ರಾಣೆಬೆನ್ನೂರು | ಗೃಹಪ್ರವೇಶದ ಊಟ ಸೇವಿಸಿ 37 ಮಂದಿ ಅಸ್ವಸ್ಥ

ಗ್ರಾಮದ ಬಸವರಾಜ ಶೇಖಪ್ಪ ಶಾಂತನವರ ಅವರ ಗೃಹಪ್ರವೇಶ ಶುಕ್ರವಾರ ಇತ್ತು. ಕಾರ್ಯಕ್ರಮದಲ್ಲಿ ಊಟ ಮಾಡಿದ ಜನರು ರಾತ್ರಿ ವಾಂತಿಬೇಧಿಯಿಂದ ಬಳಲಿ ಅಸ್ವಸ್ಥಗೊಂಡರು. ಶನಿವಾರ ಬೆಳಿಗ್ಗೆ ತುಮ್ಮಿನಕಟ್ಟಿ ಸಾರ್ವಜನಿಕ ಆಸ್ಪತ್ರೆಗೆ ಚಿಕಿತ್ಸೆಗೆ ದಾಖಲಿಸಲಾಯಿತು.

ಸಾರ್ವಜನಿಕ ಆಸ್ಪತ್ರೆಯ ಆಡಳಿತಾಧಿಕಾರಿ ಡಾ.ಗೋವಿಂದ ನೇತೃತ್ವದಲ್ಲಿ 37 ಜನರಿಗೂ ಚಿಕಿತ್ಸೆ ನೀಡಿದರು. ಸುದ್ದಿ ತಿಳಿದ ಶಾಸಕ ಪ್ರಕಾಶ ಕೋಳಿವಾಡ ಆಸ್ಪತ್ರೆಗೆ ಭೇಟಿ ನೀಡಿ ಸೂಕ್ತ ಚಿಕಿತ್ಸೆ ನೀಡುವಂತೆ ವೈದ್ಯರಿಗೆ ಸೂಚಿಸಿದರು.

ಘಟನೆಗೆ ನಿಖರವಾದ ಕಾರಣ ತಿಳಿದುಬಂದಿಲ್ಲ. ಈ ಕುರಿತು ಹಲಗೇರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ನಡೆಸಿದ್ದಾರೆ ಎಂದು ತಿಳಿದುಬಂದಿದೆ.