರಿಸಲಾಗುತ್ತದೆ ಎನ್ನುತ್ತಾರೆ ಅವರು.</p><p>ಸಂಪ್ರದಾಯಗಳ ಪ್ರಕಾರ, ಕ್ರಿಸ್ಮಸ್ ಆಚರಣೆಗಳು ಡಿಸೆಂಬರ್ 24 ರಂದು ಪ್ರಾರಂಭವಾಗುತ್ತವೆ. ಇದನ್ನು ಕ್ರಿಸ್ಮಸ್ ಈವ್ ಎಂದು ಕರೆಯಲಾಗುತ್ತದೆ.</p><p><strong>ಸಿಎಸ್ಐ ವೆಸ್ಲಿ ಚರ್ಚ್ ವಿಶೇಷ</strong></p><p>ನಗರದ ಆರ್ಸಿ ರಸ್ತೆಯ ಸಿಎಸ್ಐ ವೆಸ್ಲಿ ಚರ್ಚ್ನಲ್ಲಿ ಡಿಸೆಂಬರ್ 25 ಬೆಳಿಗ್ಗೆ 8 ರಿಂದ 11 ರವರೆಗೆ ಆರಾಧನೆ ಕಾರ್ಯಕ್ರಮ ಏರ್ಪಡಿಸಲಾಗಿದೆ. ಡಿಸೆಂಬರ್ 24ರ ಸಂಜೆ 7 ಗಂಟೆಗೆ ಕ್ಯಾಂಡಲ್ ಲೈಟ್ ಸರ್ವಿಸ್ (ಮೆರವಣಿಗೆ) ಏರ್ಪಡಿಸಲಾಗಿದ್ದು, ಕತ್ತಲೆನಿಂದ ಬೆಳಕಿನೆಡೆಗೆ ಎಂಬ ನಂಬಿಕೆಯೊಂದಿಗೆ ಸಮುದಾಯದವರು ಇದರಲ್ಲಿ ಭಾಗವಹಿಸಲಿದ್ದಾರೆ. </p><p>ಸ್ಲೇಟರ್ಸ್ ಹಾಲ್ ಸರ್ಕಲ್ನಿಂದ ರಕ್ಷಣಾಪುರಂ ಸುತ್ತ ಸಾಗಿ ಚರ್ಚ್ನಲ್ಲಿ ಸಮಾರೋಪಗೊಳ್ಳಲಿದೆ.</p><p>ನಂತರ ಚರ್ಚ್ನಲ್ಲಿ ಪ್ರಾರ್ಥನೆ ಸಲ್ಲಿಸಲಾಗುವುದು. ಡಿಸೆಂಬರ್ 1 ರಿಂದ ಇಲ್ಲಿಯವರೆಗೂ ಪ್ರತಿದಿನ ಬೆಳಿಗ್ಗೆ ಹಾಗೂ ಸಂಜೆ ಯೇಸು ಜನನದ ಕುರಿತು ಹಾಡುಗಳನ್ನು ಹಾಡುವ ಮೂಲಕ ಯೇಸುವನ್ನು ಸ್ಮರಿಸಲಾಗಿದೆ. ಈ ದಿನಗಳಲ್ಲಿ ಮಕ್ಕಳ ಕ್ರಿಸ್ಮಸ್, ಮಹಿಳೆ , ಯುವಜನರ ಕ್ರಿಸ್ಮಸ್ ಕಾರ್ಯಕ್ರಮವನ್ನು ಮಾಡಲಾಗಿತ್ತು ಎಂದು ಸಿಎಸ್ಐ ವೆಸ್ಲಿ ಚರ್ಚ್ನ ಫಾ.ವಿನೀತ್ ಸ್ವರೂಪ ತಿಳಿಸಿದ್ದಾರೆ.</p><p><strong>‘ಜಾನಪದ ಕಲೆಯ ಪರಿಚಯ’</strong></p><p>ಈ ಬಾರಿ ಕ್ರಿಸ್ಮಸ್ ವಿಶೇಷವಾಗಿ ಡಿಸೆಂಬರ್ 27ರಂದು ನಗರದ ಸಂತ ಜೋಸೆಫ್ ಶಾಲೆಯ ಆವರಣದಲ್ಲಿ ಸಮುದಾಯದ ಯುವಕರಿಗೆ ಹಾಗೂ ಮಕ್ಕಳಿಗೆ ಜಾನಪದ ಕಲೆಯ ಬಗ್ಗೆ ಪರಿಚಯಿಸಲು ವಿಶೇಷ ಕಾರ್ಯಕ್ರಮ ಆಯೋಜನೆ ಮಾಡಲಾಗಿದೆ. ಈ ಸಂದರ್ಭದಲ್ಲಿ ಸಂಗೀತ, ನೃತ್ಯ ಸೇರಿದಂತೆ ಧಾರ್ಮಿಕ ಹಿನ್ನೆಲೆಯ ಪ್ರವಚನಗಳು ಇರಲಿವೆ ಎಂದು ಫಾ.ಪ್ಯಾಟ್ರಿಕ್ ಜೋನ್ಸ್ ಹೇಳಿದರು.</p><p>ಸೇಂಟ್ ಅಂತೋಣಿ ಚರ್ಚ್ ಅಡಿಯಲ್ಲಿ ಹತ್ತು ಸಂಘ ರಚನೆಗೊಂಡಿದ್ದು, ಕ್ರಿಸ್ಮಸ್ ಹಿನ್ನೆಲೆಯಲ್ಲಿ ಈಗಾಗಲೇ ಸರ್ಕಾರಿ ಹಾಗೂ ಖಾಸಗಿ ವಲಯದ ಅಧಿಕಾರಿಗಳನ್ನು ಭೇಟಿ ಮಾಡಿ, ಅವರ ಸೇವೆಯನ್ನು ಸ್ಮರಿಸಿ ಕೃತಜ್ಞತೆ ಸಲ್ಲಿಸಲಾಗಿದೆ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
