ಜುಲೈ 5 ರವರೆಗೆ ಭಾಗಶಃ ಲಾಕ್‌ಡೌನ್: ಮೂರು ದಿನ ಖರೀದಿಗೆ ಅವಕಾಶ

ವಾರದಲ್ಲಿ ಮೂರು ದಿನ ಅಗತ್ಯ ವಸ್ತುಗಳ ಖರೀದಿಗೆ ಅವಕಾಶ ಕಲ್ಪಿಸಲಾಗಿದೆ. ಅಗತ್ಯ ವಸ್ತುಗಳ ಖರೀದಿಗೆ ಈ ಹಿಂದೆ ಬೆಳಿಗ್ಗೆ 6 ಗಂಟೆಯಿಂದ 10ರ ವರೆಗೆ ಮಾತ್ರ ಅವಕಾಶ ಇತ್ತು. ಅದನ್ನು ಸಡಿಲಿಕೆ ಮಾಡಿ ಮಧ್ಯಾಹ್ನ2 ಗಂಟೆವರೆಗೆ ಅವಕಾಶ ನೀಡಲಾಗಿದೆ.

ಸೋಮವಾರ, ಬುಧವಾರ ಹಾಗೂ ಶುಕ್ರವಾರ ಅಗತ್ಯ ವಸ್ತುಗಳ ಖರೀದಿಗೆ ಅವಕಾಶ ಇದೆ. ಮಂಗಳವಾರ, ಗುರುವಾರ, ಶನಿವಾರ, ಭಾನುವಾರ ಭಾಗಶಃ ಲಾಕ್‌ಡೌನ್‌ ಮುಂದು ವರೆಯಲಿದೆ ಎಂದು ತಿಳಿಸಿದ್ದಾರೆ.

ಪ್ರತಿ ದಿನ ದಿನಸಿ, ಹಣ್ಣು, ತರಕಾರಿ ಹಾಗೂ ಎಲ್ಲಾ ಅಗತ್ಯ ವಸ್ತುಗಳ ಹೋಂ ಡಿಲಿವರಿ ವ್ಯವಸ್ಥೆಗೆ ಅವಕಾಶವಿದೆ. ಉದ್ಯಾನಗಳಲ್ಲಿವಾಯು ವಿಹಾರಕ್ಕೆ ತೆರಳಲು ಬೆಳಿಗ್ಗೆ 5 ರಿಂದ 10 ಗಂಟೆ ವರೆಗೆ ಅವಕಾಶವಿದೆ. ಟ್ಯಾಕ್ಸಿ, ಆಟೋಗಳಿಗೆಗರಿಷ್ಟ ಇಬ್ಬರು ಪ್ರಯಾಣಿಸಲು ಅವಕಾಶವಿದೆ. ತಳ್ಳುವ ಗಾಡಿಗಳಲ್ಲಿ ಹಣ್ಣು, ತರಕಾರಿ ಮಾರಾಟ ಮಾಡಲು ಪ್ರತಿ ದಿನ ಬೆಳಿಗ್ಗೆ 6 ರಿಂದ 2 ರವರೆಗೆ ಅವಕಾಶವಿದೆ ಎಂದು ತಿಳಿಸಿದ್ದಾರೆ.

ಬಸ್‌ ಸಂಚಾರ ಆರಂಭ: ಜಿಲ್ಲೆಯಲ್ಲಿ ಕೊರೊನಾ ತೀವ್ರತೆ ತಗ್ಗಿದ್ದರಿಂದ ಶೇ 50 ರಷ್ಟು ಪ್ರಯಾಣಿಕರಿಗೆ ಮಿತಿಗೊಳಿಸಿ ಬಸ್‌ ಸಂಚಾರ ಆರಂಭಿಸಲು ಸರ್ಕಾರ ಅನುಮತಿ ನೀಡಿದೆ.

‘ಜೂ. 21 ರಿಂದ ಪ್ರಯಾಣಿಕರಿಗೆಅನುಗುಣವಾಗಿ ಬಸ್‌ ಸಂಚಾರ ಆರಂಭಿಸಲು ನಿರ್ದೇಶನ ಬಂದಿದೆ. ಆದರೆ ಗ್ರಾಮೀಣ ಭಾಗದ ಸಾರಿಗೆ ವ್ಯವಸ್ಥೆಯನ್ನು ಆರಂಭಿಸಲು ಅನುಮತಿ ಇಲ್ಲ. ಹಾಸನ ಘಟಕದಿಂದ ಅಂದಾಜು 250 ಬಸ್‌ಗಳನ್ನು ಈಗಾಗಲೇ ಕಾಯ್ದಿರಿಸಲಾಗಿದೆ’ ಎಂದು ಹಾಸನ ಬಸ್ ನಿಲ್ದಾಣದ ವ್ಯವಸ್ಥಾಪಕ ಮಂಜುನಾಥ್ ತಿಳಿಸಿದರು.