ಪಿಂಜಾರ ಅಭಿವೃದ್ಧಿ ನಿಗಮ ಮಂಡಳಿ ರಚನೆಗೆ ಆಗ್ರಹ

ಸಂಘದ ಅಧ್ಯಕ್ಷ ರಾಜಾಭಕ್ಷ ಗುಡುಗೇರಿ ಮಾತನಾಡಿ, ‘ನದಾಫ, ಪಿಂಜಾರ ಜನಾಂಗವು ಶೈಕ್ಷಣಿಕವಾಗಿ, ಆರ್ಥಿಕವಾಗಿ, ಔದ್ಯೋಗಿಕ ಹಾಗೂ ಸಾಮಾಜಿಕವಾಗಿ ಅತ್ಯಂತ ಹಿಂದುಳಿದವರಾಗಿದ್ದು, ಸಮಾಜದ ಸರ್ವತೋಮುಖ ಅಭಿವೃದ್ಧಿಗಾಗಿ ಸರ್ಕಾರವು ನಿಗಮ, ಮಂಡಳಿ ರಚಿಸುವ ಅವಶ್ಯತೆ ಇದೆ ಎಂದು ಹೇಳಿದರು.

ಹಲವಾರು ವರ್ಷಗಳಿಂದ ನಮ್ಮ ಬೇಡಿಕೆಗಳನ್ನು ಈಡೇರಿಸಲು ಮನವಿ ಸಲ್ಲಿಸಿದರೂ ಪ್ರಯೋಜನವಾಗಿಲ್ಲ. ನದಾಫ ಮತ್ತು ಪಿಂಜಾರ ಸಮಾಜವು ಅತಿ ಹಿಂದುಳಿದಿದ್ದು, ಈ ಸಮಾಜದಲ್ಲಿ ಶೇ 95ರಷ್ಟು ಜನ ಕೂಲಿ ಮಾಡಿಕೊಂಡು ಜೀವನ ನಡೆಸುತ್ತಿದ್ದಾರೆ. ಸರ್ಕಾರದ ಯೋಜನೆಗಳು ಸಮಾಜಕ್ಕೆ ಸರಿಯಾಗಿ ತಲುಪುತ್ತಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದರು.

ಹೆಚ್ಚುವರಿ ಜಿಲ್ಲಾಧಿಕಾರಿ ಎಸ್‌. ಯೋಗೇಶ್ವರ ಅವರಿಗೆ ಮನವಿ ಸಲ್ಲಿಸಿದರು.ಪ್ರತಿಭಟನೆಯಲ್ಲಿ ಜಿಲ್ಲಾ ಘಟಕದ ಅಧ್ಯಕ್ಷ ರಾಜಾಭಕ್ಷ ಗುಡಗೇರಿ, ಜಿಲ್ಲಾ ಘಟಕದ ಉಪಾಧ್ಯಕ್ಷ ದಾವಲಸಾಬ ಎರಿಮನಿ, ತಾಲ್ಲೂಕು ಘಟಕದ ಅಧ್ಯಕ್ಷ ಹುಸೇನಸಾಬ್‌ ದೇವಿಹೊಸೂರು, ಪ್ರಮುಖರಾದ ನಜೀರಸಾಬ್‌ ನದಾಫ, ಎಂ.ಜೆ.ಹಿತ್ತಲಮನಿ, ಕೆ.ಎಚ್.ದೊಡ್ಡಮನಿ, ಜಹಂಗೀರಸಾಬ್‌ ನದಾಫ, ಬಾಷಾ ಹೊನ್ನುರಸಾಬ್‌, ನಂದ್ಯಾಲ ಬಾಬಾಜಾನ, ಶರೀಫಸಾಬ್‌ ನದಾಫ, ಜಹಾಂಗಿರಿ ಕುಡುಪಲಿ, ಕಬೀರಸಾಬ ಜಂಗ್ಲೇಪ್ಪನವರ ಇದ್ದರು.